你愈保護佢，佢愈唔會照顧到自己。以前社會個個幾歲就落街玩
不如快啲 train up佢好過啦
2個讚
家姐同我講，佢得4-5歲嗰時，我老豆夜晚點佢落街買煙，話向窗口睇住佢唔怕，我阿媽竟然批准老豆咁做
到我家姐個仔出世，我阿媽做咗阿婆，佢超緊張佢個孫仔
我姨甥仔小六嗰時，叫姐姐同佢落街搭校巴都算，阿婆仲叫姐姐要拖住佢個孫仔過馬路，比我同家姐摌到佢上天花板，嗰時我姨甥仔已經15x高，仲點會比姐姐拖住
我就覺得十歲開始比佢學習自己落街都係好事，下午時間，條街多人都唔算危險
我自己就4年級就自己番學, 其實有時唔明點解香港家長咁驚??日本果D小1小2 就出去買野
我個女七歲已經自己去超級市場買嘢，一年級開始自己返學。但係日本當然唔可以同香港比。
一年班開始大部份嘅學生都係自己返學，家長送返學會好奇怪。
我自己五六年級已經同小學同學一齊去睇戲。我阿媽俾咗一隻嘅使費俾我，自己搭巴士自己買飛睇戲。通常跟住我去埋書局，租埋小說先至返屋企。禮拜六禮拜日朝頭早我一個人6:00起身去金魚街。以前嘅香港真係好開心
我呀媽個代,教我地用"猴子偷桃"呢招對付色狼,我都有教個女 
3個讚
有咩好笑,男仔係無咁擔心, 仲要教女仔如得佢同男士一個,或不論男女,神情古怪唔好入電梯,寧願等下一部
2個讚
我都成日幫老豆落街買煙
以前咸濕佬仲多
所以揸住key係手,有咩事可當攻擊性武器
我細個幼稚園自己等校車，上小學自己搭巴士。
就係細個撞過變態佬，唔好理佢掂唔掂到你住，咁細個小朋友都會好驚。
無論大人點教佢都好，真實情況都可能驚到唔敢出聲。
如果遇到一個真係好變態捉走佢嘅，我唔會expect 一個幾歲人仔可以大力過成年人。
3個讚
依家個世界複雜好多，所以我諗小學都唔會比佢自己落街，尤其是我小朋友生得細粒，所以等中學先啦。唔急嘅
2個讚
認同，我嘅睇法起碼過咗十二歲同差唔多一百磅先。（我哋家比較大份）
1個讚
而家資訊發達先識驚卦
我覺得不嬲都有變態佬
有人話上網教壞人，一千年前有人做變態嘢冇咁多人知啫
1個讚
我反而覺得而家社會見義勇為既人會多啲，安全啲
可唔可以講吓日本同香港嘅分別？
點解日本嘅家長放心小朋友幾歲就自己去買嘢呢
如果用最簡單嘅講法, 呢個係一個文化差異。
上一次我個女自己去買餸條片，其實可以見到個社區係好寧靜。冇香港咁多危機。
但係最大唔同嘅我覺得係家長之間嗰種默契。有陣時喺公園裏面得一兩個家長，其他小朋友都係自己去。但係可以留意到啲家長其實係一眼關七，如果其中一個小朋友有啲乜嘢唔妥，例如有啲徬徨，家長就會即刻過去幫手。但係唔會過分關心，呢種文化需要好多時間同埋經驗先至可以建立得到。
香港以前仲會見到有呢種感覺，例如屋邨，依家就冇啦。
1個讚
我睇卡通卡, 小新都係5歲就自己出街, 我仲問我老公到底日本人係咪真係咁放心… 
1個讚
一年級自己返學…父母放監！
O係香港真係無可以做到
香港我都唔敢，因為環境根本唔同。冇得比較。