情況：
住唐3樓，劏房假天花，樓下多食肆，住咗兩年大致算乾淨。
床喺窗邊，個窗會用魔術貼貼蚊網，就係驚蟲仔飛入嚟；而且床舖會噴好多聲稱人畜無害嘅殺蟎/防蚊噴霧。
之前回南天，有幾星期左右因為蚊網冇貨只係痴左一層（平時會痴兩層）而且啲邊甩甩地，開始就窗邊有古怪黑點，開頭冇理會，以為係塵，有一日認真睇先知係蟲仔屍體嚟。
即刻洗床鋪，而且換返兩層蚊網，但情況依然持續，一日總會有幾粒蟲仔，同無名黑色硬點（細粒過d蟲）。
諗過係床蝨，但係啲蟲仔有翼嘅…
有冇大大知道係咩嚟???
圖：
蚊？
我之前都有呢啲，不過係廁所，唔知係咪同一種。我 gum 左洗手盤個 stopper 同埋拉低廁所板之後就冇曬。
如上，我都覺得係去水渠走上嚟，自從抗疫之後倒咗漂水入渠口就無咗
蚊滋？
真係日日都有…
你參考樓上講既倒左漂白水先，
我屋企全屋包括抽氣扇都有蚊網，大門罅窗邊用3M膠紙封住(封箱膠紙都得)，所有水渠位包括厠所洗手盤一定要落隔網。
我整完之後幾年半隻蚊都冇，唔怕煩可以試下。
床就試下用 biokill,紅色嗰支