阿仔3歲啦,依家考慮緊出八達通俾佢
一係就小童八達通
一係就個人小童八達通,驚佢唔見咗有好心人都可以還俾佢
學生個人八達通
三者有咩分別架?
我用普通小童8達通，每次入$50，唔見咗唔駛煩，買過張新算啦
如果我冇記錯個人八達通得一隻
冇分小童定大人
而學生八達通都係個人八達通
只係再同港鐵申請學生身份
你小朋友係冇得學生身份
因為只限十二歲至廿五歲學生申請
我覺得用返普通小童八達通就可以
因為個人八達通唔見左要重新申請好似好麻煩
如果想好心人執到比返你嘅
其實貼個電話/email 係面就可以
1個讚
小童冇個人八達通，12歲至25歲有學生八達通，到時先向MTR申請，要相及填form
一定唔可以入咁多錢，試過有次小朋友返幼稚園，臨急臨忙幫佢袋落書包度，放學冇咗（有寫名嘅）
我買八達通手錶俾小朋友，戴住唔會唔見
1個讚
我小朋友用小童八達通。 （仲要係兩張，一張我，一張我老公
我小朋友戴八達通錶
唔會唔見
只想提一樣野：個人同普通都會唔見，但普通就無咁煩，個人8達通補領係會退餘額，但一樣要俾手續費
我d仔細時，我係佢身一張，我袋一張，有時又會放咗响學校唔記個帶返屋企，兩個細路，上小學又要個人嘅，結果係屋企有4-5張兒童八達通
幾好喎呢個方法,我個仔成日左攝右攝,
唔知擺咗係邊,有時返到屋企隨手放,
又唔記得袋落書包
個人八達通 執到交回俾地鐵站可攞得返事主，但要有人執到而且肯交返，如果嗰個人執完用曬餘額再掉再卡，你可以報警，但咁麻煩，你會唔會咁做。（好似$100申請費加按金）
普通八達道，50蚊按金，我會每次入錢只有50 ，跌咗都唔會咁心痛。
公仔八達通/八達通錶，最貴，二百幾，三百蚊一個，無錢喺入面，要自己增值，掉左又找不到本人。如果想買公仔，我一定買錶，錶可以戴係手，唔會咁易唔見。
我仔第一次跌咗個公仔八達通之後我就買返張普通八達通俾佢，最經濟，唔見左都無咁肉痛。
我好老土咁綁係書包到咋
因為怕佢會玩錶 反而更加易唔見
我仔上次話唔見完又揾得返。我身上都係長備一張小童八達通，預佢哋唔見/無帶/入面無錢都有多張後備
可能夾左喺書本入面
小童八達通我大女跌過好多次，後來我只會用八達通app入10蚊
1個讚
我女K2用小童八達通
買個卡套連頸帶，掛住唔怕唔見（返到學校收好），同埋訓練佢唔好旨意媽媽幫佢袋呢樣嗰樣
1個讚
阿仔有2張小童八達通，之前好多時放假出街，唔記得係書包拎翻張八達通出嚟，所以宜家一張長放書包返學點名用，入面有$20 for有時落大雨要搭車返/放學用，另一張入$50就出街用，長放係我或佢自己出街袋到，暫時咁樣係最好
檢查過，完全消失了，幼稚園書包不會太多物件 
3歲咁細個，都係父母保管住，去到搭車先俾佢嘟好d，如果唔係好容易成日整唔見