本人傾向順產, 但又想身體復原得好d, 身材可以keep 住生仔前的狀態. 請問 大家認同順產有以下壞處? 開刀, 又避唔避免到以下的問題呢?
- 順產不容易回復標準體形 (順產會撐大盆骨，身型難以回復以前的苗條)
- 順產影響性生活 (令陰道及外陰極度擴張，導致陰道鬆弛，影響性趣)
THX ~
1個讚
撐大盆骨其實開刀都會，
因為懷孕期bb會變大所以撐大盆骨，
生之前著m碼生完著L碼。
我是開刀生。
我身形產後半年已回復正常
有少少鬆同唔同 但老公都係講過一次
無影響太大性生活
冇咩壞處，除咗因為剪唔切就嚴重撕裂左。
生一胎應該未至於鬆弛？我就唔會因為呢個原因而開刀
反正生左之後，性生活次數都會下降。
比起開刀, 順產冇咩壞處wo, 第一點一有個bb ,都會影響身形, 第2點完全冇分別, 生完一個月都可能正常番…
順產完5個月, 我去左抱b行山, d 開刀 fd都好詫異
1個讚
- 因為懷孕後期有鬆弛素，點都一定會橫左，反而順產可以早啲紮肚，早啲做運動，恢復得快啲
- 其實性生活有其他因素影響，好少真係單純因為鬆左有影響，同埋想緊返，可以做收陰運動
1個讚
抱五個月嘅Bb行山？
負重運動喎⋯⋯
100 日都完曬, 我又唔覺好負重, 個b 5個月都仲係好輕, 過左一歲真係唔好抱行山, 重左咁多 
7kg幾喎🥲 我抱住行五分鐘去奶奶到食飯都手軟⋯⋯
你用咩揹帶？
ERGO , 可能我女個陣輕 , 5個月真係唔重, 行成個小時都冇咩事
順產，
問過老公，話冇咩鬆。
不過生完b，忙左，重心又放左喺小朋友度，性生活係會少左。
體形方面，我未修身成功
不過比最肥時係已經瘦返d，不過未回復未生之前，係我懶做運動，我相信一做運動就好易瘦返嘅。
1個讚
跑步時會滲尿，難忍到尿
2個讚
咁就更加要順產呀，順產出名復原快，又可以早少少開始做運動
開刀生亂入
開刀生定順產盆骨都會變闊，我產科醫生千叮萬囑叫我要紥好個盆骨，聽佢話紥足一個半月，盆骨真係收緊7成。之後醫生叫我買塑形內衣繼續着，而家生完四個多月，盆骨已回復當初大細，連紥肚都慳返。
開刀生成3個月唔做得運動，初時抱B抱得耐都會力不從心，但隨着時間推移，一切已經如常
最近岩岩減返懷孕之前最肥既磅數
，再努力d，應該好快會返到去以前平均磅數
至於鬆唔鬆，有人話開刀順產都會鬆，但我唔覺鬆左，同之前一樣
至於滲尿，其實開刀都會，視乎體質，始終陀左咁耐撐鬆左肌肉呀
2個讚
我順產生，本身盆骨細，所以唔覺橫咗。
我因為身體情況需要開刀, 唔係鼓勵人開刀, 但只係想講, 開刀都可以復原得快同好好; 有好多微量元素同植物係我地平時少接觸, 但對身體復原好有幫助 (例如 Arnica, hypericum). 開刀無想像中咁恐怖. 我用順勢療法, 一開完刀就開始, 幫我開刀個醫生都話我復原得好快
1個讚
我未生之前聽我同事講佢順產經歷，嚇到我果斷決定開刀生 – 佢話佢歷經"摸胎"十次以上先生得，當時無知嘅我問咩叫"摸胎"? 佢問有無聽過"對你愛不完"? 想像下喺下面伸手入嚟做郭富城呢個動作就是了
9個讚
笑咗！
比人伸手入去睇下開到幾度係極痛，即係本身陣痛已經好痛，仲要整多隻手入去⋯⋯不過都係會勁想叫護士check，因為好想快啲聽到開多幾多度
順產係需要意志力嘅⋯⋯
你個同事形容得好貼切 