一開始你好冷靜
依家突然燥底咗
我係一開波已經燥底曬
1個讚
唔淮搶答呀
如果真係為嗰幾千蚊而唔去保護個仔同亜媽，你唔配做人亜媽同女。
做人理性少少唔係好難，退一步並唔會海闊天空，遲早出事。
聽下大家講啦，我哋唔會想害你。
3個讚
真心如果我係樓主媽媽
可能會為左個女同孫做底個女婿坐監算
1個讚
身為媽媽真係好容易代入，真係越睇越嬲，火都黎
都自己一開始講到明個老公係廢，仲諗住話佢會變，傻的嗎？
最嬲嘅係，個個都俾曬建議，佢都仲可以繼續幻想可以變好，然後又講到所有責任都係個老公到，大佬啊，一隻手掌拍唔響嘅。
1個讚
應該唔會聽，你估佢亞媽同朋友無講過咩⋯⋯
所以我真係想知點解要留低
完全唔明
我明，其實不過一個字，蠢。
err err err
整定嘅，無得怪佢
但我覺得佢問題不在蠢
老公肯幫樓主還錢，老婆先會繼續留低
一路係埋怨緊老公，其實無打算解決件事
我諗某程度上哩啲都算係叫做自食其果。你唔好好教好自己個仔女，分分鐘到佢地大個左仲有排你煩。（突然間諗起潘曉穎媽咪）
自己都係借錢要還債嘅人，其實同老公真係天生一對
樓主個post係埋怨緊老公唔識點好好用錢 如果可以善用d錢，應該可以比多d家庭老婆，咁就唔會有呢個post
被打係20年10月嘅事，無出post，應該問題不大
其實樓主自己話自己係小康，話有養狗
我覺得兩者毫無關係，住公屋都好多人養狗啦
如果係小康，亞女欠債，父母點會唔幫手還？
件事都幾多謎團…
一係膠
一係就… 常人不能理解
5個讚
加埋搵得三萬幾但老婆欠債老公養車… 仲要養個小朋友… 我都睇唔到未來。
未結婚都知個男人家庭同經濟狀況，都仲要一齊嘅，樓主自己都預咗要捱架啦，唔通真係以為結咗婚有個小朋友，個男人就會變咩。變嘅係你自己心態，拍拖以為為愛乜都得，結咗婚住埋先睇清事實，所以你只可怪自己當初天真，其實搞成咁你自己都有責任，唔係一味賴晒落人度。
為咗要個男人份錢而忍受家暴… sorry, 我覺得咁係明買明賣，怨d乜？係愛惜自己、有骨氣嘅，自己搵錢還債啦，仲洗一邊怨一邊袋錢？你諗下你媽媽養到個女咁大，依家竟然因為每個月果幾千而忍受家暴… 你都做人阿媽，應該明白幾心痛。
最重要係如果真心為個仔，應該一早帶走佢而唔係比佢留響度睇家暴現場。唉。
7個讚
我唔係媽媽，所以我就唔講小朋友嗰part，以上好多媽媽已經講咗好多
純粹一個打女人、冇本事、欠債、一有錢拎去整車、喺你媽度食住唔比錢仲打佢個女、唔做家務、淨係識打機嘅男人，是但一樣我已經攆佢走九世啦
8個讚
樓主有d傲氣嘅，佢係小康，但老公就「公屋仔」，奶奶就「都係冇錢有精神病」。
比起出身，待人處世同眼光先最重要。小康出身起步可能比人好，但最後因為唔識諗而掉返入劏房，浪費咗好嘅起步，搞到咁自己何嘗無責任呢。希望樓主痛定思痛，有啲骨氣，唔好因為留戀果少少錢就忍受家暴，咁真係為小朋友建立壞榜樣。
11個讚
樓主幾多歲？(可能睇漏咗但唔覺有提)
不如你進修增值自己，搵多啲好過靠個衰男人啦。萬幾蚊人工養個小朋友好吃力，但人工高啲你就會愈來愈輕鬆，女人自強就會靚就會幸福了
1個讚
Sorry 樓主，你原生家庭唔錯，但月入係萬四？你好後生？
我係你媽就一早掃咗你老公走，我貼錢比我個寶貝女寶貝孫但仲要見到佢哋俾人虐待？嗰度我屋企嚟㗎，住我嘅食我嘅都仲夠膽整到污糟邋遢 
既然有媽媽撐腰，去進修下，搵過份好啲嘅工，之後再搵過個好男人好過啦
4個讚
同問…樓主感覺睇唔起老公出身
但其實佢月入2萬，仲想佢租幾大間屋嚟住？
樓主自己份糧就攞黎還債，真係點都計唔掂條數 
其實點解我會咁講，9千5月租，可以租間大啲既屋未至於要去住劏房，佢問都唔問我就租左，係因為「返工搭車近」，我租屋前大前題已經唔介意遠，已經唔係租自己住開個區，佢聲都唔聲就租左間劏房，行路都冇位，又點比個小朋友爬，爬我都驚佢跌落床
唔係針對樓主. 但係生仔的確令樓主的難處放大幾十萬倍
香港真係好保守, 有左bb 然後結婚生佢出黎好似好理所當然. 好似呢啲係負責任.
生佢出黎養唔到先係最不負責任.
我自己覺得, 有左gei default 係落左佢. 當然最好就係做足避孕啦, 咁都有避左都中既case.
如果真係想生, 有能力養, 應付到各種不幸狀況 : 例如單親都養到, 個小朋友有長期病患都養到先好生.
初期胚胎只係細胞, 沒有生命. 趁佢沒有思想沒有知覺就解決左佢. 唔好帶怇黎痛苦艱難的世界. 除非真係負到責任, 俾到幸福小朋友先好生.
2個讚
的確係睇唔起老公feel
樓主個post其實都埋怨老公如果「醒d可以好好運用人工，日子可以好過d」
但其實老公搵錢多過樓主，去檢討無用，其實咪係要檢討自己先呢？
講到尾老公反而有洗錢落小朋友度（有比家用）
樓主d人工全部拎去還債？
講講下老公突然委屈咗 其實係咪屈到有心理病呢
1個讚
以前劏房個度9500，其實呢個數可以唔洗住劏房。
1個讚