中大性小眾研究計劃前年 1 月至去年 6 月，分別問卷訪問了 500 多名 18 至 35 歲的香港同志青年，以及約 150 名同志家長，了解他們的心理健康。
結果顯示，近兩成（19.5%）同志青年曾想過自殺，超過三分一（35%）家長有中至高程度的擔心情緒，約 1 成半甚至有過自殺念頭。
報導詳情：
當子女肯講性取向時，希望大家肯平心靜氣咁聽，任何指責 都係無補於事，反而令子女更難受
5個讚
其實真係會咁樣？
咪當佢地獨身冇結婚，搬出去同朋友住囉
真人真事, 我有個朋友(女性) 30+係Les., 獨女, 佢父母成日催佢如拍拖結婚… 有一日我朋友的起心肝帶埋另一半見父母… 一開口同父母講係Les…老豆即時爆血管…所以屋企接受唔到, 真係要瞞一世…
3個讚
勉強無幸福，真係唔鍾意，點迫都無用。希望大家明白 同性戀 比例就少，所以選擇較少，一旦子女揾到岩既另一半，唔洗出言惡向，平常心看待就得。e家大把人唔生，所以男男/女女 只要開心一齊 同 一般男女夫婦 無分別
佢老豆救唔救到？
比親戚朋友笑到面黃
冇得傳宗接代
視為不孝也
可能我地呢一輩又ok, 不過如果佢地想要仔女，我會叫佢諗清楚，仔女嘅感覺
2個讚
冇人要乜嘢都同人地講嘅
唔結婚都好平常咋
我覺得蘇C黃同金燕玲日子過得好開心喎
做父母既一時間接受唔到唔出奇
但講到尾2個人開心又影響唔到人米得囉
唔一定3姑6婆問題，有d 有宗教既父母 對 同性戀 好有執念
2個讚
唔結婚正常
但同性戀就唔係人人接受到
你仲唔明？
1個讚
仔女健康開心就足夠，佢冇傷害别人做乜我都會支持
1個讚
我明，但唔駛去到自殺嘅
救到… 但就行動不便囉…
我係基督徒, 由細都被教育同性戀係罪, 但到我年紀越來越大, 就覺得同性戀都好可憐, 亦都唔係佢地想的.
所以, 係我未有下一代時已經決定左, 如果我小朋友係同性戀, 我會尊重, 接納並且祝福. 但就唔會鼓勵.
7個讚
我對同性只限女無乜反感。
但如果男仔 我會反感，所以若果生個仔大左係基，我諗我都需要時間去消化一下同適應。
不過我老公係勁憎基佬。
我估主因係覺得醜，面對唔到自己仔女係基，世界末日feel。
同意樓上講父母唔Open既就唔好公開了。
1個讚
當然, 我哋呢代應該明白事理好多啦…但又唔可以一概而論, 我識得一個點頭藍朋友(約40歲左右), 佢講到同性戀係大逆不道, 有違道德咁呀…