如果穿水，媽媽們會搭的士？還是叫白車？
冇特別唔舒服，搭的士，千祈唔好call白車，白車只會載妳到最近o既政府醫院
我會Call Uber 先，通常都快過call 的士，拎定床墊或大毛巾墊住坐果個位
白車會車你去最近果間醫院，未必係你平時檢查開果間
穿水唔係話，5好亂欲動，水會流的更快，增加危險性？
白車都近我檢查醫院。擔心水流的快，有危險
唔洗擔心，除非穿咗水有特別唔舒服，正常情況下自行坐車去預約醫院係冇問題o既，樓上有jm提到，記住拎定床墊/大毛巾要嚟墊住坐車
祝妳生產順利！
我係半夜穿水, 好似開水喉咁停唔到. 成床都係, 我換衫, 拎大毛巾墊住.
我住深山~ CALL唔到TAXI, 當時亦未有UBER~ 我係爸爸+老公車我去醫院. 30分鐘車程.
平安到步, 再痛14個鐘生左~
穿水之後24小時內生產係安全嘅，搵屋企人陪你去醫院就得啦～
冇必要call白車，白車係比啲幾分鐘內有生命危險，或者不能自理現場危險情況嘅人用嘅。
2個讚
兩胎穿水後我都起身沖埋涼先開車入院
因為唔知搞幾耐至可以再沖涼
上高都有人分享左
唔好叫白車, 唔理你本來book左咩醫院, 佢地只會車你去最近公立醫院
3個讚
醫院教唔好call白車，因為佢會車你去急症室搞一輪，自己入院係直接去產房既
1個讚
沖涼，帶尿墊去坐的士去，帶啲嘢去食 ，keep住氣力去生仔
我嗰時自己坐的士
除非覺得有危險先call白車，其實白車好污糟…
1個讚
我喺屋企穿水，無沖涼洗頭，搭的士入院，墊條厚m巾、再搵即棄墊床的墊鋪座位
帶野食真係好重要。
我個陣冇食晚飯就入院，入到院又冇野食，第二朝催生又禁食，點知催生失敗要開刀。
開完刀又禁食，第二日只係飲粥水。勁肚餓，根本上唔奶。
當年穿水後即刻沖涼（但其實有人話唔應該），之後去搭的士。不過當年冇人提過要帶毛巾墊住坐，結果d水多到整濕晒人地架車
我私家醫院生，不過政府醫院都會搭的士，穿水應該仍安全，除非有其他不適問題
本身預約開刀，bb提前幾日要出嚟，半夜穿水即call醫生，墊厚巾頂到去醫院
我係搭的士。
不過我係慢慢慢慢咁樣什出嚟嘅啲水，唔知其他人點。我就好正常咁樣搭的士，落的士 一路玩電話入產房，因為係完完全全冇痛嘅感覺。但係人工穿水之後同埋落催生藥之後 就十分之精彩。
穿水後著住M巾搭的士去醫院。
之前有聽過話最後沖埋涼先，但又有聽過話唔好沖涼，會增加細菌感染嘅風險，所以最後都係冇沖
我都係半夜穿水, 即刻著條M褲先, 然後搭的士入醫院