小朋友十歲, 想自己返學,屋企行去學校五分鐘,有幾條馬路,全部都有交通燈。
平時間中都會叫小朋友自己去商場買個外賣,幫手買包公仔面咁上下既小任務。
初初一個人落街佢會驚,而家就enjoy無阿媽係隔離咦咦哦哦呢個咁自由既moment.
學校三年級就可以自行。
我d朋友就話仲太細,等六年級先。
我細個五年級都自己搭巴左返學。
你地有乜因數考慮比小朋友自行落街?
你地又幾年級開始比佢地自行
1個讚
我覺得男仔 10 歲無問題，女仔就再大少少先
1個讚
我小朋友5年級都係自己坐地鐵返學
個個細路都唔同…
我大果個P.5 已經自己坐巴士放學, 補習, 返屋企.
亦會自己去玩艇, 風帆.
而家中學都好自立唔洗我擔心
我細果個, 而家P5, 連過馬路都唔睇車, 樣樣都要媽咪媽咪…
比佢試過自己搭巴士, 我響總站路邊私家車位接佢, 都可以唔識路行出黎響到喊…無眼睇.
2個讚
要學下冇大人係身邊，都要識自己返屋企。
我仔三年級開始自己返學放學。
2個讚
哈哈，好搞笑～
佢係咪路痴？定一個人太驚不知所措？
1個讚
佢係太懶太依賴…
咩都媽咪媽咪, 咩都呀哥呀哥.
佢身體太多成年人錫佢幫佢, 種到…生骨大頭菜咁…
小學期間，男女都唔可以。世道險惡，好多變態壞人專搞單拖小孩，用言語威脅就範，否則會殺死其家人。小孩用千擔心機養成，無謂貪1時之快就後悔1世。訓練獨立可以用其他活動進行，或者近距離視線範圍內訓練。
1個讚
細嗰個要多加訓練 !
好矛盾 我明你講乜 我老公就話我諗太多
所以暫時都係熟適範圍活動
1個讚
以前我五歲已經自己落街，不過而家我認為要睇細路本身成唔成熟醒唔醒目
3個讚
我唔敢放佢出去行。。世界太多壞人，佢地未必明白
2個讚
睇埋附近環境，中一同小五，應該唔會差好遠
我覺得小朋友做到放手完全冇問題
1個讚
睇返條路有冇暗位，以前覺得十歲都夠大個，但睇到勁多新聞係非禮細路女，我同我老公都開始覺得十歲都驚
完全同感，我諗我會搵幾個佢未見過嘅frd扮陌生人，測試幾次我先放心比佢自己出街⋯⋯
🥲🥲
好睇小朋友嘅個性同周邊環境安全。
我個仔都係四年班開始自己搭巴士返學，一程巴士，約10分鐘車程，要過馬路。
我個仔有交帶，周圍嘅環境唔複雜；但初頭少不免都有啲擔心。
買咗個手機佢用，以防萬一。
1個讚
女仔，一定唔放心。附近上星期先至出現猥瑣佬
我小六己經約同學去離島玩，但係而家反而唔放心個女。
我細個4年级就自己返放學,步行5分鐘加一程小巴,
以前個社會簡單D