上面JM分析有理, 打人又唔做家務又唔理個仔又唔顧家又洗腳唔抹腳請問有咩值得樓主你留戀?!
離婚唔係一定好, 但你呢個CASE似乎無乜需要考慮
如果你無錢可以去 LEGAL AID 申請法援搞
1個讚
樓主，如果我係妳阿媽，我諗我會掃埋妳走，最多個孫可以係度住，妳知唔知妳唔離開個男人，妳，阿仔同阿媽就要一同承受，我覺得咁樣好不孝
11個讚
同意，自己做錯決定自己受都算，問題係累埋自己至親嗰兩個，媽媽同仔仔真係好無辜
唔知樓主係真心問意見定只係求安慰，希望你為咗個仔會長大啦
4個讚
樓主可能一心諗住上黎呻下埋怨下個老公，圍下爐，點知最尾竟然係自己俾人圍。
1個讚
樓主，我強烈建議你快D走，你個case好似我朋友，佢老公郁手打佢用碟菜潑佢吾比家用洗女人錢闊佬自己仔女一毫子都吾比⋯⋯，我有水晶球可以話你知個男人一定吾會改，更加會越來越衰，我朋友因為小朋友都一直冇走，但生完一次cancer之後再復發再復發，上年终於可以完全休息，佢走之前果年同我講過只有佢死左個男人先會放過佢，其實明明一早走左個結果點都吾會差過依家，點解吾願意去離開呢？
2個讚
老公的確係衰
但衰到呢個level個老婆只係呻但又無打算做任何嘢，個問題就出係個老婆度啦
3個讚
如果一個人，你覺得佢佢好衰好衰都仲要同佢一齊生活，(不論父母親人關係，定伴侶又好) 咁責任都係你自己身上，只要你係成年人，同邊個生活都係自己選擇，自己有責任改變現狀。
如果你能力不足就只能怪自己，呻就呻自己，唔好呻人哋。
我唔接受道德綁架，呢啲都係呃自己唔想面對現實：怕做衰人，怕比人話，於是就寧願維持現狀，但就將責任推去他人身上，怪責別人。
例如話因為有仔女呀，唔想單親呀～咁你就毛啦啦懶左個細嘅🥲 如果你真係咁偉大，唔該你就真心接受左個現況，唔好呻，亦拎仔女擋箭。
我淨係相信愛自己嘅人先有能力愛他人，夾硬扮好人，係都要做慘角冇所謂，問題係自己又唔順氣喎。
12個讚
樓主無咁高道德觀
依家只係比5K家用綁架
2個讚
無他嘅，可能未夠絕望呢。又或者有啲人有被虐人格，覺得係打者愛也，又覺得個男人冇左自己會死會發癲所以自己好重要又仲有啲咁多嘅感情係度咪走唔到。
我都曾經有個朋友個ex老公仲係男朋友果時都係愛你愛到會自殘，冇左你會死果種，離離合合鬧下分手又好番又分下手不下數十次，最尾結左婚，仔都生左兩個，以為佢地會地久天長，點知都係離婚收場
1個讚
有人係熱衷於情海翻波，太平淡會唔自在。
3個讚
好啦，我諗住忠言都要講得好聽少少咁，佢會易啲面對
1個讚
係，初初都諗住認真答俾下意見，但依度咁多jm認真俾意見完，樓主只係話大家講得啱，但又做唔到咁，即係點呢？諗住就咁坐喺度圍下爐，件事就會變好？根本由最初到宜家，有好多位可以改變個狀態。樓主應該正視返自己問題，唔好只係識得怪對方點點點
如果因為5千蚊而唔走，咁已做咗選擇，冇嘢好呻。
呢位JM講出重點來。就算心智年齡好細，都已做人父母係成年人，點生活係自己揀。正所謂條路自己揀，_ _ _ _ _。
2個讚
我朋友離婚就係話唔想屈到生cancer
我識人就因為婚姻唔愉快，但兩個都唔肯離婚，日嘈夜嘈，結果個男人生cancer 走咗，個女人，我feel 到佢重生咁，一身鬆晒。
好少係男人屈到病,佢地有無小朋友?
好彩無小朋友，個男人責任感比較重，所以屈埋屈埋就病咗。
其實一早離婚就唔使搞到咁，真係好唏噓…
如果有小朋友,我100%肯定屈病既會係女人~
因為我同我朋友都屈到生腫瘤(唔係CANCER),我朋友揀左離婚,我而家就唔忍我老公
Yym 你講得真好 我都替樓主媽媽難過
樓主 我真心叫你小心阿仔同你自己既安全 睇報紙都見好多男人知要離婚 會做更恐怖既事
2個讚