見呢類題目好少人講，所以等我開個topic,本身係鼻咽癌患者，治療完，未照MRI未知治療結果， 其實好驚好緊張，但因為同左好少人講，希望係度同大家傾下，又或者講下關於癌症嘅野，又或者關於治療上嘅野都可以問我。
20個讚
癌症最難搞係心理健康，呢樣嘢贏打勝仗機會會大增
盡量 keep 住好心情，加油 
1個讚
我有癌，冇得斷尾。
但我相信心情可以改變病倩。心情愉快，病都少D。
8個讚
身邊好多例子
心態真係好重要,有時候唔好唸住一定要隡除癌細胞,試吓用另一方法面對佢,就當佢糖尿高血壓咁,同佢並存,好似長期病患咁
我係 high risk，每年 body check驚餐死，但無損我生活質素
1個讚
無錯，所以開個topic 黎互相鼓勵分享下，你都要加油
yes, 我都努力調節中，鼻咽癌治癒率算好高，我見有人都醫好幾十年，但有時夜深都會亂諗野
2個讚
我本身都係high risk, 檢查就中左，雖然知自己high risk, 但真係中左係好震撼。
而家睇好多書，學習放鬆自己
2個讚
咁樣諗：冇病平時出街都 high risk，隨時有意外發生，唔驚得咁多
加油呀！我有位長輩有個漁民朋友曾經患鼻咽癌, 我同過嗰位當時人食過一次飯, 佢有近90歲喇, 講返抗癌史比我哋聽, 佢話佢當年電療一至五都係自己醫院去電, 自己返屋企, 雖然我都對佢話一星期電左五日有少少懷疑, 不過唔係重點, 重點係都可以同普通人一樣咁長壽, 佢曾患鼻咽癌就一定唔會假, 因為嗰餐飯仲有幾個佢識左幾十年嘅漁民朋友一齊食的
加油！ 
2個讚
醫生都話可能係壓力迫出黎，所以更加要放鬆
多謝你，我都要長命百歲，睇住小朋友大個，湊孫
3個讚
早睡早起係善待自己重要嘅一環
唔好客氣, 只不過係一個小分享啫 
不過真係強壯返要做運動, 因為嗰位漁民到現在都係有捕魚, 我估日日咁大運動量都有d關係
仲有留意唔好用微波爐, 我的家族中有人患急性血癌, 佢係日日用微波爐翻熱飯菜, 我覺得有是有影響的, 因為家族中應該無患血癌史(子宮頸同腦癌史就有), 不過都係小心為上返工帶保溫飯壼, 同埋出街食飯要留意食物是否翻叮的, 如果發現就唔好再去了 
呢樣我有呀，治療期間都堅持做八段感，我都覺得做下運動好好，夠氣啲，真係恢復得快啲
1個讚
咁就好啦! 祝你身體健康！ 
我爸爸上年確診肝癌+骨癌
由見醫生到做完手術+電療用咗3個月
所有嘢都順利完成
而家爸爸好精神，暫時唔洗食藥
不過因為呢個病，爸爸終於戒煙
亦都改變咗飲食同生活習慣
希望佢可以健健康康活多些年
大家加油
7個讚
我爺爺30年前肝癌過身，嫲嫲10年前確診乳癌但醫返好，爸爸3年前父親節確診肺癌，聖誕節就走左，前後得半年，本身佢唔煙唔酒，早睡早起，飲食均衡，定時運動，而且當時樂觀面對，所以都好突然，第二年到我姑姐又係肺癌，一樣無不良習慣，佢仲嚴重過我爸，四個月就走左，所以某程度上應該係基因有遺傳，我都係high risk，只能多留意自己身體變化
1個讚
我有幾個親戚都係癌症，翻發，醫好，而家一啲六十幾一啲七十幾，又精神又健康
共同點：及時行樂、樂天、寛容、堅強嘅女性，從不怨天尤人
大家加油，我自己就隨時預有，希望會喺佢哋身上學習
2個讚
我類似，家族多人有，所以真係要年年check, 不過都唔知點check, 因為同你一樣，家族個個中嘅癌都唔同，無諗過自己又中隻新