話說我朋友個工人姐姐介紹佢個朋友比我，話僱主5月份要移民加拿大(今年8月完約)。我同個姐姐出左嚟見左面一次，都覺得okay決定請。姐姐仲比左佢僱主電話我，話如果我有咩問題都可以搵佢僱主傾。
咁我呢兩日問佢僱主係唔係會報比入境處知佢哋因為移民先同工人姐姐終止合約。佢就只係話，我唔需要知道咁多，佢有佢攪，我有我申請。我有同佢解釋如果唔係因為特殊原因包括移民，逝死，個姐姐要返去菲律賓，我無得幫佢喺香港轉僱主。講左兩日，佢都堅持，話我照去攪就無問題，我最後同佢講我要等到visa 批左先會接姐姐，唔想有手尾。
我剛剛同左姐姐講，叫佢同佢僱主傾下。
我完全唔明白呢個僱主諗緊乜…
掛著自己移民，唔想煩羅。個工人點，你請唔請到工人，佢都唔關心，剩係想做少D。可以想像，移民前有好多野搞，唔會理咁多野
但係佢點都要通知入境處終止僱傭合約，我最擔心係佢唔係移民而係斷約，我就請唔到個工人
我覺得好正常, 她僱主唔識你,唔想你知佢任何野都好正常。 如果比我, 都最多都可能只會比你知工人幾時完約(or 唔做)。
人地僱主無責任去幫你方便你㗎
你自己問返個工人，問佢究竟係完約定係斷約啦！
老老實實個工人射個波比僱主，好麻麻地
斷約都請到㗎
係個僱主同工人姐姐講要移民ja…
而家仲請到咩？唔係一定要返去菲律賓咩？
咁你咪照搞visa
唔得再講
咁我唔太清楚。
以前一向可以stay2星期搵新顧主，以家疫情更加冇理由唔得喎。
而家斷約一定要回國。
可能之前太多斷約，俾僱主鬧爆，而家又改左要返去
原來改左，唔怪得樓主咁緊張。
斷約不用回國
除非連幾二次