可能由於Gaggenau 香港marketing 太静，一講起高級德製廚電，大部份人只係諗起 Miele , 聽過Gaggenau 個牌子既人真係少之又少。其實佢地係1683年德國創立，比Miele 早成200年有多，由最初打鐵廠仔開始，做下做下做德國最頂級廚電生產商，直到1995年被 博世 收購，至現仍然係 博世西門子 旗下最高級子品牌。
今次由於老婆細佬岩岩買左屋，我地諗住送份入伙禮物俾佢，係機緣巧合下，我見到 carousell 有人放 display貨 Gaggenau 400 系列既 combi (微波) 焗爐 BM450110, 新機最平都要$3萬尾，e家竟然平過1折，所以先買下，寫今次開箱文，由於我屋企，除微波爐外，其他d爐全部都係Miele, 所以會對比下兩個牌子分別。
由於部機係送俾人，同重37kg, 所以會一直接放係地下車仔度試機，而電都係臨時插著BBQ 爐個15A 插座度試，野食會試整，但要過幾日有時間先寫。
先講下部機硬件，Gaggenau design一向都走簡約，d爐得2個系列，200 (標準) 同 400(高級), 今次開箱就係400系列。E部機 係 燒烤微波爐 / 對流焗爐 2合一，可以混合烹煮方法，全機最大功率3100w , 熱風對流最大輸出1950w , 純微波最大輸出1000w, 燒烤 最大輸出2000w, 由於係高45cm既矮身機，所以容量最大只有36L, 產地係博世西門子英國廠房。
唔同Miele 高級型號用 全touch screen + 物理燈制/提示制，Gaggenau 用兩粒轉扭製+touch 確認，所以當一攪轉扭就會影響當前操作。因而，佢爐燈係長著，而不能像Miele 咁，按需要人手按著(每次長半分鐘) 。
除左90cm size 爐外，Gaggenau d 爐門全部都係側開電子門，比起Miele 向下開門，各有各好處。。。G容易伸手入去抹清潔，而M道門可以做中轉站連盤放食物，再放入 / 由爐拿出，係重/大盤野時有幫助。因為Gaggenau 個 control panel 係門上面，電線係通過門較進出機身，唔知對電線壽命會唔會有影響？另外，雖然400系列係電子門，但可以用人手打開，e樣比 Miele X尾電子門型號要好，起碼電子壞左都仲可以用手開。
由於combi 微波焗爐只係G 牌中最平一種焗爐，所以爐腔無用上著名既藍色珐瑯面，而只是普通不鏽鋼面，背底為自潔催化劑面。
同其他Gaggenau 400系列一樣，E部爐提供左最多五組鏈式煮法，即按你自訂煮法/時間，行完一組，再一組咁煮，例如，先180w微波解冷10min，再行200c對流15min, 最後 行燒烤+180c對流 5min, 果機識自己行晒3組煮法，唔洗你中途走去按制。
