身邊好多媽媽由小朋友上幼稚園前
為升小5分宗教分而信教
自己都1516…覺得over左
請問大家會咁做嗎？
我做唔出
6個讚
以前聽過去菲律賓領洗、或者去唔知咩教會上幾堂就可以領洗。
如果本身都有興趣了解可以去試，
我返慕道班時動機不良真係為果5分，
導師都知道，
但佢講呢個係一個俾你去認識天主嘅機會，
其實係好事。
返左兩年真係令我內心平靜，
好似有個倚靠對象。
又有人同我講係我遇到嘅導師開通先會咁，
但我真係好慶幸當初為小朋友面懞懞去試。
我都想知有咩教會幾堂就可以浸～
其實我都唔抗拒，因為中學果陣有返過下教會～
咁都係既～我果區一線小學全部基督教，得15分又想穩陣真係得呢個方法
聽就聽過
1個讚
係，如果本身自己已經有興趣，只係爭個推動力，我覺得為自己為小朋友去下都ok。
但如果本身好抗拒，就無謂為咗5分而去，盞自己覺得唔舒服責怪自己
2個讚
其實無乜所謂，去聽下，話唔定會真心信。
教會都有一定比例嘅人係非信徒（有啲仲返左好鬼耐）
但而家唔係得online聚會咩？
1個讚
記得好耐之前有個報導係安排家長讀雞精班然後出公海領洗 
1個讚
天主教而家冇mass ,冇慕道班上
1個讚
我支持你
我係天主教，曾經教過好多年主日學，教過好多拎咗五分入埋教會學校嘅小朋友。當中有好多學生而家已經廿幾三十歲，我到而家仲見佢哋同埋父母都有返嚟，有D仲帶埋男女朋友返嚟添。咁當然亦會有失咗蹤
妙就妙在，既然都入咗教會學校，點解父母仲要個小朋友咁辛苦，星期日唔瞓多陣都仲返主日學？
我想話有邊個當初問道、踏隻腳入教會，什至而家仲返緊教會、祈禱係絕對冇私心？我讀中學時咪係貪得意同班同學一齊報名去聽，咁就玩咗三十幾年我老公哋幾兄弟姊妹細個都係飲教會奶粉大，咁又點？如果你將你個問題搬出嚟問神父牧師，佢哋唔會趕你走㗎，一定係叫你嚟聽吓先！
冇錯你今日可能係為五分而入教，但你仍要經歷一個過程，例如我哋天主教，你需要返慕道班，最少都要上一年半堂，仲要左查右審先可以俾你領洗。至於基督教，我雖然唔太認識，但相信唔係你話信就即係俾張浸禮證書你，都要有段時間。
要拎哩五分係要付出㗎，當然，可能你入咗教之後，最終你都係唔信，不過你聽過見過嘅嘢已經入咗你度，冇人可以拎得走。你個人嘅信仰歴程、經驗，永永遠遠都屬於你，你同神之間嘅互動所產生嘅效果係乜，之後嘅事冇人會知，亦冇人有資格批評你。
站在傳教員立場：第一，哩個其實係神向你發出邀請，佢等緊你回應。第二，教會學校其實係發揮傳教作用，如果小朋友因為冇哩五分，入唔到教會學校，咁小朋友更少機會認識道理。
所以我支持你去聽道理嘅！不過，我都要提醒你，多五分未必一定派到
5個讚
有D天主教學校唔接受菲律賓領洗紙
1個讚
宗教分要根據學校列出的條件先有，例如：喺on list教會到授洗，唔on list的教會受洗紙，學校有權唔俾嗰五分。
我上慕道班時都有私心為左多五分，但上左七個月，聽聽下又覺得有道理同心靈慰藉，有時工作上有樽頸道，突然見到一句金句，會感動到喊，好似明白我煩緊乜同頓悟了點解決。同同學之間傾談，大家多了一個傾訴途徑。
當初目的的確有點唔岩，但都係一個動力令我keep住返左幾年直至搬得太遠。受洗完都八年，依家仲有同班上的人keep whatsapp。
1個讚
識得有人咁做(´･_･`）
的確係好虛假
不過如果入到個間學校會有個好d既前途 我覺得無問題。
因為我覺得問題出於佢個計分制度，多過為分去信既人。佢用得呢個計分制就預咗。
1個讚
我有朋友係咁，小朋友bb時已經plan好曬，仲拉埋老公兩公婆一齊領洗
我自己當然就不恥呢種行為，自己唔會做，但人地為自己小朋友去鋪路，唔輪到我地d外人去comment。假如佢小朋友入到間好學校但我小朋友入唔到好學校，我唔會因為佢入到而羨慕，亦唔會因為我地無而覺得後悔。for我自己黎講原則比較重要d
以我呢個朋友為例，為5分去領洗，好多時都係為利益就無乜底線，所以呢個朋友第日如果：為其他男人拋夫棄小朋友我唔會覺得出奇、做其他d鬼鼠嘢攞人著數我又會覺得係意料中事
我相信有d人道德觀低d，有d人道德觀高d，大家只係行返自己條路
你點選擇事後唔好後悔就得，如果怕人地話就唔好同人講，最緊要過到自己嗰關
3個讚
多 5 分未必派到，但冇嗰 5 分就一定派唔到。 有啲大熱學校，舊生+宗教攞齊都未必入到，佢哋唔攞埋嗰 5 分就一定冇得讀。
不過如你所講，正式領洗之前都要經過好多日嘅崇拜、彌撒等等，快則半年，慢則一兩年，要由小朋友讀 N 班嗰刻開始接觸。就算佢係為嗰 5 分，都總算係有恆心經歷曬。
1個讚
都係，所以我諗住今年幫呀囡報好曬K1先搵教會，到時再睇情況
謝謝你詳細解釋
明白多5分未必必收，但都叫有多個機會，同埋唔抗拒都可以試試