好多人都係咁講, 話一返學就會講好多嘢, 希望9月順利開學啦
1個讚
我都係擔心錯過最黃金治療時間, 所以先想搵私人評估
我有朋友做治療師, 佢都有幫我睇過, 話我仔都幾肯定唔係自閉, 因為佢肯應人又肯互動, 只係唔開口講, 所以我諗住睇埋呢兩個月, 如果佢都無咩進展就會去做評估
係呀。
尤其疫情下會不會突然關閉很難說。
呢兩個月諗住用咩方法？
點解要等兩個月？
我大女都好遲入咗幼稚園足 3 歲先肯開口講嘢，同期先識得表達到要去 vv，就係咁先戒到日片，但本身未到 2 歲時 K1 面試，都明白老師叫佢做 d 乜嘢，根到指示嚟做，結果面試完有 4 間俾咗 offer 佢，都係出乎意料之外
不過最後去到小三做評估都係懷疑自閉症譜系，因為太多項目都發展遲緩，例如：言語、社交、大肌肉、小肌肉、感統
1個讚
啱啱細仔響 CAC 評估咗，醫生都話唔係只睇呢 d
我細仔肯應人，好早識講嘢，互動都有，但就係遲咗 d ，同應有的歲數有差距
而且社交、固執、興趣狹窄，中咗3樣就確診到啦，仲求奇過上面提及過大女果時個評估報告
我都覺得我囡偏靜嫁，佢可以自己玩lego 唔出聲好耐，不過出到街佢好鍾意有人同佢玩，會同其他小朋友追下踢下波咁，所以應該排除係自閉或者亞保
所以醫生俾問卷家長同老師填寫，兩個地方徵狀都一致先可以確診 ga
因為同治療師朋友&PG老師傾過, 佢地都覺得我仔係唔敢講/唔肯講(佢本身好細膽), 而唔係唔識講, 所以話比多少少時間佢建立自信, 睇下情況好唔好D, 如果都係咁就搵專業人士幫手, 當然我都唔會排除佢係自閉譜系個可能性, 始終仲細都未可以confirm
我仔interview都有幾間offer, 所以理解一定係無問題, 係speech呢方面令我擔心, 唉…
即係CAC評估唔準呀?
又唔可以話唔準，本身我仔一年多前私人評估都出咗結果係懷疑自閉譜系，而且已經轉介埋社署條隊用緊到校服務
所以只係懷疑個案同確診之間有少少差距
自閉症個譜系真係好大，宜家你女女點？
阿女啱啱讀英文錄音俾老師，俾老師話佢得一個 tone，我諗你明我講咩
感統需要延續到寫字出咗問題，好慢，好易大細邊、漏筆劃等等
大肌肉、小肌肉都唔係問題了，遲半年至九個月，其實本身細 B 嚟都係遲過其他同學少少咁
言語、社交呢 d 都係遲少少，不過其實到咗十歲差異唔會太遠，現在跟同學關係有 d 似初小果時咁，非常單純
1個讚
其實固執地識講都唔肯講，係咪又係ASD光譜?
個光譜太濶造成不必要嘅LABELING
佢哋唔講，唔一定唔識，可能只係唔鍾意咋，大家冷靜少少
2個讚
呢點我都理解，因為我個囡都係咁。
但去到見政府既言語治療師真係句句講到做家長既又擔心又唔開心。
其實上網睇左好多自閉症譜系資料，真係好大，但係表徵要做幾多時間先算跌入自閉譜系內呢？又冇講，依家仔仔28個月，説話仍以單詞為主，如爸爸媽媽姐姐，哥哥，奶奶，餅餅，連詞只可主動講爸爸去街街，爸爸食餅餅等，好多時要主動引導先可以講，經過以手指去表達想要。說話時眼神接觸好少（不知是否冇信心）因為他發音有D詞語不太正。但互動遊戲時，如躲貓貓，捉迷藏，瞓醒在牀開心時，就眼神非常多互動⋯⋯但講野落後咁多又唔知是否入了自閉譜系。
～不過穩陣起見，照入信排協康做評估，因為聽講入信到會見都要等二個月，唔想錯過黃金治療期，所以早啲排定先
2個讚
我已經做咗協康言語評估, 排緊期做speech training, 另外我自己有搵治療師train感統, 啱啱都拎到健康院信可以做評估, 睇下係唔係自閉譜系, 而家治療師+學校老師都覺得我小朋友係有自閉傾向(但唔明顯), 所以除咗等佢開口同繼續training, 都無咩可以做
協康係咪需要健康院轉介信先可以做測試？