如果我有人願意上黎陪玩，我多謝都黎唔切，仲點可以嫌三嫌四
1個讚
大仔自信心低關唔關你家姐姐夫管教事？
絕對關事! 大既早幾年開始我發現小朋友咩都擔心一餐，諗到最壞情況，會不斷問你點算，有冇事等…有時覺得自己冇用或者發脾氣，仲用手打自己個頭呀肚呀，老豆鬧佢時會自言自語 ‘佢要打我啦…好驚呀…’ (但以我所見未郁過手)，甩隻牙都好焦慮…連其他家人都覺得有問題，駛唔駛睇心理醫生，又叫姐夫唔好鬧咁勁
依家有d改善，但說話都係難聽過粗口，用詞好重…推個妹由矮櫃跌落地，會鬧佢冇人性…我覺得最過份一次係，老豆知個仔响樓下公園成日比其他小朋友蝦，個仔會搵老豆呻。有次老豆鬧佢時小朋友駁嘴，我姐夫竟然話 ‘依家駁嘴咁叻，又唔見你對住d小朋友咁?’ 大概咁既意思，我覺得好過份。小朋友同你講心事，但你呢種時間加多腳踩埋去，比我會覺得有被背叛既感覺。
家姐負責教功課，佢係責罵既類型，我有講過要鼓勵佢多d佢自信心低，但唔覺有做到。但小朋友都有駁嘴架，仲要頂到你冇聲出
不過公平d講句，佢兩公婆都有同小朋友親子時間既，一齊整野食，星期日family day。
同家姐吵左大鑊，長話短說，最後响冇通知我既情況下，單方面決定唔比小朋友見我四星期，唔比佢地打電話比我，話要懲罰小朋友對我發脾氣。但明知我咁錫佢地，咁樣我覺得似向我發爛渣多d。四星期後佢話再決定點安排。完。
今日小朋友偷偷打比我話掛住我，我聽完都有d內疚搞到咁。依家個心1516，4星期後點安排，想照舊襯姐夫唔响度上去睇小朋友，但又好嬲佢兩公婆，唔想比佢地再用小朋友要脅我咁，想拉開距離連小朋友都唔見。
依家好down…對家姐好失望，佢既態度語氣令我好hurt
你好好放下假，理得佢家人死丫，又唔係你自己屋企
1個讚
唔洗內疚架 搞到咁既唔係你既錯 係佢地兩公婆 你今次忍唔住走上去就會成世被佢地騎住 明你心痛小朋友 但係你自己既人生更加重要啊
所以都諗緊4星期後咩安排先最好…我又犯賤掛住小朋友
你暫時休息下唔好諗 到時先再算 4個星期可以有好多變化
都係…呢2日心情好低落，負面情緒爆標
我唔太識安慰人 不過陪下你傾計 今晚食咗咩啊
多謝你呀…好感動，我冇人可以傾訴，你既支持已經安安慰左我啦…我通常weekend 煮定今晚既餸，粟米魚塊+菜。我煮野唔叻，得ABCDE餐
小朋友幾叻wo識偷偷contact你，有無得偷偷見？
有冇諗住學 我呢排搬左出黎住都學緊煮飯
係呀！
我都諗緊佢今日會唔會打比我，定咁聽阿媽話唔打。佢話尋日已經諗住今日吼我公司放lunch打比我。冇得偷偷見啦…我要返工，佢屋企有cam阿爸阿媽望住，所以應該都知佢打左比我，小朋友話見到個cam郁左對住佢，佢即刻呢入房
慘，屋企比人目及到實
去邊度學? 我自己一個住，所以煮得好簡單就算，放工返黎唔想搞咁多野。但又諗過搵野學下煮下，或者義工…不過都係得個諗，冇咩動力
係呀…佢話會搵cushion 遮住
自己創意同萬能既YouTube 
其實好多都被想像中容易 例如泰式生菜包 真係同出面差唔遠架
因為疫情好多人都睇YouTube 學煮野食，生菜包聽落好似唔太難，夏天食應該都唔錯，夠開胃。我要訓啦…頂唔住啦…多謝你陪我傾計，我今晚真係好需要
早抖啦 想傾訴就上黎留個言啦
1個讚