有試過，我諗原因係我食得少，但我真係食唔落
同埋我夜晚先有老公幫手
你講既情況我同我識既好多媽媽都試過
最後好多都轉奶粉
內疚好耐
等BB再大D，有萬七咁多野煩都要擔心時
之後會有一日諗返我果陣點解咁痴線，咁都好內疚一餐，食乜都好健康就得啦
D母乳姑娘同成功餵母乳既媽媽谷過度渲染同貶低唔成功既媽媽好失敗，根本湊大BB健康長大就好成功啦！
加油媽媽！
4個讚
d人不斷吹捧人奶，將件事睇得好重，甚至論成敗。我就唔受Lee一套，我相信個BB會鍾意開心媽咪多d，正能量好緊要，個氣場都唔同。
1個讚
我自己一開始想方便先全埋身，之後好自然咁好執著有冇人奶，跟住個人情緒開始差，唔開心，我都唔知自己點解會咁執著
我生完第一個月都好堅持餵人奶，上奶唔係上唔到，但我個B係有邊乳頭唔肯食，搞到兩邊奶量超唔平衡，嗰邊泵都趕唔返個進度，而且泵耐，我個B食量又好似黑洞咁又食得耐，完全無休息時間。
而我個B係超醒瞓又成日喊，我都掙扎咗一陣餵母乳定唔餵，之後見我阿媽都因為我餵人奶多咗好多嘢做（多好多嘢洗），之後諗咁辛苦自己做乜啫，自己咪又係食奶粉大，把心一橫停母乳餵返奶粉，大家都舒服好多。
我個女食奶粉生長線係99%以上嘅B，去睇親醫生都話「big baby」，高大過晒好多同齡小朋友。
2個讚
我係全人奶餵到2歲，1歲後少左奶bb就開始跌磅，果陣試左幾隻奶粉但係佢1啖都唔吼，淨係飲人奶，見到其他bb飲奶粉肥嘟嘟我就好羨慕，同埋餵奶真係好辛苦：(
所以下一胎我希望唔使餵咁耐
我覺得唔好執著要餵到人奶，放鬆d唔好迫自己咁辛苦
我依家都仲有餵人奶，但已經無執著啦，佢喊就補奶粉
不過我想慢慢減奶咁收呀，順便享受長d親密時間
1個讚
好西利啊，成日睇到人分享餵到自然離乳，真心佩服
1歲後餵得有d難過。。成日唔夠奶都仲要chur我
依家離左乳就拋棄我，晚晚去左揾爺爺嫲嫲訓
1個讚