我BB6個月大，由4個月我放完產假開始就係婆婆湊，星期一到四喺婆婆屋企，星期五六日先接返自己湊。由於婆婆同自己屋企距離太遠，唔可以每日接走BB。
返排老公開始想搵姨姨上門湊，等每日都可以見到BB。但我好唔放心俾其他人湊，宜家婆婆湊我好放心，因為我知婆婆會陪玩同教BB。相反我睇唔到姨姨日頭點對BB，少不免會擔心。
同埋婆婆湊湊吓唔俾佢再湊，我驚婆婆會唔開心，好苦惱…你哋會點揀？希望大家俾啲意見我
距離太遠超過1小時車程？
如果係我，我會揀婆婆湊，因為聽你講婆婆湊得唔差，但如果真係想每日見到bb，會唔會每晚去婆婆度食飯，之後你2公婆返自己屋企？
又或者，你隔晚喺婆婆度訓？
3個讚
首先，好欣賞你老公，寧願比多啲錢（請姨姨）都想日日見多啲BB!
(有啲爸爸放左工就追求自己放鬆）
另外，其實可以滲啲滲啲問下婆婆意見丫，父母掛住仔女，婆婆會明白架，係講時要小心啲就住囉。
6個月嘅BB, 真係超得意，又會學坐、學爬、學拎玩具，亂叫下學發音，又會出牙仔，啲表情又鬼馬！
私心我唔想你地錯過，最好可以盡量見多啲
搬近啲得唔得呀？搵姨姨湊都高成本架喎
Bb仲細我會揀比婆婆湊，到大啲識表達先考慮搵姨姨
婆婆一定錫你bb多過姨姨
我自己唔係太接受到BB係人地屋企幾日…自己weekend先接返黎…
可唔可以照請姨姨但叫婆婆平日上黎睇住 (唔駛一定要咁早, 可以慢慢黎, 又唔駛等到你地放工先走…)咁得唔得?
再唔係搬近D婆婆…
可以直接問婆婆仲想唔想繼續湊，因為BB到咗識行識走，婆婆體力無咁好會吃力。
當然婆婆湊係會放心啲。
或者可以同婆婆協商湊到幾大，到咁上下時間就轉手，或者婆婆其實都想休息一下。
我會揀搵姨姨湊，屋企set cam，隨時都睇到Bb情況
叫婆婆得閒就出嚟幫吓手，順便睇住個姨姨
我係ftm，每日睇住bb長大真係好開心
你一個星期四日見唔到bb，真係見證少好多嘢
我放工返婆婆屋企要個半鐘，由婆婆屋企返自己屋企又個半鐘。我哋宜家都係隔晚返去食飯睇bb。我喺婆婆度瞓就應該到我老公唔ok，老婆同bb都唔喺身邊。anyway,多謝你
多謝你，我老公其實都追求自己relax㗎，佢想見到bb㗎咋，唔太落手落腳湊㗎。公公婆婆話怕我哋辛苦，放工都冇得抖，加上學你話齋bb呢個時期好得意，公公婆婆唔捨得bb 
搬近啲就要等宜家呢度賣得先有得諗lu
多謝你。呢個都係我哋諗到比較放心嘅方法，但就會辛苦公公婆婆，始終車程長
如你話要1.5hr車程又真係會好辛苦…
咁如果婆婆係你度訓幾日…你老公又OK嗎?
我諗唔駛一至四, 婆婆黎觀察到姨姨OK, 應該會放心D…一星期訓2日咁…佢又可以抖2日呢?
有無位比工人瞓？
如果有就請工人啦，我覺得小朋友應該和自己住的，長老有時間，就日頭去你哋屋企睇BB＋睇住工人。
娘家個半鐘車程真心遠…屋企有位比姐姐訓嘛？姨姨一來貴，二來姨姨好醒，知道啲cam位會避；請姐姐好啲，同埋同婆婆講都會無咁尷尬，比姨姨湊好似婆婆湊得唔好咁，請姐姐唔係單單照顧bb, 仲可以幫手做屋企野，你媽媽都會心痛自己個女返咗成日工放工仲要做餐懵
但如果屋企無位…真心考慮搬近啲（順手睇埋校網），小朋友返學易病，大人又唔係成日可以臨時請假，有屋企人住附近方便好多
就係屋企冇位先考慮請姨姨…
我都好怕婆婆有hard feeling,所以我成日有意無意咁同婆婆講，bb俾婆婆湊我最放心，但又好掛住bb。婆婆口話冇所謂，佢湊唔湊都得，但之前我放假接bb返屋企兩個禮拜，婆婆話太得閒，公公又會叫我哋放心交俾佢哋啦 
你同bb 關係一定擺最前，婆婆掛住可以一星期抽一、兩日去你屋企見下。
如果能力許可，bb 一定跟我過夜，養育係父母責任，唔係上一輩責任。
（如果父母要返夜更、出差嗰d 就無得好講）
純粹比多個提議參考, 如果放租自己嗰度, 然後再租另外一個地方近啲婆婆又會唔會考慮
4個讚
俾我都會考慮呢個方法
Bb越大越得意，我唔捨得一星期有幾日放婆婆屋企
同埋bb再大啲會識認人，到時就又多一樣野煩
1個讚
呢個都係好辦法，始終佢地2家車程要個半鐘，真係耐左d
2個讚
我而家就係甘, 放租自己嗰層, 租近左婆婆, 我同老公都話冇選擇錯, 超方便… 如果而家要我返返自己嗰區我都唔知點算 
1個讚
Good idea!