最初係得你讀架ja, 佢都未識字
等佢慢慢記到d字先陪佢一齊讀啦，教睇書真係唔急得。
老師教最有效。
我同我小朋友讀幼稚園將會教既中文故事書，我點講我小朋友都記唔到入腦。
但學校教完，我小朋友可以成本故事書讀番俾我聽。@@。
2個讚
老師有讀師訓有攞牌，唔有效就死得喇
不過咁，學校睇一本圖書係一大班小朋友一齊睇，一齊講故事玩遊戲，個節奏唔同，所以會容易吸收好多。屋企睇圖書，好多家長個心係「我要小朋友讀得識呢本書/我要佢認得書入面嘅字」，而唔係「呢本書幾得意，不如同小朋友分享一齊笑下睇下，學唔學到字都冇乜問題。」
4個讚
我仔而家K2，開始考直私。
我會覺得真係要睇多d書，認多d字，間間都考中英文生字，甚至讀句子，暫時我地已經考左1間（最早面試果間），幸好佢都識哂d字（不過呢間考得淺）。
其次真係要練多d表達，要用完整句子作答，同埋可以比埋解釋會高分d。
例如問你鍾意食咩水果，
A答：蘋果。
B答：我鍾意食蘋果。
C答：我鍾意食蘋果，因為蘋果xxxxxx。
老師應該鍾意第3個答案多d。
我真係太遲起步喇，如果我仔有offer先再分享我點同佢惡補面試，我都唔知我咁做係work唔work，遲下再分享。
3個讚
其實小學真係好睇小朋友嘅資質，呢樣嘢唔係父母想有就有。
Band 1小學都分全港名校，地區名校，好似中學咁樣。小朋友跟到就話好，跟唔到變左名校隱形人，就仲麻煩…
1個讚
我識有朋友既小朋友真係做左隱形人，自卑到不得了好慘架🥲
Yes，小學升中，DSE都係一場排位遊戲。
小朋友去到一個自己水平適應嘅學校，可以長期排前十甚至前五，對自信心同日後成長都係好大嘅支持。
3個讚
我就係 但衰極都有譜 因為朋輩會有影響 所以我都想個細路入到去 但我唔知點教 同以前好唔同 時間又唔多
細路剛完k1 要睇幾耐先會自已識睇 通常 我新手爸爸 真係唔識教
下學期比人 sale,小朋友上坊間啲升小一面試班(剛剛完了),發覺佢好多都識做,由生字到詞匯到重組句子,唔會一步登天!無折徑!
我幾肯定我呢幾年對佢付出,陪讀過渡到閱讀,比佢日積月累詞匯,掌握句子結構!一啲都無錯!
本身我都係 working mum,無人話特別鐘意讀書或天生係讀書料,唔能夠迫佢將閱讀成興趣,至起碼變得習慣唔討厭!最近佢一悶,都同我講:媽媽,我想睇書!
至於坊間比賽,真係要睇彩數同天份!個個小朋友發展潛能唔同!
我小朋友數口精,最近係奧數同數學都拎獎!本身無操,但覺佢領悟力強!就親自教佢少少數學技巧,慳返補習錢同帶上帶落時間(3堂啫!唔多)
做父母係要加以留意自己小朋友本質潛能,發掘下,加以培養發展!問點樣有乜技巧,真係靠自己觀察同摸索!如果下下要補到7彩或者10項全能…恕我講句,我做大人都無精力同時間,有錢都唔係咁洗!無晒童真生活,有時要身心都平衡下架!
1個讚
面試班其實有冇用？
2個讚
任何野如果有付出,都會有收穫!唔係必然或成正比,但至少比自己了解小朋友長處同弱點!上吓只在了解面試小一考乜,同埋小朋友邊方面弱 d 差 d,做家長課後,就要抽時間同耐性係嗰方面著手教下,小朋友都會有得著!當然唔係所有間間面試班都報,無時間架!
如果諗住扔舊錢出嚟,比補習班或面試班,心態靠晒老師,都大有人在!學校都可以咁添!但唔可以話真係學到10成10囉!
如果你係講閱讀，小朋友幾時先會識自己睇書真係無人答到你
我仔同你小朋友同年，一直都會自己拎書睇
當然我諗佢睇圖多，都未開始認字
所以想培養小朋友睇書，伴讀絕對有正面影響
我兩個小朋友會自己睇書，會聽audio book, 有點讀筆，但每日我幾忙都一定有足夠伴讀時間俾佢哋
呢位爸爸，我覺得你心態有少少
「急功近利」喎
識睇唔代表佢一定會自己睇架，佢都有可能繼續要求大人陪睇，所以要培養佢有興趣，鐘意睇書。我當年買咗好多唔同類型書陪小朋友一齊睇，好快就知佢鐘意邊類型多啲。然後我主打買果類，跟住阿女就有興趣追住睇。唔排除有啲小朋友天生鐘意讀書，但我見過咁多個細路，幾乎個個最初都要大人陪先肯睇字，如果要佢記，就更加要父母陪佢一齊讀。陪睇書已經係最低成本同難度嘅「教育」，過程中你都會有好多得著架，加油呀巴打
1個讚
閱讀唔係講求幾時識睇，而係鍾唔鍾意睇，所以培育角度應該係 “我要令小朋友覺得睇書係自由、開心” 而唔係 “我要小朋友學識認字睇書”。
就當玩玩具咁，你唔會諗住 “我要小朋友練習手部肌肉” 嘛，你只會諗開心唔開心。
先要 “我同小朋友一齊睇電影咁一齊睇圖書，家庭娛樂時間”，呢段做得成功嘅話，後面你就唔洗擔心，佢自己識睇架喇。
唔係㗎，依家好多玩具商出嘅玩具係目標為本咁引家長買，家長都係有目的咁比玩具小朋友玩㗎
因為已完左k1 感覺進度不太理想 太太較為順其自然 所以緊張就係我
小時了了,大未必佳!
打個比喻,每個人都係一支蠟燭.如果而家每天 chur 盡燒亮發光,將來總有一日會好快燒完!
點解唔比佢慢慢燒,用耐 d 呢？同樣都會發光發熱!仲㩒擺!
k1咋,小學中學大學…慢慢長路啊!
趁住暑假,陪佢玩多 d,留意下,觀察下!k1如果做到自理,已經好叻!
5個讚
哈哈 其實我好hea的 而家先開始緊張 因為我自已時間不多 每天只有約30min伴讀 所以我要找最有效的方法 我chur自已就差不多盡了
1個讚
已經好叻叻啦!30分鐘已經好好!重質唔重量!