咁其實開刀出世個時辰可否作準呢?
你問我嗎？
我依家報風水班，無學命理呀
但我估命理都有分門派，有d覺得開刀都ok
你想幫小朋友去算命？
見到樓上講一命二運三風水,即係落地喊三聲好醜命生成
以前就通常都係順產冇違天命,好奇想知道擇時辰生仔咁係唔係佢本身嘅命呢?！
我當年生大仔時一路計劃順產,但係呀仔到due date都唔出嚟,跟住係自己睇個稱骨表去揀時辰開刀叫做喺有限嘅日子入面揀個相對好嘅時辰開刀咁囉
我冇計劃去算命,算到你好又如何?唔好盞耿耿於懷🤷
icic
算命我覺得無分好壞，係崔吉避兇同避重就輕
就好似去整容醫生度整容，爛牌整好dd，無咁爛；靚牌錦上添花
擇時辰開刀無違天命，因為就算算到吉時，都唔代表小朋友可以出到世。如果小朋友本身條命carry 唔到個靚時辰，通常會提早出世，or醫生臨時有事推遲手術，咁就唔可以順利係個靚時間出世。
所以即使擇晒吉時開刀，最後出世時間先當真。
有聽過咁既故事：台灣d紫微斗數好勁，有師傅算過某年某時辰特好，個個時間出世既b 有做總統既命，非富則貴。所以搵返台灣所有醫院record想知個個時辰邊個bb 出世。結果係一個都無，全台灣無bb係個2個鐘內出世，但前後時段就多bb出世。
3個讚
謝謝你解答咗我呢一個問題
至於生仔都要擇時辰開刀係咪太誇張既問題，一開始我都係半信半疑，信則有既隨緣心態。到生左小朋友，再睇下身邊有擇時辰既小朋友既成長經歷，我就有以下體會：
千揀萬揀擇吉時：
條命有讀書運，細個讀書無煩惱，包括入名校（or心儀學校），fast learner (或者唔使點溫書都ok), 有長輩老師愛錫。當然要做到入名校呢個位，家長財力要有，即有父母蔭，咁岩呢d小朋友家底都ok (ftm任買名牌)，或者生完個小朋友間屋越住越大，睇落生活質素越來越好。
咁當然唔會咩都好，以紫微斗數睇佢地大個都各有煩惱，例如姻緣唔太好，或主要靠自己實力生存咁。
擇時辰但要求唔高主要求平安：
讀書運無上面突出，但so far順利聽話。父母財力無大升跌。
無擇時辰但有睇八字／紫微：
知個小朋友無書緣但要離鄉就唔特別強求佢讀書慳返淡氣，反而早早儲定錢比佢出國發展。
其實大部分開刀都因為係擇咗時辰
當然唔計d緊急開刀/twins開刀case
有部分lor, 我識唔少人開刀無擇時辰，因為唔信
即係開刀係怕生B痛？呢個都會呀
講真呀，依家活得越耐，我發覺有人係扮唔信，有d人甚至會特登唔講，因為怕其他人問師傅資料
我自己信玄學，但就唔buy要特登開刀就出生時辰呢套
但如果我係有醫學理由一定要開刀，係呢個情況下我會去揀時辰
我應該算係理性地迷信
唔係呀。好坦白講，我識得既有人覺得師傅太貴，聽落去太迷信，但係私家生又舒服講出黎又好聽，自己又可以休息多dd, 又或者有公司sponsor la, 總之去開刀同擇時辰生係扯不上關係。
就算比埋contact，有d師傅都唔係有錢就幫你ga~ 有時d野都講緣份。
1個讚
總括以上各點，我又大迷信mode出現：
父母真係好影響子女命運
父母係點，子女就會係點
明明可以揀好d時辰，因為父母覺得無所謂，所以都令子女爭dd
信與不信，結果都係逃不出「命」
因為命係父母比嘅，點樣將張白紙發揮，其實又係靠父母
你估d小朋友會自己plan點去考名幼咩
子女係點，其實點都係靠父母，包括埋資質同前半身發展
再消極d睇，如果子女不孝，其實都係關父母事，因為先天性格點，後天點樣教個小朋友，樣樣都係父母嘅事
做人父母，責任真係好大
我之前一路唔敢生多個，因為我係一個好比自己壓力嘅家長，依家自己望下命盤，睇曬我同老公子女宮，先開始有生多個嘅念頭
識得個師傅，佢幫佢老婆（即個囡）擇時辰開刀生，所有野準備好晒只欠一刀，點知呀囡提早出世
無計啦，個時辰太靚啦，真係唔係個個carry 得起，無得樣樣計到咁盡
所以識命理其實只係盡做，去到最重要個位，都係無得自己話事
當然。但好多人覺得人定勝天，由佢地角度睇我地以上吹水野就全bull shit
每個人際遇唔同，體會都有分別。我其中一個覺得人定勝天既朋友，佢就係一生靠自己能力，無貴人加持既人，包括一打三無工人，無長老，連老公都無幫忙。工作上都係靠自己上位，無咩人脈。
咁比我係佢我都會唔信風水，覺得人定勝天既
exactly! 聽落去迷信，但其實理智地諗真d，父母決擇同條件係主控仔女童年，正所謂童年過得好可治癒一生。
當然入名校唔係一切，又有小朋友家貧最後靠自己創一番事業。但對於比得起錢既香港父母來講, 一開始比一舊錢解決到（or掌握到）之後既問題（包括麻煩既讀書問題），呢d小小錢花得起啦。
咁可以比多個tips你，如果命中註定有第2小朋友，睇睇你同老公有第2小朋友既飛星4化（紫微斗數），識唔少會令父母麻煩左，就反而避開唔生。反之，所謂黎報恩既小朋友，當然非常歡迎啦。
1個讚
想跟師傅學紫微斗數，請教下有無邊個師傅比較好？ 
唔識、唔知
某程度上我覺得都係要睇命盤，同玄學有緣就一定會求其都搵到個好老師（起碼夾到自己）
否則就算係好老師，其實都未必適合自己
如果有心學，不妨Google下睇下有無邊個和你眼緣
我今次學風水都係求其google
多謝你嘅tips，之前師傅批命時好鼓勵我生，仲比埋嗰年幾月大肚我參考，每個月份小朋友都有不同特質，任我揀
但好可惜當時我自己係偏向唔生嘅