最近得知老公原來在和我拍拖時有去過嫖妓幾次，我是在婚後才知道的，而且bb已經出生幾個月，我們是奉子成婚的。他說對女朋友和老婆是不同，答應我不會再做同樣的事，因為要對我負責任，我因為bb 所以想給予他一次機會，但又怕相信多一次只是會得到失望，現在每一日都在痛苦中掙扎。實在不明白錯的不是我，為什麼承受痛苦的卻是我？我是否應該相信他？
1個讚
如果成為習慣好難改喎
1個讚
拍拖都仲要買服務？咁佢係覺得你滿足唔到佢定佢鍾意出面嘅感？
佢係因為負責任而被迫冇得嫖妓，即係佢本身係鍾意嫖妓但係為咗你先唔做，咁其實好容易做返⋯⋯
財政大權係邊個手上？
男人有錢就會身癢。
1個讚
冇關係
好似煙引咁，幾冇錢嘅，大引自然有佢嘅辦法
但我覺得樓主都結左婚，有bb，老公都坦白左，就信佢啦
10個讚
我都同意要信任對方，
但同時對樓主嚟講係條剌。
條刺點都會有，歷史改變唔到喎
1個讚
Bb剛出世。。。我會選擇相信佢多一次，但會為自己同bb 想好後路，錢，獨立既能力
決定左相信就唔好再諗，如果唔係自己會好痛苦。。。怕佢再犯嗎，要keep住stay alert？我唔會，咁樣生活只會好sad…但並不是呀Q, 只係我始終相信天網恢恢
5個讚
咁要睇樓主啦～
1個讚
你係咩情況下知道佢叫雞？
唔信就離婚，bb會變單親
信就搏一鋪
睇你自己選擇
其實你既選擇只有：
- 而家離婚
- 信著先，遲D有唔妥離婚
- 相信佢
第1項真係唔抵。你而家帶著個bb離婚，都好難找個新男人，單親湊bb好辛苦。
3你會開心d既。係有d男人覺得婚前可嫖妓，婚後唔得既，至少佢口頭上仲應承你。
但如果心理過唔到，就選2啦。行得幾耐得幾耐，touch wood將來佢真係再犯要離婚，起碼bb都大左易搞d。
就算個男人講真心話，都難保佢將來自己忍唔著。另一方面，無嫖過妓既男人都好多出軌，未來既野邊個知？
1個讚
叫過 仲要幾次
好難之後唔會
我有個經驗，雖然不完全一樣，但睇下有無用。
話說我和老公拍拖時，俾我知道佢同ex搞過。（咁好正常係咪？不過對我地基督徒黎講，嚴重程度大概等同你發現老公嫖妓啦，你當參考就得，唔需要認同既）。於是我就有條刺係心，唔想再掂佢。
於是我們找傳道人講。傳道人約曬我地出黎，然後要老公坦誠成件事既詳情。佢老尷咁講曬佢同ex做到咩位，仲寫係張紙上面，然後認錯。傳道人點火燒左張紙，宣告佢既罪一筆勾消。我和老公都頗感動，之後我就無野，無再諗呢件事。
5個讚
你嘅情況係好似心理治療咁。
不過我覺得樓主情況有少少唔同，因為佢老公喺拍拖嗰陣出軌🥲
呢個都真係好方法！
學習放下，做夫妻會開心D
1個讚
原唔原諒佢都好，如果唔係家庭暴力而佢又錫BB，我一定唔會走，但努力工作儲錢，等第日再發生時我都可以選擇
5個讚
你根本滿足唔到佢
同你結婚只係責任
其實你同你老公一齊係因為仲愛佢定係想佢有責任照顧家庭?
如果你只係想佢照顧你同BＢ， 咁佢做咩都冇咩所謂。同埋最重要佢除左拎錢出黎，有冇真係幫手照顧ＢＢ同成個家庭？
但如果你係對佢有好深感情，咁呢件事你永遠唔會磨滅到，可能小小事就會拎返呢件事出黎嘈， 最後都係離婚收場。