唔好意思，寫左咁長篇既抒發文。
發現新手一日只能回覆同帖兩次，這裡再覆。
習面相當年係近三十年前，當時整容技術無近年咁好，一睇就知整過而且失敗居多。
所以面相學當時仲係好流行的。
開頭學只為好奇，後來愈來愈準，特別係睇自身更甚。
當一個運動員終於遇到名師，可以一登最高水平既門檻。突然知道自己會殘廢，同自己講假既，邊度準既者。但多年來陸續應驗既大小事，點呃自己？
財運身外物，一笑置之，但夢想就係咁突然中止了。
事後證明玄學係準既，雖然意外事件比我批既日期早左三個月。
常人受這傷 99%傷殘，我信多年訓練令我最後一刻有所反應幸免，多於好人有好報。為實踐改運時，幫過唔少人，讓病人及其家人心安好過些，讓見鬼既可在家安睡。
基於唔信現世報，好人壞人的好壞報無直接關係。
單純係其命運。
錢財壽元我都唔睇重，只係夢想，無辦法咁豁達，遲十年發生都好呀。
現實就係改唔到，失敗了。
而家住係丁財兩旺，地運120年既風水屋，家人也健康無憂，過住沒有夢想的悠閒咸魚生活。
師兄既然都係學玄空風水，屋企有無擺福德缸，有feel到唔舒服時有無將命卦擺落福德缸？ 依然無改善嗎？
唔知係咪有關系，我位師傅係食長齋嘅，佢陰陽二宅風水都有做，做咗風水應該都有2-30年，日頭幫客睇風水，夜晚教風水，一星期做足7日
佢年紀唔細但精神體力都應該好過我
所以我想問，係幫人做風水時，你有無忽略自己修身積福呢？呢2樣嘢可能要相輔相成？
亞Q精神睇，當一個夢想不能實現時，並唔代表其他夢想都會係咁。
過去已成過去，何不展望將來呢？
靠你嘅風水知識可以揾到間吉屋，其實呢d都係你嘅福份，亦都係你家人嘅福份。大難不死亦都證明你並非無福之人，只係你想要做嘅嘢，未必係你應該/要做嘅嘢，只要放下呢份執著，人生可以有更加多嘢值得珍惜。
學習風水方面我仲係皮毛都未有
但我覺得學習風水玄學對我個人黎講，係一個令我對人生有另一種體驗/觀點嘅方式。起碼係學咗玄學風水之後，對自己性格上嘅不足，開始會有反省。在此之前，我無ga 不過講到要改，真係要一步一步慢慢黎，好難
唔關玄學事，我都會buy性格改變命運呢個法則
1個讚
即使同為玄空，只係學理相同，各家各人做為表現的手法皆不一樣。例如使用命卦的做法，我用大頭相取代命卦，實驗所得同樣具改運效果。
除左銅葫蘆和羅盤搵唔到取代物品，基本上我做風水時都係用物質/形狀/顏色/大小/高低/輕重/動靜，例如係電視都可發揮作用。除非開盤細睇，係唔會覺得擺左局。哩種做法好受歡迎，即使屋中人各有不同宗教，都能接受。
抱歉，個人不信現世報，只信來世報。
好人無好報，壞人無惡報，多的是。這是命。
如果賣人情等於積褔，人情滿街，朋友滿街。
不過既然能力低於你先要受幫忙，又點有能力幫返你，有心而力不足。所以施恩莫望報，係合理的。
自己都遇過受幫助的時候，但都是地位很高的長輩，根本無需我任何回報。
長輩會無故幫你嗎，當然唔會，也著實告訴係長時間觀察左我的言行才認為可扶一下。
這是平日積德所致嗎，只係做返自己唔認為係積德。單純係命中有長輩運。
甚至認識個不學無術，單純有超強長輩運便平步青雲，但晚境不好。好合理，到佢老時長輩都死晒仲邊有人照，與積褔無關，又是命。
做風水有無避開污氣報應方法？又係實驗所得，係有既。又寫到好長。。。
你幫人算命睇風水, 佢哋有無俾錢或封返封利是俾你?
唔知係咪師兄你有過太不愉快嘅經歷，睇所有嘢都好負面。
唔理做善事有無現世福報，我都睇唔到有咩原因唔去做。唔知你有無小朋友，但作為家長，有善心做善事絕對係良好嘅身教，小朋友學到幾多我地未必控制到，但作為家長有責任灌輸正確價值觀比下一代。
或者你對「善事」呢個睇法同我會唔同，但我覺得係做善事前最緊要係有善心。唔使去特登幫人，平時自己行事作風有修養，其實係無形間已經幫到幾多人。例如去快餐廳店食完嘢自己執好曬野，無形就係幫輕工作者嘅工作量，唔使特登去問：亞婆，請問你有咩需要幫手？
如果身體ok，捐血功德都好大。
以上各項都係由做好自己開始，並唔係你所講嘅賣人情。
做返自己，如果係善事，就算無即時福報，起碼唔係係度消耗緊d福德
無用到=存住先，命中注定嘅福報就可以係你危急時刻幫到手
做返自己，如果講得再深入d其實係做好自己，點睇呢件事對自己都無壞處bor
搭嘴先
我師傅堅唔流，日日接job唔停手，一星期開足7日工，佢老人家做咗30年風水，有老婆有個仔，佢自己精神好好，做事心態亦好好
真係睇唔到有d咩報應
佢依家都6X歲，衰d講句如果依家gg，都唔係早死嗰種
是命是福好難講
因為雖然呢個係命，但亦係父母嘅福報/命，先可以比到呢個時辰八字佢
都未計埋陰宅先人嘅力量。
唔知你有無驗證過一樣嘢：
當事人本身個命盤無咁差，但佢一路以嚟係越黎越差呢？
網上有一段嘢我覺得幾值得大家思考
沈嶸特別說明尤其第五點「佈施」最重要，她以自身為例，稱自從發心做公益，確實執行「每月10萬元，持續20年」的目標後，真正得到的是心靈的平安，壞事及衰事通通遠離，因為佈施是對社會有益的事，能為自己累積福氣，讓不好的事情被減緩發生或是根本不會發生，遇事就能化禍為福、遇難呈祥。
沈嶸當然也看過一些人出生的命格很不錯，但本人坐在她面前卻活得又窮又不快樂且一事無成，讓她很納悶為何這麼好的命格卻無法活出漂亮人生，好奇他們的人生到底怎麼了？
以下是沈嶸老師歸結會讓命格損壞崩塌的五個大忌：
1.有隱藏訊息、會欺騙人，內心藏有不可告人的壞念頭
2.自私自利，獨善其身，有好處不與大家共享
3.背叛他人或是惡意傷害他人，包含身體暴力及言語暴力
4.起心動念有邪念，想佔他人便宜或好處
5.與人對立，產生糾紛、爭吵、是非或是官司
人一出生呱呱落地的那一刻命格已定，但沈嶸說命運是可以靠自己突破及改變的，只要常常做增強命格的五大點，以及避免會讓自己命格崩塌的五個大忌，就能福氣綿延，好運多多，大旺大發！
另一派有d 鬼神之說, 人人都有上(幾)世嘅冤親債主跟住你, 俗稱攞債, 做善事積嘅功德係回饋俾佢哋令佢哋早d 投胎, 而唔係俾自己。所以做善事唔會令自己條命好咗, 只會令佢哋攞你少d債。亦可能因為咁, 谷友先至無殘廢, 無人知係咪, 只有天知。
1個讚
無聽過
但感覺都幾make sense，幾係佛家嘢
我咁講, 係因為唔收錢, 所有債都會落落自己身上。所以就算1蚊都要收。
當然如果對方有好強嘅冤親債主, 你收咗錢都可能會搵你報仇, 因為對方無積功德, 冤親覺得佢咁衰你都幫佢, 覺得你多事。所以如果發覺對方黑氣重, 甚至你有陰陽眼見到有野跟住佢, 最重要唔係幫佢擺陣, 係要叫佢做善事, 將所有功德回饋佢嘅冤親債主。捐錢無咩用, 親力親為做善事, 甚至捐血救人, 功德更大。
就如Yeah Yeah咁講, 日常小事都係功德。扶人過馬路, 功德大過你捐錢
1個讚
但發現問親人地有無做善事，個個都話：一路都有
我問做咩善事，個個都答：捐錢
反而我係由細到大都無乜捐錢，最多只係係街買下旗
最近一次「財佈施」係因為屋苑有其中一個看更因急病過身，留低老婆同小朋友，於是透過管理公司比咗d帛金。相信係呢個時候，現金對遺孀最有幫助。
依d情況捐錢的確最緊要
其他嘅捐錢… 因為撳個掣就得, 功德當然無親力親為大
1個讚
最緊要都係有善心
一個過，要用三樣善事先可以抵銷
所以我地盡量造少d「業」，分分鐘好過捐錢多善事
師傅咁講，我咁聽
係㗎, 鬧人或從心底咀咒人都係孽, 所以我叫我老公鬧少d人, 可惜佢戒唔到咀咒人
無錯！我就係一直免費幫人睇。
冤親債主的原理，同我體會出來的情況好接近！
當時一直受到污氣報應，實在受不了。
偶然睇到個訪問，已故名家個仔講返阿爸從前幫人睇風水，都會收利是但從未打開，原封放在家中積下一大堆。因名家出身豪門，本身也是大學教授，研究風水只為做學問。
從而推論，莫非係自己平白橫改他人命運，所以要付出代價即為報應？
之後實驗收利是，銀碼隨意。
果然報應大減，仍然要受但少左七八成。
原來受人錢財，予人消災係真既。
把橫改命運的責任交回當事人。
而觀察所得，當事人一樣會因此受到報應。
不過借了地運關係，得到的比付出的多很多便是。
所以地師們收錢睇風水完全合理，否則點長做落去。
另外，我只係好現實既人，唔係放負人。
小時候太貧窮，知道凡事只能靠自己，與生存有關的各種知識和技能都要盡量學習，生有崖而學無崖，要拋開無效功及不合理的事，現世報便是其一。
但相信來世報，之後再講一個用神通即鬼通睇風水既人，唔使開盤算出結果同我相同的事。
如果再講埋小朋友身教，更多字都寫唔晒。
所以都係只講返玄學體驗吧。
1個讚
用鬼仔? 依d 又係一種孽, 令亡靈不得轉世, 好大嘅孽
立善心，導人向善應該既。
可惜好心做壞事的人太多，受害者唔會覺得果個係好人。
本來打左一大堆字，但太現實還是刪了。
生活本來已經好現實，唔使我再強調。
命局好，但實際人生係兩回事。
先講陰宅，我唔識，因無實踐機會。
雖然據書所講，功效比陽宅強得多，關係一族之興衰，唔識唔討論。
親身遇過的情況有二：
- 命好運唔好，原局先天幾好都無用，一直行背運。
- 根本錯盤，命盤或宅盤，立盤後先核對是否發生過何事，吻合則此盤正確可細推。唔吻合，根本個盤唔用得。記錯時辰，立向偏了，經常發生。批命的話，試晒都唔夾就放棄直接用面相。
命好運好，因做壞事多了成壞局，或相反。
不太可能吧，最多受影響不能改變。
我已經係親身例子。
等分迆 