其實好想行去尼泊爾ABC/EBC, 不過最大心理關囗係怕d廁所好差, 我本身對廁所都有要求, 去日本都唔係好接受到踎廁, 日本公園嗰d踎廁都算乾淨, 日本地鐵站内嗰d都有少少難接受~
西伯利亞鐵路都想試吓搭, 如果係嘅, 當然由入左俄羅斯境嗰邊先搭, 不過d長途列車廁所又係障礙
我真係覺得無人好似我咁麻Q煩同yim尖 
2個讚
我同你一樣，喺香港我係會搭一個站地鐵去個我覺得ok嘅廁所。唯一分別係我唔會想去你講嘅地方，對我嚟講廁所問題大於一切，幾靚都假
1個讚
尼泊爾我去過，廁所唔係想像中咁差(可能當時年紀小)。
我對廁所都好有要求，係香港，非必要唔會係去出邊嘅廁所，就算一定要，會揀大商場嘅
諗過下以色列
我都想試下西伯利亞鐵路，但唔知會不會好辛苦？ 如終未必訓得到
20幾歲嘅時候就幻想過，好想睇壯麗山河景色，想去西藏又想去西伯利亞鐵路，不過每次見到同樣價錢可以去一次日本又或者去一轉歐洲；就打消咗個念頭（好冇 
大志）
我都係喺香港都要揀廁所嗰d人, 去深水埗我基本上唔會去廁所 
係車上面好悶, 又上唔到網, 我估咁悶應該會恰得着
尼泊爾去過Too，男仔表示無咩問題。
不過依家邊度都去唔到
咁又係呀~我都係, 始終歐洲吸引好多, 睇建築行博物館行超市食美食始終多元化過山河景色 
男仔方便好多, 開細嘅話, 始終pat pat位褲位都唔洗同個設施近距離
唔係我, 但我爸爸自己一個幾年前 (當時66歲) 搭西伯利亞鐵路旅行, 玩左個半月. 不過佢個人style 係咁, 中意做呢啲野, 又外向, 沿途會識下朋友, 佢話好開心. 但我阿媽費事睬佢
都好吸引, 不過我好怕曬
而且無坐鐵路，搭飛機去
勁呀！因為喺俄羅斯嗰段西伯利亞鐵路係要俄文世界, 我自問會怯怯哋, 世伯好勁! 
佢去之前自學左幾個月俄文, 基本嘅都講到啲, 佢話再加身體語言都ok… 咁我唔知啦, 但佢又冇穿冇爛咁返嚟喎都係幾叻仔
好叻仔呀！我帶我媽去大阪, 佢英文係用單字程度, 佢本人又唔怕肉酸, 同佢食緊飯, 佢想飲熱水又唔同我講, 突然粒聲唔出就去左張bar檯度, 對住個廚房工作人員講Hot water hot water 
我即刻9秒9衝出去搭住我媽, 對住個工作人員用日文講唔好意思, May I have…,please 就咁Hot water hot water真係好無禮儀, 當自己皇帝咩! 就咁熱水熱水! 
老公公幹去過，佢好鍾意，天氣好好，tel aviv 好modern 好有silicon valley 感覺
我都係少少潔癖，廁所同床鋪有要求，出差我會帶自己毛巾墊床同枕頭。列車同飛機嘅廁所窄，我連揩到牆都覺得污糟
去過最恐怖嘅廁所係西安兵馬俑出面嘅餐廳，臭到一直作嘔
一直好想去蒙古，嗰年真係plan緊，未成行就有咗，有小朋友之後唔知要幾耐先去得呢啲地方lu
會去
廁所完全唔係問題，我返大陸再污糟啲都得
世界咁大唔會因為呢啲小位而錯過美好景色
不過冇乜人有興趣，好多人淨係鍾意去日本歐洲，我嫌悶
老公應該氹下迫下會陪我，我會努力
1個讚