我覺得早少少做評估好d, 始終可以快d知道。 我同事個仔兩歲又係唔講嘢，所以有去上治療，之後講嘢都好正常。唔知係咪上堂既幫助定點，但係我同事都話值得去上堂。
唔好意思路過搭嘴，我小朋友年頭返K1時老師懷疑佢ADHD，所以我都去咗健康院拎轉介信，程序係首先上網download form，之後拎返學校叫老師填，填完fax去健康院，再等健康院醫生打電話問診，就會收到轉介信去政府評估中心，自己打電話去約時間去見姑娘，呢個過程已經用咗3個月時間，今日我啱啱第一次見完姑娘，姑娘話輪候時間要15個月先可以見小朋友。如果你小朋友已經讀緊K，不如快D上網拎form叫老師填咗先，我覺得老師對小朋友見嘅時間較長，會比較知道小朋友嘅問題，拎住老師填完嘅form不輪去政府定私家都好有用。
2個讚
唔需要
我小朋友就兩歲…我諗緊繼續觀察定排定測試
排咗先，因為到時可以選擇唔去，我知咁講有啲不負責任，但係排隊實在排好耐，到你覺得真係有需要先排就好遲，你趁排嘅時候觀察囉，到時你覺得無需要，就覆唔去。
1個讚
我小朋友嗰時係疫情期間响醫院見醫生做初步診斷
醫院醫生好心提我哋小朋友情況最好盡快接受治療
佢本身都有幫我哋响政府排快期，但都要等大半年
衡量過後，我同老公決定搵私家做評估，
初時想响協康做，但疫情暫停所有服務，亦唔知幾時有返
所以我經相熟醫生介紹另一位專做呢類評估嘅醫生，响尖東做（八千蚊左右）
勁快有期評估，評估後嘅兩日左右已經有報告，
醫生仲好詳盡咁教我哋點樣排政府資源，同埋等候期間有邊啲私家治療中心可以選擇，
而且因為醫生連交去社署啲FORM都預備好曬，我即日下午就去社署遞交申請
然後上網睇吓啲私家治療中心有乜嘢評價
搵到一間唔近屋企，但評價好
即時打電話預約，過兩日帶小朋友出去，一直接受治療
同時响協康同誠品買咗好多呢類嘅分析書、教學書，
再加埋網上嘅資源，詢問治療師意思，睇吓適唔適合小朋友响屋企用呢啲方法
後來有政府學津，就開始減少私家嘅課程，
直至今年N班，就停咗私家，淨係响NGO度接受治療
我當初報名時有向幼稚園詳盡交代小朋友情況：
一來我唔覺得係啲乜嘢需要瞞住嘅醜事，
二來免得幼稚園收咗先HANDLE唔到
我小朋友歲半確診，要涉及嘅範疇包括物理、言語、職業，當然唔少得特殊教育，
雖然佢好少响街講嘢（响屋企就唔停，但只會講單詞，同埋會重重覆覆咁圍繞自己鍾意嘅主題去講），亦會迴避陌生人眼神，
但因為佢會KEEP住微笑，人哋都以為佢只係比較怕醜，睇唔出佢係SEN
個人經驗，希望有助您參考
9個讚
我都準備搵私人做評估, 你搵邊間?
一來啲動作（爬、坐、企、行、用手指拎嘢）都遲三個月至一年
二來佢對陌生環境嘅驚恐程度好誇張，包括匿埋撞頭、扯自己頭髮、抓到自己流曬血
三來佢好明顯會迴避人哋眼神（除咗屋企人）
另一個發現得快嘅原因，可能因為我以前教過兼收學生，雖然我啲學生係青少年，但嗰時因為咁樣睇過類似嘅資訊同上過啲COURSES，所以由佢十一個月大就觀察住
亦以小朋友嘅發展遲緩例子主動問健康院可唔可以幫我轉介醫院
到大約半年後，小朋友差唔多歲半，
一見醫院醫生都就已經好好咁幫忙轉介去唔同嘅科
亦有建議我哋盡快搵私家做評估
所以就好快評估到
其實我對比某啲國家嘅CASE真係唔算快，例如澳洲
佢哋係由半歲開始觀察
到十八個月就攞住啲觀察紀錄去做評估
不過我都係特登去搵書睇先知，同朋友講，佢哋都O嘴，覺得咁早？！
1個讚
我係搵Platform嘅林嘉儀醫生
1個讚
我唔介意將我識嘅講出嚟吖，希望幫到手
不過因為我試過被認為係「自己小朋友係SEN，就覺得人哋嗰啲都係」
所以就唔好意思講太多 
4個讚
你小朋友症狀明顯好多, 我小朋友主要係觸感敏感+speech delay, 有眼神接觸, 識簡單對答有互動, 見過幾個治療師同老師, 都話佢唔明顯, 要再further check, 所以先諗住搵私人做評估, 再一邊等政府
我自己覺得最煩係唔知係咪嗰段時間 
如果可以，拿拿臨去私家知結果，唔使心掛掛，因為始終响教養方法上唔一樣
1個讚
係, 見治療師/健康院, 個個都話佢踩界, 要再觀察, 等待過程好痛苦, 不過我自己上緊堂, 喺屋企同佢做感統訓練+大小肌訓練, 亦有跟緊言語治療師, 呢幾個月明顯有進步 (不過亦因為咁, D症狀仲唔明顯…)
1個讚
有同一個感受。
我記得我個囡半前去衞生署評估中心見言語治療師，個治療師好mean ，講到我個囡智能有問題同好aggressive … 乜野aggressive 行為就係掉口罩落地 。
我當日離開左評估中心，我抱住個囡喊。
後來我個囡私家既言語治療師安慰我，政府係mean d 。
1個讚
完全明, 如果負擔到, 真係搵私人好過, 唔駛等又唔駛受氣