有野想請教一下大家！
我女而家2歲半，出世到而家都做過幾次聽力test，左耳Fail，屬於中度聽障，但因為佢一邊係正常，一直同佢溝通都唔先有咩問題，所以都無特別配耳機！
但到佢而家都仲係講緊單字，言語發展Delay 1年，我唔敢肯定會唔會關佢單耳聽障問題（因為我本人都係右耳聽唔清，但我媽話我無言語發展問題，1歲已經識講嘢）
之前上過私人言語治療但無咩大嘅改變，而家排緊政府，月尾開咗上堂！
問題係愈大愈發展佢左耳應該真係聽唔清，因為有時係佢左邊講嘢，佢會下意識擰返轉右邊示意再講，其實7月會做AABR，但唔想等咁耐，請問有冇邊間機構有得test+配耳機可以推薦？
有冇搵過聾福會？
小朋友這個stage學語言同學習係最快最吸收
如果經濟許可 去私家配助聽器
如果等政府 可能一隻耳仔聽唔到 佢都當係正常 未必配助聽器俾你架
政府仲要做完test 轉介去教育局 再排期 再睇下需唔需要配戴 其實時間真係好長
峰力有得test，千幾蚊
好過慢慢等呀
我就驚等政府有排，所以都想快啲排，坦白講，真係臨近佢返學愈心急，我睇下先，唔該哂你
我岩岩入咗資料等佢覆
因為好多家長都有推薦呢間，請問知唔知佢哋嘅耳機貴唔貴？雖然明白有需要都要買，但太貴驚難負擔
耳機既話
宜家最新最靚 一隻四萬以下 （已包聽力測試和保養）
真係超出我預期，我以為幾千就會有
（真心無留意呢方面，亦唔熟悉，唔該哂你！）
我囡囡是2隻耳都是中度聽障, 是天生的. 出世後在東區醫院第一次檢查時肥佬, 第二次檢查時又好像沒有問題, 所以醫院都沒有再跟進, 直至小一在健康院做身體檢查時才發現 
之後就把個案交東區醫院耳鼻喉科專科跟, 同時學校會交教育局特殊教育部跟進. 教育局會約見你做評估, 再安排配耳機. 我當年是被安排到峰力, 費用全免, 耳機也定時更新. 但好像今年開始, 政府已沒有再找峰力合作, 改了那一間, 我也不肯定, 但一定是免費的. 我囡囡今年DSE了, 教育局上個月還有來電跟進個案.
提外話, 峰力的服務真的十分好, 聽力師對小朋友亦很有耐性, 不過耳機就真的比較貴. 所以如果囡囡準備今年開學, 會不會考慮把相關資料交給學校, 看一看學校有什麼措施可幫忙?
其實排到7月政府都會再做多2次聽力測試，因為打過去峰力到問，佢一隻耳機都要2萬5以上，真係有壓力，而家唯有等政府果邊做埋test，儘快轉介
我也是負擔不起2隻耳機 … 另外, 隨著年齡增加, 大概3-4年便會換新機, 所以最好交政府跟進
無錯
我小朋友都係單耳聽障
教育局跟緊，有一隻free既助聽器
叫做暫時無咁吃力，大個唔知點算了
請問一下，教育局果個質數如何？
我女7月先會政府詳細check，到派到我諗都要開學後，都唔知free果個質素係點樣
無戴過其他牌子所以唔識比較
因為佢係度身訂造用內耳膜
小朋友出汗會成日話痕
所以要成日除出除份，但暫時未壞
都幾粗手粗腳，我當幾好
小朋友聽過話ok但佢會唔鍾意戴咁