奶奶好恨抱孫，
未生之前已經好想第時將個孫比佢湊。
但勢估唔到，佢自己生過一啲都唔識湊。
餵奶：餵左30就餵唔到
沖涼：唔識沖，第一次沖，用兩隻手夾住bb條頸，bb掙扎差啲浸親
抱bb: 抱到好落，叫佢抱上啲，佢話「抱上啲好攰喎」
每次一見到bb,就算bb想訓，點都行過去拍佢、摸佢同佢講野
前兩日，bb要食藥，佢求其拎起一枝就餵，而個枝係大人用的精油，並不是藥，bb差啲中毒
重點：佢唔識又唔主動問，覺得啲野係咁就咁，又唔肯學，學又唔聽，聽又唔記住
1個讚
你老公有乜反應？
打算之後點？
拍低罪証，申請禁制騷擾令
劇情發展: 好意提點下, 點知一言不合就話比返你湊.
哇，咁好危險喎，睇實佢就話姐，睇唔實點知會點
2個讚
不如提議佢出去報個學湊b班先再掂bb? 感覺咁搞落去遲早會出事
精油？我有冇聽錯 
Btw 佢哋呢個年紀記性唔好，好多時自己30年前湊仔嘅細節都唔多記得，佢哋只係想霸個孫玩下咋
3個讚
咁樓主有冇準備可以比邊個湊？
同埋如果佢真係只想玩就容易啲解決。喺餵食/照顧方面提議第二個人做，佢淨係玩，我諗佢會好歡迎
最怕係唔識湊但又要霸住。
其他就可能係力不從心，但精油嗰個好危險！
既然佢唔肯聽你講，咁其他專業啲嘅人會聽，叫佢出去學啲湊 B 班，話自己都想一齊學湊但冇時間，叫佢幫你上堂，上完就同返你講。咁樣應該落到台肯去學掛？
就係唔識湊又霸住，我同老公都要返工，已經請緊姐姐
好恐怖咁囉，最恐怖係唔小心！
唔比佢湊，冇人就請工人！
好主意，不過奶奶成日話要買餸煮飯唔得閒
咁請個家務助理幫你買同煮。奶奶真心愛 B 嘅話，幾忙都搵到時間去。
唔好俾佢湊呀,出左事BB就慘啦!
最重要佢會同你講：
幫你湊重唔識感恩，係到呀支呀左。
唔識就聽下，又唔係叻過人。
又要教人做嘢。扮曬野。
我哋都湊大幾個經驗豐富洗你教。
會有好多說話聽。 
2個讚
我奶奶都係咁，我當年仲要同佢一齊住。
叫你老公咪俾佢湊，
奶奶一定要靠老公阻止，
新抱講嘢，奶奶唔會聽。
未有工人就請住鐘點/臨時褓母湊住先，
平時俾奶奶同BB玩下就算。
嘩呢個好大獲喎
我奶奶都係咁，冇諗過佢生左2個會同新手媽媽一樣。
最嬲既係我當初叫佢上陪月班，佢又嫌人地津貼少，話自己睇書學，到最後當然係咩都唔識。
亂餵藥太危險啦,唔好俾奶奶同BB獨處 
寧願比其他人湊
陪月一站有嬰幼照顧服務,雖然我未用過嬰幼照顧服務,但至少佢地有上過堂,識湊先。姐姐黎之前真係要揾其他人湊,你奶奶靠唔住
到時奶奶睇人點湊學下野,又可以同BB玩。
命仔最緊要呀，跌錢都要請人湊到工人嚟啦！