已經全埋身餵人奶，但bb未試過食飽瞓，不停喊，補過奶粉佢都係喊…
搓過肚，有放屁，掃風都有嗝
因為覺得自己唔夠奶真係好唔開心，bb又成日喊，前排跌出生長線入過院，最近又因其他問題入院
試過飲湯飲水食飯，食上奶野都係咁
就算瞓5，6個鐘都係得100-110ml奶（已經兩邊），又試過隔兩三小時泵奶，再手擠一滴都滴唔出，泵奶個時連奶陣都無，係埋身先會有，已經唔知可以點做
想餵到6個月，已經就黎兩個月d奶都追唔到比bb食
媽媽 我知同你講叫你放鬆係冇用嘅 所以不如唔好餵人奶 你越唔開心 就越冇奶 惡性循環 加上小朋友其實係會feel到你嘅情緒架
做奶粉B都係健康B 
1個讚
補完奶粉，係唔係BB都唔夠食？
我知餵母乳好偉大，但有時上唔到奶真係控制唔到，我個死黨都係咁，最後佢身心俱疲，日喊夜喊下，佢老公說服佢轉左全奶粉，BB好健康，而家一歲都未病過
我仔仔都係奶粉B，月頭去醫生度打針，醫生檢查完BB，話BB超前發展。所以奶粉B都可以好健康呀！
2個讚
我從來無試過夠人奶比bb飲，都係咩都做過晒都唔多奶，奶量同你差唔多，我同自己講餵得一日就一日，多1ml就當賺多1ml，最後餵咗八個月，一直都係補住奶粉餵
餵到全人奶當然係好啦，但補奶粉都無問題，奶粉都好有營養，盡咗力就得啦，我Bb宜家生長線中上，無病過
產後好容易被荷爾蒙影響情緒，盡量煩少一樣得一樣啦
1個讚
我都知道要放鬆心情，不過呢個月bb已經出入醫院3次，埋身少左，bb又辛苦，真係好唔開心呀
補奶粉次次都唔同量，因為我埋身之後先補，有時佢食少少就瞓著，有時補左3oz都唔夠…
可能我太想全埋身…比左好大壓力自己
1個讚
Bb大左唔會啜得好左架？ 
我後來都有補奶粉啦，點知見到bb食奶樽啜得超快，就諗到自己唔夠奶比佢食，自己又唔開心，又內疚
BB feel到架！媽媽開心一下啦
母子開心對大家都健康！
你試下一餐全奶粉？睇下佢會唔會再喊？如果飲夠奶，就唔駛再出入醫院咁多啊！
1個讚
其實奶粉B一樣好健康，所以我從來都冇好內疚過，最重要係大家搵到開心又健康既方法
開心湊BB，BB腦袋發展、情緒管理都好d！
1個讚
食人奶係有好多好處 但餵人奶只係湊小朋友一個好小好小嘅經歷 你同佢每日嘅互動 (例如同佢玩BU支支/peekaboo, 一齊聽 wheel on the bus, 一齊笑, 同佢沖涼)先係最重要架
只要大家都有好情緒 我相信佢去醫院嘅次數都係減少
2個讚
會㗎，越大就越有力，不過我都係追唔上佢奶量
bb奶樽食得快啲係一定的，因為奶樽唔洗太用力就啜到
其實bb肯埋身已經好好啦，姑娘話埋身會多過泵出嚟嘅量，我就係完全唔受泵
有冇人幫你手？有嘅就叫佢哋煲多啲湯俾你飲，你用pump泵完奶就去瞓覺，等其他人幫你餵b
我發覺當有壓力或者心情唔好或者唔夠瞓時，奶量都會減少，同埋補奶粉係冇問題嘅，到你休息好就自然可以全人奶
加油
有試過，一時會喊一時唔喊…同埋因為試過bb入院後，我即刻塞奶，痛到我瞓唔到，又熱敷又按摩搞成粒鐘先擠到出黎，所以我一定會先埋身…依家bb啜少左一晚已經又開始塞，泵都泵得好少
Bb仲好細，所以想佢食人奶先，我都知唔係想就可以
我有時都分唔到bb食得好唔好，因為之前試過食足3粒中。。。。奶樽佢真係啜得超快
因為埋身餵都係自己咋…係得夜晚老公會幫手先會泵
我好明白呀! 我當年都係唔夠奶, 中西上奶法都試過但都唔成功, 一路只能半人奶半奶粉去到6個月, 當時覺得自己好失敗好冇用好內疚, 甚至有輕微抑鬱要見醫生, 個女醫生同我講, 佢都有小朋友, 佢都係用奶粉餵BB, 冇問題架喎, 最緊要媽媽同BB開心, 其實BB食咩奶長大在成長或甚至人生路上真係一件好細好細嘅事, 唔需要放到咁大, 令自己有太大壓力~
我明旁人講咩都未必有用, 最緊要你自己慢慢放低, 記住, “you are not alone”! 出面真係仲有好多奶粉BB, 個個都健康成長架~~
1個讚
係食人奶食三粒鐘？如果係人奶就唔好比佢食咁耐，因為我嗰時bb又係食得超慢，健康院姑娘話正常啜的話每邊15mins都飽
你有無見過健康院嘅母乳姑娘？可以餵一次比姑娘睇，姑娘會比意見你
係，埋身連續食，見過好多次啦…醫院同健康院都有見
其實唔使內疚，盡力就可以. 我BB一出世就人奶加奶粉, 因為想半夜餐奶食奶粉會飽啲, 大人BB都瞓得好. 放完產假返工, 因為工作忙, 直接全奶粉. BB 夠飽, 又健康, 又成日笑. o甘樣可以好好享受做媽媽的樂趣.
1個讚