想請教大家坐月個陣係跟老一輩個套，只用煲過既薑水抺身淋身，用煲過既熟水洗手？
定係新一套，照沖熱水涼，最後先淋薑水就可以？
因為本身身體都弱弱地，想坐月坐得好啲
我寒底，跟足老一輩個套
不過我個人唔多汗，同埋當時都唔係好熱嘅天，但去到last 幾日差啲忍唔到破功 
有啲人話坐得好身體會好過之前，我又唔係好覺 
1個讚
沖涼用薑+香茅抹身洗頭
洗手就咁打開水喉洗
1個讚
我都有研究過哩個問題。古代人洗澡多數係室外/河邊，如果喺室內，個度木門+紙窗，乜風都滲哂入來。但係喺現代，如果傷口已經埋口，個廁所又唔流風。正常抺乾淨個身，吹乾過頭，沖涼應該冇乜大不了。薑水係用黎促進血液循環減低著涼機會，沖完涼可以飲，或者浸腳，未必一定要用來沖涼。
2個讚
2個月無論洗手, 沖涼洗頭都係用煲過嘅薑水
坐月後又真係唔怕凍
2個讚
薑水沖涼。
洗手呢未出院時都用生水…返屋企後,如果太污糟會用生水洗手先,之後薑水沖下 
唔太污糟就薑水洗。
so far,身體好過未生前 
1個讚
我跟足一個月唔沖涼洗頭，不過有靜雞雞洗下半身
X2 我無跟~ 我照用正常熱水沖涼洗頭, 但有將自己包好~ 即吹乾頭~ 飲野就一定係暖/熱.
去完小, 開先大, 我都有用水洗, 有抹乾~ (我順產)
我係沖涼後淋薑水，洗手都薑水
坐月時試過半夜訓到懵查查去廁所就咁用水喉水，隻手指痛咗兩日
本身怕凍，坐完月有覺得好咗
我覺得飲暖嘢重要過洗手沖涼
我家姐就講到好神嘅，話洗完頭已經「feel到啲風入緊去」又頭痛又盛
我傷口仲痛時反而靜雞雞用花灑洗（用薑水洗下身傷口未免太high
）
傷口好返就薑水洗頭沖涼
但平時洗手一定係running water加soap洗先覺得乾淨，尤其換完屎片！仲要餵奶泵奶之前我一定洗得好乾淨
有一兩晚覺得對手有啲唔舒服，再煲薑水浸到盤水唔熱就ok咗
依家都算比以前唔怕凍
如果想身體好啲，不如過咗一個月出得街，就去搵個好中醫睇下調理身體，好似仲得使
以前人用井水， 真的坐足月喇
而家人自己1個人凑，生完十幾日穿件背心出去買老麥
勸你跟老嗰套!我就係活生生唔聽話例子!一打開水喉沖手,對手即時麻痹,講到無人信! 
我就係個朋友話用水喉水洗手咋，之後坐完月啲手成日痛，所以先驚係咪連洗手都要用晒熟水，但醫院個幾日又無可能做到咁足
我係想做足架，但個陪月超強硬話唔需要，唔知佢係想慳啲功夫定真係新個套都有佢既根據
1個讚
只可以話個個人體質唔同!我體質一定唔得!正如有人陀 b 都可以魚蝦蟹,生出嚟都無事!我就唔得啦!
1個讚
我跟足，出院番屋企洗過一次頭，坐完月1個月先洗頭，都係用薑水洗頭。洗手就用煲過既水洗，盡量唔用生水，真係要用生水，我就會帶手套
沖涼
有日日沖，用薑水沖
每次去完大/小解，都會用熟水沖洗下面
另外要去檢查都會帶帽，頸巾就睇下果日熱唔熱
係屋企都會著襪先著拖鞋，我媽話唔會入風
我喺開刀，無跟足傳統。用薑皮，同其他野煲水，我用熱水沖涼，最後再淋薑水。頭就兩日洗一次，洗完用薑水過，洗完吹乾。去完洗手間用熱水洗手。因為老公乜都唔做，我一出院就自己同bb沖涼洗野。我又無覺得唔舒服
原來咁多人都跟足呢d 嘢 
私家會比薑水，政府可以叫屋企人用暖壺裝住攞嚟
嗰時日日煲薑水都煩㗎，不過我真係一洗水喉水就手痛，我後悔淨係洗一個月添呀，洗多個月可能底子會打得仲好
咁奇怪 洗手都痛？
唔通生完真係太虛