前幾日無意中發現左老公幾前年偷食的相⋯ 當時我唔想相信，幫佢搵籍口，但種種證據，無法幫佢解釋，個心好痛，唔知可以同邊個講，家人朋友唔想講，唔想影響到老公在大家心目中的形象。
發現後，我只係whatsapp 問左句你以前係咪有第二個？佢輕描淡寫，只係追問我咩事但我冇答，所以佢其實根本唔知我知道左d 咩。呢幾日我冇同佢講野，我冇大吵大鬧，只係同佢講我要冷靜，唔想傾住。
佢寫左封信比我，大約講想同我繼續行落去，好愛我同小朋友。但我睇完我真係想撕左佢，因為佢只係講我地係幾重要，佢冇認錯同道歉，或者，佢都唔知我講邊次？
個腦海一直諗住，點解會發生？點解咁對我？呢十幾年對佢的完全信任，依家破壞左了，我點樣可以好似以前咁行落去？
前排先同朋友傾過計，笑言老公偷食千祈唔好比我知，點知⋯ 我真係好無意之中發現左⋯ 我真係估唔到自己咁冷靜。
當初選擇呢個男人，係覺得佢純品，孝順，真係冇諗過原來佢都不外如是。
都已經係發生咗嘅事
人總會決定錯，做錯嘢嘅時候
見你老公依家反應都唔係差
勸你自己調節一下，忘記過去
小朋友幾大？
一係原諒繼續行落去
一係分開，各有各行
一定好心痛，保重
我明白你意思，我想忘記，但呢刻未做到。
好心痛。
6 歲，d 相係生左個小朋友幾個月後的時候影。
我會好好保重的！
6歲，應該唔明乜嘢係離婚。為咗小朋友，可能真係要繼續行落去…
同老公講清楚，拖拖拉拉唔係辦法，小朋友會知道你哋有問題，盡量唔好影響小朋友。為咗小朋友，心痛過後再重新開始。加油
我都唔知應該點講清楚，或者唔知講咩好。
相係幾年前影，是外地公幹時影的相，個女人甚至女友定係雞其實都唔知。我都唔知自己係咪要知道得咁清楚。
亞Q啲諗，外地公幹個女人係當地人？ons後唔會再見到，可能會好過啲
保重，而家你一定好亂，睇到相嘅一刻應該個腦一片空白。雖然而家會好想知自己究竟點做，要原諒/分開，但網上大家的意見可能會更擾亂你思緒。
而家唔好理老公講d咩先（因為男人首先唔會認，之後有證據要局住認就話會改）佢講咩唔重要了，主要你自己傾向點揀。
都建議你可以同最親的一兩個身邊人傾，旁觀者清。
係當地人。
我都有咁諗，只係同時間亦諗，過去咁多年咁多次公幹，究竟不忠左幾多次？一諗到呢度，個人就裂開咁痛。
我相信佢知我一定係有證據先會咁，因為咁多年我都冇試過咁，完全百分百信任。
我都有諗過搵朋友傾，但真係唔想件事愈揚愈開，更加唔想比家人知。
明白姊妹，希望你可以渡過呢關，我哋會喺度聽你心事。You are not alone 
好多謝你，係你地陌路人陪左我呢一晚。
直接問老公個張相嘅女人係邊個，聽吓個佢講D乜先，其他嘢深究落去都未必有用。最緊要係你自己點諗，小朋友仲細過，你要小心決定。如果佢係好爸爸，一齊行落去對小朋友好D，如果佢唔係好爸爸就唔好一齊落去啦，仲有你自己如果真係原諒左佢就唔好再重提呢件事，或是就當佢係同屋住客就算。你問我，呢一刻一定以小朋友感受行先。你自己喊完，深呼吸洗個面，瞓下先，醒咗再諗，要休息要保重。
問得多咪棧自己更多陰影，不如講清楚如你前事不計，他以後是否可以忠誠
時間會沖淡一切傷痛
反而你要理性啲去驗一驗身
佢梗係唔認錯啦，因為佢未知你指邊單，認咗到時你攞嚟問罪
你問，佢一定諸多借口甚至賴係朋友既女朋友，總之佢一定冇偷食
自己諗頂唔頂到，無論如何先plan條後路比自己
相信…不止這一次
如果 你仲想同佢行落去 就忘記一切 唔好問咁多 知得多仲痛苦
但諗定後路
如果攤牌 可能大吵 屋企就會有大變動
出軌 只得零次同無限次
利申, 我老公出面有女人,拉扯左一年半,而家生不如死。忘記唔到。我老公唔知錯,但佢最後都選擇返屋企。
未發現之前絕對覺得佢係好老公同好爸爸。呢刻我未原諒到，夾雜住失望同嬲，所以眼尾都唔想望到佢。往後唔再重提，我諗我未必做到⋯
係，應該要小朋友感受行先，多謝你提醒返我。呢兩日放假我真係匿埋自已係房，冇好好陪佢地。