大家好,我係讀緊書嘅
家母最近籌劃緊退休之後嘅收入,行街見到有個儲蓄保險計劃吸引咗佢,就拎咗單張返嚟,同我講佢想買。
張單係噉嘅:
![IMG_7261](https://www.babydiscuss.com/uploads/db7615/original/3X/b/8/b861c42f91f101eedcd7179c6c966e4d1b56899f.jpeg)
睇到每年保證派一萬係似乎幾吸引,但係計返條數:(我數學就唔掂嘅,計錯數請不吝指正)
我睇到張單要將啲錢綁住咁耐唔郁得,覺得買完個保險之後家母即刻蝕咗一大筆錢噉,而且保證回報又真係太低……
呢份保險可以家母過身之後轉俾另一個屋企人,個計劃話保障年期係「至最新受保人138歲」。
家母識得嘅投資產品就凈係得儲蓄保險:我細個嗰陣佢就已經買咗教育基金俾我,過多幾年就可以拎返出嚟。
我宜家諗住就不如我同佢自製一個一模一樣嘅儲蓄保險俾佢啦。都係可以每年拎一萬,但係就 (1) 錢可以隨時拎出嚟;(2) 回報相對高啲:
- 方案一:將筆錢買穩健嘅ETF,全球分散投資,應該會月供VT同IEI啦,可以再考慮其他將資產分得更散,諸如全球公債ETF、貴金屬ETF嗰啲都值得諗嘅。
- 方案二:開個特別自願性供款嘅強積金户口,然後就按預設投資策略嚟投資。
方案二無咁透明、無咁靈活、相對貴,但兩個方案啲錢都係可以隨時拎出嚟,唔使擺十幾年,可以取得合理回報。筆錢如果好似儲蓄保險噉擺十幾年咁耐,我真係唔預期佢會蝕錢,但如果真係蝕咗,我係會自己填返嘅。
同一時間,我睇到有保險公司出咗個平均每年保證派息2.6%,為期5年。佢吸引到我嘅係佢任何時候退保都可以全額拎返啲錢。
噉我諗呢個儲蓄保險係可以用嚟考慮作為家母其中一個投資產品嘅。
想了解下大家有冇買開儲蓄保險?如果有嘅話,係抱住咩嘢心態去買?我都希望了解多啲呢類產品。同埋想了解一下大家點樣計劃退休之後嘅收入,希望可以互相交流參考。亦希望大家可以就我提出嘅替代方案俾意見,睇下係咪適合用嚟退休。
係啊
家母話佢身邊好多人都係買中國人壽嘅儲蓄保險喎
我有閒錢都可能唔會願意噉使……買完十幾年有得睇冇得用。
1個讚
我老公話除咗醫療保險,其他保險係搵笨,買保險公司股票仲實際
1個讚
叫個agent畀成份proposal出嚟,之後再研究,
首先要氹掂媽媽唔好簽任何文件。
都係架 真係只不過幫下親戚
公司train到佢哋講到個plan好抵好貼心
但當我問啲數嘅細節 唔睇佢公司個表 叫佢自己計我5年、10年withdraw時實攞幾錢 就知呢啲嘢完全無用
佢哋會不斷講保到100歲 回報就高
有人會等到100歲先攞錢咩?!攞到都可能用唔到喇 ![:joy: :joy:](https://www.babydiscuss.com/images/emoji/twitter/joy.png?v=9)
中人壽上年仲有個8年期儲蓄計劃,綁8年,保證(約3%)+非保證(約1.12%),總回報每年約4.12%
不過係交銀代售,中人壽係冇得買。
JOOOO
14
買旅遊保, 意外保(跌傷扭親那種) 同醫療保就夠!
至於派$那種不如買收息股.
1個讚
如果只為退休收入,去銀行做月供股票,打散買幾隻收息股,回報應該多過呢隻保險好多。
2個讚
有買呢啲保險,主要係因為有小朋友同層樓,瓜左都起碼夠佢地生活一段時間
如果你媽媽萬一佢依家過身,對你地係咪好大影響? 家庭經濟支柱? 如果佢無收入,你讀緊書係咪即刻無錢讀? 你都會無飯開? 係既,可以買,但更應該係買"定期人壽",無儲蓄成份,千三蚊一年保你一百萬
講計劃,其實間間回報都係咁上下,無返三四十年都唔好諗住有賺,我最舊個份2000年買,依家叫做打個和,但蝕晒利息喎
講儲蓄,好似你諗咁做就得喇,只緊要係紀律性,唔好隨便賣。買樓易賺錢,因為賣樓難,跌兩成你都未必賣得出,最後又升返入你袋,買股/ETF,大把人跌一跌就急急腳放晒,之後升返就唔關你事…
2個讚
我有買中人壽保險。
係一次過付款(可分二次付,貴少少), 存6年,平均每次4.2%利息。明年到期,我當定存咁存。
每年派現金嘅保險,好似唔值得買。
好多謝你詳盡嘅回應!
家母係家庭主婦,而我讀書都係拎政府嘅貸款嚟讀嘅。如果家母不幸離開人世,唔影響屋企經濟來源嘅。所以宜家我個考慮係放喺點樣同佢一一齊計劃佢嘅退休生活度。
三四十年又真係太長喎。事關家母已經五十幾歲,仲要等咁長時間似乎唔係咁好,都要擔心佢享受唔到。
咁買人壽理由就剩返真係去左,你地都要駛一筆錢,留俾你地一個心意而唔係負擔就要人壽喇…
所以講返計劃,好似你咁買已經OK,再低風險啲就照買儲蓄保險,好多都係儲三四年等八年十年就拎返咁,計利息可能都係2%3%左右,但只少唔會見到股價一跌就驚餐死。再講多次,買股最大問題係太易賣,一跌市就大把人賣走,如果到升市就無自己份。
1個讚
其實我都有買
連登成日話保險呃人
我覺得唔係嘅
因為唔係個個識炒股
但有樣野就係你必須肯定呢筆錢你一定唔會攞出黎
後生仔一定要買左樓後先買儲蓄保
如果老人家係咪年金仲好D。。差唔多回報