報告未出,唔好嚇自己住 
我之前都試過係咁,有粒差唔多5 cm既瘤,仲發曬炎(無痛覺),要即刻開刀拎出黎驗,最後係良性
1個讚
無事就好~
祝你太太早日康復
近來發現卵巢有腫瘤
等緊再做檢查
好忐忑同擔心
希望唔洗做組員
上黎報喜！係良性，開心！
10個讚
太好了
1個讚
恭喜你~
要做手術嗎?
Yeahhhhh
最近發現有惡can，一時間接受唔到，無從入手
明白會好擔心，但而家最重要係諗下一步點做，有冇保險？有冇能力去私家醫？個病有幾惡？要做咩治療？
建議搵個私家醫生望一望份報告，拎多個意見再決定點做。
雖然叫你唔好擔心好難，但積極治療，希望仲有治療方法，祝福你！
阿爺因為腦癌過左身，最近近親都中左比較罕見既癌。屋企人都擔心可能有遺傳，都叫我一定要每年做身體檢查
做檢查防範下都係好事，但經過今次，我真係覺得珍惜每一日，當係提醒自己唔好嘥左每一日，因為擔心未發生嘅事都無用
1個讚
我身邊好多人有can但醫到，好長命，你唔需要絕望
睇返個開post時間，原來過左一年喇！各位仲係治療路上，或者岩岩知道嘅同路人都要加油！
好多理性嘅問題都明白，但真心到自己做主角好唔容易接受
往時好容易做的事變得好困難，手術後起身，飲杯水，去廁所，轉身瞓覺……一切動作突然變得好吃力去做，覺得自己好廢
加上見到社交平台，朋友都開心share美食，外國生活又幾咁happy, 自己只係算緊今日點挨過一天，點樣嘔少啲，點樣無咁辛苦，心情特別低沈
又係果句，好多道理好明白，呢個病心情好大影響，但每日總有時間低沈下來，好難頂好難挨
2個讚
癌症唔一定係絕路。
最緊要其實係心態。壓力校一個惡性循環，比自己壓力越大，對病情嘅影響就會越壞。其他嘢係要社會上嘅壓力控制唔到，但係自己病情嘅心態可以控制得到。
我自己已經發現咗10幾年，做咗好多次手術，每次復發嘅時候其實都係壓力最大嘅時候。心情會影響病情。
共勉之。
1個讚
明白，嗰時我電療化療一齊做，但身邊朋友都察覺唔到，因為我堅持正常飲食，盡量同小朋友出去，身處當中，辛苦夾雜不安，當下好難捱，但過後睇返，係一段好好嘅經歷，提醒你又重生一次
1個讚
識親癌症朋友或病人都好大動力，好強生存意志，相反我療程都未開始就怕呢樣怕果樣
好擔心好不安，覺得自己好無用
1個讚
我都確診了第四期,要開始治療,
希望可以捱到落去
我地要圍爐下
好多野都唔識
又唔知應該點戒口
唉～越要戒口越想食野