早前去參加出租單位既業主立案法團 既週年大會，觀察到肯出席既業主人數唔多。
先講下背景，屋苑樓齡廿頭，單位數目4百幾戶，車位2百幾個，有會所，泳池，管理費正常普通，屋苑基金有幾百萬盈餘。由於上年因武肺問題，已經停開左一年，所以今年議程比較多，淨維修工程議題金額都講緊2M , 最重要係表決管理公司續約。法團 同 管理公司 都正正常常，我對佢地整體無異議。
係大會上，現屆法團手持受權票 約屋苑整體業權8.5% , 其餘現身出席 大約40人，所以 以整體戶數尼計，只係得十幾% 業主有參與，其他既真係沉默大多數。。。
你地d 物業係咪都一樣情況？你自己平時有否出席週年大會？如果無，點解唔出席呢？
要到夾錢時啲人先會出現
作為業主，係義務參察法團/管理公司運作，而周年大會就係工作總結/表決時間，沉默大多數業主 d時間連一年兩粒鐘都無。。。
我哋屋苑係保皇黨前前區議員做主席，聽講佢話事權好大，所以佢住嗰座啲資源係最好嘅，管理處亦都好聽佢話。開會前座頭會盡量叫啲業主簽張嘢授權畀佢哋，有好多人唔理咁多就簽，個主席都有whatsapp我老公叫佢簽。其實最初都有好多業主相關註一吓啲洗費同管理，但係次次開會都鬧曬大交，鬼殺咁嘈，根本都傾唔到嘢，之後就有好多人放棄喇。所以呢度係一人獨大，我哋又冇本事換到長X嘅管理公司，無論幾差都要受。
聽講好似話大業主有商場同停車場嘅份數，再加埋授權畀佢哋嗰啲，點都係由佢哋話事喎。
我果道無商場(鋪), 100% 純住，所以發展商只保留十幾個車位
大部分屋苑都係咁
其實呢啲基層建制滲透好多年了，冇人理，香港人永遠以為投票嗰刻先係政治，仲好清高話我討厭政治
開會就嘈交，夾錢就圍標。政治嘅縮影
個個都係咁，比人揸壓到一個點先黎推翻法團
無出現，經常不夠人有人上門拍門叫人落去，唔出席係因為唔想去
長x樓盤的大厦公契內，通常係寫明由長x營運嘅管理公司做，除非有超過xx%業主反對及召開業主大會，唔係嘅話，永世由佢哋管理。
呢度寬頻同電話都係 3，管理費內已包，唔用冇得減返出嚟。
我住左廿年，只出席過一次，就係有一年話委員會搞事，結果好多人出席，之後成功換走左後就冇再理。冇事冇幹就冇乜興趣去理
通常都各有各，冇人理嫁
通常加管理費同夾錢維修就會引晒啲人出嚟