本身孕吐各種不適係15w已經轉好, 一心以為終於捱過了, 點知只係過左一星期, 個胃又唔多舒服咁 (痛又唔係痛, 但就周身唔聚財, 唔係好舒服咁), 食小小野 (e.g. 只係一塊餅)都有好多胃氣…ur胃氣出黎時會連埋D胃液湧上喉嚨, 但又唔會去到嘔出黎…
搞到而家冇晒胃口食野, 但又會肚餓, 食小小野就覺得個胃唔舒服…
有時真係寧願嘔出黎好過而家咁, keep住唔舒服…
又唔知食D咩先可以舒服D…
唉真係心情又跌到落谷底, 究竟幾時先可以好好的享受一下懷孕蜜月期 
你係第幾胎？
我係第二胎，之前未試過，今胎好辛苦，依家wk 12 個胃好似充滿氣體，只要食乜野，都不停吐返胃氣。夜晚刷牙必嘔，如夜晚不嘔，又訓唔著。好難頂。
我當年要生左先好返
懷孕期成個時期都係多胃氣+胃酸倒流+無胃口+嘔到生之前一日
1個讚
我第一胎…
我頭14w好多胃氣胃漲時都係會嘔, 但而家已經冇嘔出黎, 夜晚左側訓係訓到, 但到第2日早上起身就會嘔返好多胃氣+口水泡出黎 (有時會嘔埋胃酸)…
我都覺得好難頂…一開始成日望住12w, 12w果陣望14w…但點知而家16w都係咁, 我已經唔知可以望邊個week數了…
好崩潰…
我知陀BB要開心D, 但身體咁唔舒服下, 真係開心唔到… 
咁你有冇咩方法可以舒緩下?
定係其實根本都冇用, 只可以繼續捱時間…? 
醫生個時叫我食嘉胃斯康,for胃酸倒流
食左好少少囉
但食慾真係陀咁耐都無試過有胃口
一生完即刻覺得胃口好返哂
咁我想問你個肚係咪都好大, 定其實唔大? (因為食唔到好多野)
我肚正常size
但我好細粒
所以可能好易到比bb頂住個胃
基本上我嘔到每日食半碗飯加菜到生嗰日為止
但小朋友一樣足磅 
我到而家就26weeks仍然要日日食胃藥；前期腸胃搞到去過3次急症室，醫生照ultrasound話啲腸好似跳緊舞 lol
請問你胃藥食邊隻？係醫生開嗎？我之前問醫生，佢叫我忍到就忍，唔肯開比我🥲🥲🥲🥲
我第一胎
到18wk 先突然唔嘔
20wk 先無胃酸胃氣，開始慢慢正常食返野，但依然有啲野係食唔到，甚至嘔。
開心食到野咗一個幾月
28wk 又開始夜晚瞓覺間中有啲胃酸倒流。
同時驗到妊娠糖尿，要跟餐單
依家30wk …繼續努力撐住中……
我都係矮…但個肚而家都未大到頂住個胃…
唉好灰…只係開心食到一個幾月…
但你之前唔太食到野…都會有妊娠糖尿… 
我無妊娠糖尿risk factors 㗎
純粹因為自己同胎盤荷爾蒙問題而引發
我唔嚴重，輕輕調節餐單就得
係呀，係醫院開，我每次返政府覆診都叫佢開一個月，因為我住過院佢哋知我嚴重；不過啲藥都係一般，我去私家都有另外開比我
明白，我下次試下叫私家開。政府我問過，唔肯開比我，話我唔係好嚴重，叫我忍下。唉
睇咗中醫, 好似有改善 
請問你睇個中醫, 係你一路都有睇開 (相熟中醫) 定係 全新中醫呢?
你個中醫係專長婦科/生仔之類嗎?
因我都有考慮睇中醫, 我係有相熟中醫的, 但相熟中醫不是專門睇生仔/婦產科的…
我就咁去睇政府果D中醫炸, 佢會問你想睇咩科, 果D都好好, 次次睇都無伏