如題, 仔仔比較慢熱, 學野快. 現有聖公會幼稚園和學之園offer, 小學target直資/私小. 想問下大家會點揀 
聖公會幼稚園for sure. 淨係個名都贏
聖公會d英文淺，一定一定要多多外補/私補
我小朋友朋友係SKH讀過一年K1，英文明顯退步（中文進步），跟住轉走咗，呢個係用家媽媽comment，你可以參考下
但呢個媽媽係外判虎媽，佢小朋友出面學勁多嘢，要求高㗎
SKH鐘意d小朋友可以坐定定上堂，老師應該好buy你仔呢類小朋友
1個讚
多謝你意見. 但除左名氣, 想了解多小小2間幼稚園的教學模式, 老師有無愛心…坦白講聖公會幼稚園係網上既資訊真係好小 
應該係揀學之園
多謝你意見. 我都估SKH一定多外補. SKH程度唔深, 但見佢升小張成績表咁靚, D家長應該係全部都勁外補
係，所以選擇呢間學校應該係睇重名氣
據我所知SKH注重德育，老師應該都幾好
LH就… 肯定無咁注重德育
如果你係港島區LH，更加唔建議你考慮，一黎校舍太新，二黎近大酒店
公道d講，個小朋友要好標青100%靠家長去私補外補，所以揀學校歷史同名氣重要㗎，networking就更加係有錢都買唔到
就算去到中學，個學生要達到標青，都係靠補習
我親戚個仔由st Joe小學讀起，每月都要花8-9K補習，最後就當然入到HKU神校
1個讚
學之園都一樣好多人外補。既然兩間都多，倒不如 SKH，SKH 多人入聖保羅男女呢 
～
英文的確係學之園深啲，英文課程的確設計得唔錯。我相信呢個年代，搞英文容易過亦資源多過中文，如果小朋友太早偏左英文，忽略中文，上本地小學中文方面就會越來越辛苦，備戰 DSE 嗰幾年就好痛苦。唔係話學之園中文一定差，但當佢英文嗰邊水平明顯高咁多，再入埋高度注重英文水平嘅英小，中文會好容易積弱。呢啲我見太多，所以要注意下。
兩間都好多人 target 直私，就算係龍幼，只要唔係 100% 全部收返，都好多家長額外谷，咁所以「幼稚園學術課程不算是最重要」，最重要係你額外嘅栽培計劃。
我純粹以升小考學校去睇，skh比學之園人少好多，聽係上黎矜貴d有著數。而且多人上coed 係因為好耐之前2間學校有linkage, 呢家即使斷左都仲會睇高一線。
知道skh 重德育所以比較happy, 咁睇你想happy 定學術lor.
SKH的小朋友係學校會開心, 老師有愛心。當然為左考直資, 差不多個個都外補。疫情時一直有ZOOM同拍片。
LH就是個SYSTEM好好, 明顯係睇直私小學要什麼來教的, 一直有要小朋友拍片做PRESENTATION, 令佢地係考小一時俾其他人容易過第一關。
聖公會幼稚園
學之園係青衣總校先派得好, 九成升到好小學都係青衣分校
其他分校唔駛考慮
又睇埋你個小朋友係大定細B, 呢間淨係收大B, 有朋友既姪仔去讀, 8月B, 跟得吃力
梗係聖公會好~
凱帆同紅磡都好勁呢
請問你最後揀左邊間
但係會唔會有個可能性，係SKH既家長好多都係神校校友。
1個讚
兩間都多神校校友
係。大部分關係人士。N無人士讀SKH依然係N無人士，冇著數㗎。入咗去就知㗎喇。
反而LH 真係多N無考入。
2個讚
始終被聖公會收難過被學之園收
他朝想轉學校
都多數係聖公會轉去學之園
咁講啦
目標為本想train 小一面試
一定學之園
除佢之外冇邊間係專呢樣嘢
錯了，SC都有，只不過唔會打正旗號。
回正題，N無揀LH。聖公會入到的絕大部分只是有關係人士。N無SKH要入神校，在外面要補到…特別係英文！
不過聖公會個名係響d既，僅次寶山同CCKG。睇下你想唔想要個名囉。不過你睇返LH近年升小成績，可以話神校/名校愈來愈接納呢個嘜頭。