多唔多揸車嘅媽媽喺度？不如分享吓你哋揸緊或者揸過乜嘢車？有冇乜嘢深刻嘅路面情況
自己好鍾意揸車，好鍾意嗰種自由自在唔使限時限刻嘅感覺，同埋好有私人空間
而家揸掃把佬suv，夠力同埋加速都夠快，唯一係有bb car seat就只係坐到四個人，五個人太迫
以前都揸過細細地嘅golf，力水唔錯，不過揸咗七年後開始有小毛病就賣咗啦lu
返工/放工繁忙時間，我都係搭巴士算，可以訓覺。其他時間就揸電單車，自由自在講唔想，因為仲要用多左腦去應付路面，純粹貪快同方便。最憎d快線L, 行得果8/90 , 夠膽行快線。
利申：真。快線L
3個讚
好多自私L,霸住快線搞到越嚟越塞車
我好怕揸車，覺得要同時間操控好多野，而你地又克服到個空間感好勁，而且香港人燥底，好似路面上諗多一秒都會比人boo ， 好唔friendly 咁。
1個讚
我都好鐘意揸車~每朝都車小朋友返學， 再返工～
返工好多野諗， 到放工都仲轉緊。。。我覺得響車到可以比我諗野或放空， 好RELAX
第一部車係呀爸唔要既TOYOTA CAMRY,
第2部係, 自己買福士既甲蟲TURBO,
第3部係, 有第1個小朋友, 換左架JAGUAR X (發現維修保養極貴)
第4部係, 7人車, TOYOTA NOAH, 因為有2個小朋友…
第5部係, 爛鬼日產MARCH (因為當時環境唔好…)
第6部係, BMW 520i
剛換左一部, BENZ A200
揸JAGUAR X 時…大住個肚, 第2個小朋友…
前面有一架大既28噸車… 佢唔識路, 停左響慢線路中間… 我響佢後面幾架車位…
無啦啦, 佢倒車向後… 快線無車…前面D車就走晒…
我想走時, 快線D 車就好多, 我走唔到…
架28噸車睇唔到我響佢後面… 佢一路倒車, 我又倒唔到…(後面有車頂住)
佢個尾…成個夾住我個車頭… 佢都唔知…我響號佢又聽唔到發緊夢咁…
到佢轉出快線走人既時候, 仲拖住夾住我架車黎行… 我架車出晒煙, 噴晒水…
到佢發現我時… 已經拖行左最少100米… 我先定一定神…落車報警…
好在果架係JAGUAR鋼水好… 人無事, 但車頭夾扁晒~ 保險唔比我TOTAL LOST…整得返, 馬上賣左佢…
3個讚
熟能生巧㗎咋，初初都係夜晚或者好早嘅時候就不停練車
同埋發覺一㗎操控好既車對初學者來講好緊要，如果一㗎車本身操控唔順暢，你唔會enjoy 揸車㗎
一睇見到Jaguar就話 嘩咗一聲，但睇完你個驚險經歷就發覺原來佢真係物有所值，如果你當日係揸韓國車仔，咁就真係大鑊啦
btw toyota camry 係幾好，去旅行租過幾日，好順同埋就算上公路加速都算靜
都係個句鍾意就享受
嘩！好驚險！好彩大小都無事
Jaguar… 真係鋼水好.
但平日日常D 維修真係好金… 一個倒後鏡因為曬得多成個甩左, 返廠修理開我4萬8…
撞完車果次, 返廠報換ENGINE幾錢, 佢開我18萬… 不如我買過架新車, 點解唔比我TOTAL LOST…
好在我親友做車房, 幫我攪好晒同… 如果唔係真係唔知點算…
反正, Jaguar…唔會有下次
我當時又唔算好驚…
停左車, 個肚響到抽響到抽… 好似已經7, 8個月…不過個肚都唔大, 無人發現我係大肚婆…
但我又無唔舒服WO~ 警察問我要唔要白車, 我又話唔洗… (比我屋企人鬧到癲左)
到我去落口供時…先有警察發現我大肚, 反問我當時點解唔送院CHECK下…
同埋, 警察叫我搵證人, 因為我係響架大車後面, 如果大車司機講大話, 佢可以話係我揸太快撞落去佢尾… 我當時真係好驚… 已經打算搵定律師… 後尾警察通知我話司機認左…
最後, 果個司機只係被告不小心駕駛… 扣左5分, 同罰2000蚊…我真係有D嬲架…點解唔係危險駕駛…
仲要唔知佢架車買左D咩爛鬼保險CLAIM 唔晒…攪到自己保險要填數, 無晒NCD… 頂佢…
點解咁少人覆嘅？我想傾呀！
我由細到大好鐘意車，但屋企人無人揸，好辛苦考到1號牌之後買自動波車（哈哈～）
我亦係家中唯一嘅司機，家人好享受坐我車～
第一架係二手Jazz，人哋話新手揀架細車好揸d
三年左右換咗架全新Golf 6，用到宜家
已9年車，想換tesla model 3, 但怕無揸開大車落停車場轉彎會刮花
我想問可以點樣適應細車換大車？
1個讚
你4個人有CAR SEAT… 一定要買大既5人車…一係7人車…
如果唔係, 真係4坐落去都頂手頂腳…
只有…揸多D, 就會適應. HAHAHA
同埋, 唔好成日以為大車就好難揸… 好多時, 大車先易睇位~
細到smart… 至大到DISCOVERY 4果D我都有揸過, 我覺得泊車睇位仲好過JAZZ
Discovery高身梗係易睇位
我屋企停車場有兩個落斜直角彎，我架Golf已hi過一次
換新車真係唔想俾學費
d男人真係好勁，Benz S, Masarati 同埋 Ferrari落斜無難度，我都想學佢哋呀！
我以前多數揸車返工，自從做咗c9，已經好少揸車，而家只會去旅行自駕遊先會揸
最鍾意揸啲細細架日本車，貪泊車方便，撞左又唔心痛
我泊車白痴，有晒後鏡頭有晒線都要扭幾手先泊到L位，S位扭10手都唔知泊唔泊到
試過車5歲姨甥仔出街，因為我會同佢傾計，就比佢坐前面，冇car seat但有幫佢扣seat bell
上咗highway車唔多，唔洗點睇左鏡我就鬆懈咗冇留意姨甥仔做緊咩，淨係望住前面條路
突然架車就發出好大聲嘅怪聲，嚇到我個心離一離，以為架車要爆炸
再望下姨甥仔，原來佢唔知點樣由seat bell掙脫爬咗出嚟，然後爬咗去枝波棍度，兩隻腳夾住，再推咗去p波，所以架車就突然煞車發出怪聲
當時真係好呢hea，我都唔記得處理咗邊樣先 應該係啪返d波先，等架車正常行返，我再單手推返姨甥仔去坐位扣返seat bell，但架車仲行緊，好彩當時真係唔多車
哇, 一路睇一路鄧你驚 
5歲咁細個其實唔應該坐前座呢 條seat belt唔啱身
一撞車一係飛左出去 一係勒親條頸呀
我本身都唔太理呢方面
我先生不斷咁灌輸我 又俾好多事例我睇
從此我就好留意
波箱完全無事？
我個仔6歲半都未准坐前座。佢算乖，行車時唔會亂搞車窗車門，但泊咗車都會好奇伸手掂波棍。
我諗住12歲先俾佢坐前座…
我老公好鐘意玩車，我開過好多種車，全部2手，唔貴。第一部係Lancer，跟住開過2部GS300, LS430, TL350, E350和8人大霸王。中間還短暫出現過無尾CIVIC，開縫121，唔知咩開頂跑車。我個人最喜歡LS430，好去，好順，又易泊車，D位又合我。
我係Lancer轉GS300，無問題㗎，最唔適應TL350，怪怪地。第二不喜歡大霸王