中文可以有認字班，講故事/演說/朗誦班，進階啲仲有句子結構/閱讀理解………
英文可以補phonics，考Trinity/Cambridge……
實在好多好多
1個讚
練講故事及show and tell。
1個讚
請問你用緊咩教材教phonics 呢？
我小朋友都係K1, 都想好好裝備佢考直私， 而我就偏向想自己教。
大家一齊加油。
阿仔 k1 時，朋友叫我唔好自己教 phonics ，出去比西人教會好 d，因為佢話我港式口音唔準，事實證明我朋友係啱既。
另外如果有時間最好搵 d 可以比賽既野學下，portfolio 都多 d 野寫
1個讚
你想教好佢，定係想佢考好學校？
我嘅信念係：只要孩子有學習興趣，好奇，鍾意睇書，咁~讀書就易搞喇
至於考小學，就係睇有資素嘅孩子，加上做唔做到考核要求，仲有你有幾了解間學校！從來學校都係matching，俾你考上咗間唔match 嘅學校又點？！ 有用咩？
所以，家長除咗做好家庭教育，就係自己多d了解唔同學校，同唔同少學嘅家長傾下，了解唔同學校嘅情況，有機會就去開放日，親身同d學生交流一下，去感受一下係咪你想要嘅野，响呢d接觸當中，你會更了解自然想要d乜
我係plan ahead嘅家長，BB出世之後就睇N班/KG，K1睇小學，小3睇中學… 初中睇生涯規劃…
show and tell …九龍、港島邊度有?謝謝分享 
N 年前上過，美孚 Kids’ Zone （嗰陣係開辦人親身教，仲記得佢名，好似佢依家都仲有做）同 Kids Gallery 都有 show and tell，不過係一二年級嗰陣。按市場需要，應該依家幼稚園都有。可以上網睇下佢哋啲課程。
1個讚
謝謝你分享
呢幾日都諗緊 kids gallery,因為近學校,放學過去方便 
但覺好嗎？ 
自教同出去學各有各好
出去學唔洗自己煩，net的音係純正啲
但而家出去學好似唔太安全，而且我家附近冇咩比較好的phonics centre,所以選自己教，可以跟貼佢進度去調整，每日溫少少好快識，上網有好多教材，youtube都有真人發音，簡單cvc我覺得家長都教到，但高階d可能考慮出返去
冇話好唔好，係多一個時段畀小朋友練膽同口語。
1個讚
其實除咗出去學嘢補習，自己都唔懶得，又或者應該話，家長都仲有好多嘢可以做。我果時係咁「train」個女嘅，有興趣可以參考下：
1，叫阿女去點餐買嘢食 - 最初一定要陪佢一齊做，等佢有能力同信心自己做先放手比佢一個去買，如果唔係只會打擊佢。最初可由用八達通比錢開始，因為容易而且完成度高，好易建立自信。
2，去公園玩放手比佢自己玩，唔好跟住晒 - 我會坐一邊扮做自己嘢，但其實暗中觀察。響阿女畫面佢知道我坐響度等佢（我應承坐響度就唔會行開，等佢隨時搵到我），於是好肯自己周圍去「冒險」。佢會時不時望返轉頭睇我響唔響到，我同佢打完招呼佢就會自己再去玩。久而久之佢響公園可以自己一個玩，唔痴大人，仲會主動搵人陪佢玩。
3，每日都一齊睇書 - 呢個習慣由N班已開始，佢未認到字我就講故事，到K1-2 就開始一句書面語一句口語，同埋會各自睇完書再互相「交換」嚟睇。唔好強迫佢要強記d字，我係一本書睇好多次，等佢自己「背」到，漸漸就會記到常用字。睇書最忌急功近利，強迫佢學字，培養興趣最重要，到K2時阿女已主動自己搵書睇，有時唔洗我陪。
4，多啲同佢講故事 - 細路都係學大人，你要佢主動講、肯講敢講，仲要多詞彙表達能力好，最好自己做榜樣比佢跟住嚟學。
5，玩桌遊 - 學同人相處同合作，非常非常有用。阿女朋友第一次玩，輸咗之後喊到九彩，仲出手打人，好彩發現得早，仲可以教。我同老公好少讓阿女，由於習慣會輸，阿女輸遊戲都可以一笑置之，只會要求再玩過。雖然好似冇乜鬥心，但我自己對佢呢種輸贏處之泰然嘅態度都好安慰。
8個讚
1.搬去好D嘅校網/或者臨近校網
2.加入教會並且領洗
3.拎住20分
4.揀好校網第三或者第四嘅小學
5.搞定
可唔可以分享下phonics既教材呀 我都想試吓自己教
都係網上教材，集各家之大成，不過自教花的心機一定多好多，要按小朋友進度，而且phonics去到long vowels 好多不規則, 要自己花時間去學。好彩我份工比較得閑，先有時間應付
其實考 一般直資具体要谷到咩程度, 放工翻黎都7點半, 9點細路都訓, 最多互動30 至45分鐘…睇1, 2本書就訓了~ 
我唔用谷呢個字，唔想講到好偉大，但我真係睇住個女資質嚟教。佢數理差過語言同藝術，我就調低對佢嘅標準；語言有天份，藝術有興趣，我就放多啲時間心機響果邊，再培養下佢讀書興趣。我投放幾多佢唔一定吸收得晒，又或者佢吸得更多，都唔係我哋做父母嘅控制到，所以我只係盡做。自問當初放工時間真係七、八成比晒佢，開咗個頭直到佢自己獨立睇到書，之後就會輕鬆啲。
JM你都唔洗太大壓力，入到乜學校都要睇小朋友本身能力同外在環境際遇，自己盡咗力就問心無愧。
3個讚
點會唔擔心 一陣入間差小學係唔知點算 我不要求名校 但都b1囉
其實而家升k2, 券幼全日, 時間每天放工有約半小時, 星期六上phoneics, 諗緊點先系統d 追上進度…
我女當年私幼半日，下午一星期四日興趣班，因為學校有語境，phonics 都係學校教埋，所以冇額外上任何語言班。
直私面試注重英文口語，如果覺得唔夠，最好早少少搵NET補下英文會話。
另外我每日臨瞓前會同小朋友傾陣計，再睇書睇半個至一個鐘左右，星期六日會長啲時間。我覺得相處時係重質不重量。如果集中精神睇書，每日半個鐘都可以學到好多嘢。
仲有樣嘢可以share, 我有自製一啲不同物品嘅「小圖片」，例如唔同國家國旗、地標、服裝、食物等等，同阿女玩遊戲鬥認得多。有時會鬥快講圖中物品名稱，有時會按國家分類。套咭我冇記錯有大約二百張左右，阿女玩住咁輕輕鬆鬆就記到好多名勝地標，某d特別嘅物品我仲會講下背後嘅故事，增加佢嘅知識面。
3個讚
岩岩睇完半個鐘, 2本左右, 基本上單向多, 一本中一本英, 興趣班而家都難搞, 老人家好難帶佢地去, 都係資源問題…