人奶易消化, 幾日無便便係好正常既, 我個3個半月B 連續第3日未有便便
搞到佢爸爸好擔心下
好奇想問下其他人奶B 試過幾多日無便便?
我試過5日
我仲要係人奶+奶粉
5日
最尾屙得出係唔係超激動地多? 我而家日日都諗佢幾時會爆片
9日
一樣，最長5日
人奶+奶粉
大約一個月食一罐奶粉
唔記得幾多個月開始變成日日有得poo
進化到有時一日兩三篤
比較多但未至於爆，都唔知啲嘢去咗邊
係呀中間有幾個月一日兩三甚至四次，抹到覺得煩添
宜家就一日一定有一兩次
9日!!! 嘩!!! 過左7日我估我個啲屋企人會帶左個B 去睇醫生
我仔而家3日無便, 個人都燥啲, 喊多左。。。 唔知關唔關事
8日，健康院姑娘話只要有放屁，食得瞓得精神好，20日無便便都無問題，無錯，係20日
1個讚
5日全人奶、（nb-6m)
2 日 6m +已加固
好似7日咁上下，平時都成4、5日先爆一次
19日，真係唔係講笑。但我果陣真係好老定，覺得冇問題。
之後果次開大，簡直係山洪暴發。
1個讚
我好過份地笑左
唔想見識到山洪暴發既威力。。。 我仔已經試過半夜噴便便噴到2.5米外
抺完已經差唔多又餵下一餐。。。
9日，帶佢睇醫生，無藥食主要醫生檢查肚有無硬，睇完返屋企就大大
真係好誇張，係第一舊硬少少，之後就好似岩漿咁不斷湧出，果陣係墊住條片痾，以為冇晒，換上第二條片時，又湧出一堆。
其實初時係2-3日先便便一次，之後慢慢愈黎愈耐，但我見佢d便又唔係硬，所以先咁老定。
嗰時返健康院母乳小組，帶組嘅母乳義工話佢試過21日。
我自己小朋友最長好似5、6日左右。嗰時因為上過堂做過晒資料搜集，聽過依啲case，明白到係點，其實覺得無乜嘢。
點知當時要返健康院，個姑娘聽到就好驚訝，覺得我好有問題，猛話完我一輪點解便秘唔帶個b去急症，我講咗我個理據佢都唔接受，要我見醫生。
入到醫生房，醫生睇完排板再同我小朋友玩，然後好氣定神閒問我有咩擔心，我話無啊，跟住問我點解要見佢，我話係姑娘擔心要求我見你
然後醫生幫我小朋友檢查下，再問返我理據點解唔擔心，我話我知佢成日都有放屁，完全食得玩得瞓得無扭計，佢係人奶b所以係有可能係咁。醫生話：係呀，你講得啱，正常大人便秘都周身唔聚財啦，何況咁細嘅bb，如果有唔舒服佢呃唔到我地的，如果個肚唔舒服一定會表達出嚟，但佢無又咁精靈，即係無事啦。
1個讚
我果個最長試過17日
平時都係5-7日先一次，量都唔得好多。一直好好胃口同埋有屁放，又精神就由得佢。
但係到左兩個星期都開始有啲擔心，就問下係母乳熱線嘅姑娘朋友，佢都係話有屁放，肚仔林，食得訓得就ok。朋友都係講最長21日冇便便都有之後好彩係返母嬰之前果日就解左出來，唔係BB可能都會俾姑娘叫去見醫生
我個女試過最長10日日。返健康院又同姑娘講，佢問我擔唔擔心，我話唔擔心，佢即讚我有做功課
14日
醫生按佢話肚唔硬冇事
但好多日冇痾係好明顯燥d !!
我仔屙左啦！ 而家覺得佢4日無屙係濕濕碎, 同最高記錄21日完全無得比呀
1個讚
啲姑娘同醫生唔align 真心好煩
諗起頭一次有咁嘅情況真係搞到我黑人問號