幫家人問~
去私家照係咪完全唔痛? (因為話喺政府QE照過一次感覺麻麻) 睇下值唔值得去私家照
有JM有介紹嗎? 大概幾錢?
首先，有冇買醫療保險？
有就當然揀私家啦，私家舒服好多，可以揀半/全麻醉。
無買保險, 不過唔太重要
我講我親身經驗比你知, 我同我老公上星期傾過呢個問題.
我照過政府2次: 一次check up, 一次做小手術(但個感覺就係照胃鏡).
touch wood, 如果要照第三次, 我會自己比錢做無論有無得claim; 但老公無照過, 佢會照政府先.
我建議: 如果10K-5K對你黎講無所謂就照私家, 無謂受呢D苦, 如果都係有考慮, 就政治做, 始終都係幾分鐘時間, 忍一忍就慳到錢.
謝謝, 我如實轉告了
老公係上年係仁安照過，大概2萬，痛就冇點聽佢講，係唔太舒服囉，朝早做，下午可以走
上年喺浸會照胃鏡，前一日入院抽血照超聲波，第二朝照胃，落咗麻醉藥就訓著咗，完全冇感覺，加埋二萬頭，claim咗9成左右
如果冇保險又想舒服，去診所做，即唔入院，平好多，胃同腸都係一萬度。
1個讚
私家可以差不多訓著左
公立淨係噴麻醉藥落口
成個人係清醒的
去日照中心照都可以全麻, 訓一覺咁, 之前我搵開葉醫生好好呀
錢唔係問題的話，當然去私家，環境、服務都會好好多，對病人嚟講都好啲。
公院可能住緊武肺病人，我覺得都係一個考慮因素。
請問係邊間？可否pm/介紹？
謝謝你！
我幾年前, 響政府照, 我會形容, 好慘, 仲要比醫生/護士鬧
完全無麻醉
上年, 我再去左私家照, 全身麻醉, 日間診所做, 完全無感覺, 好舒服.
朋友介紹收平左, 好似14000左右 (唔太記得)
如果錢唔係問題, 一定係去私家
謝謝你分享，
請問你係邊間診所做，可以pm/俾啲hints我嗎？
謝謝你！