90年代我哋兩公婆跟隨父母移民，家當裝滿一個貨櫃。
2016年，我們移居沖繩，為咗慳錢，我們只帶了七件行李。
物品往往是一種情感，切斷，需要很大勇氣。
讓我們分享我們的移民，回流，再移居經驗。什麼才是真正有需要的。
12個讚
去日本真係咩都唔駛帶、最緊要帶錢 
認真諗就仲有中文書啦、比較難放棄、之前呢度傾過要諗下點帶龍鳳鈪囉、好彩唔係流星鎚 
1個讚
加拿大同英國其實都唔使帶。嗰度仲多嘢過日本。嗰度嘅華人比日本更加多。
通常都係帶啲好有紀念價值嗰啲嘢。我哋嗰啲金器，本來想臨走之前賣晒佢，我阿媽唔俾，所以放咗喺佢度。（唔係好多，加埋未必有兩萬蚊港幣）
心 
2個讚
系！一家人嘅心。
小朋友學嘅樂器，鋼琴等，都好難唔帶埋過去，呢d最相對大型物品
1個讚
帶人同錢,最好帶埋份工,無就當地搵!除左小朋友必需品,其他乜都扔,簡直駛運費
3個讚
90 年代我地帶左琴去加拿大（普通企琴），兩年後爛左。佢哋話因為天氣乾燥，同埋運送過程可能出現內傷。最後本地買，發現原來仲平。
而家有冇唔同我就唔太清楚。
每個人都有唔同需要，所以我哋只係分享我哋經驗。
証件 學歷證明 電話卡 藥or病歷 小朋友針卡
而家加埋口罩
其他身外物。。。
4個讚
其實我哋都唔係好多野帶，可能夾埋十箱八箱，都諗緊唔帶得唔得。不過又有十本八本大相簿同d紀念品，唔捨得唔要
1個讚
讚成，有小朋友的話就要帶中文書中文教材。
另外，我自己會帶自己鍾意嘅特別D既調味料。唔係豉油蠔油嗰啲，因為嗰啲用得好快，而且都差不多，同埋衣啲通常都有比較多牌子選擇。
但特別D既調味料，自己鍾意既牌子，外國未必有，我會揀帶衣D，到時可以煮返自己鍾意的，一解思鄉愁。
2個讚
相簿當初有兩三個生果盒。後來過嚟日本剩返一個，另外兩個嘅相全部scan 入電腦。剩返一個冇時間做… 而家仲做緊呢個希望工程.
調味料我覺得係需要… 但係唔需要帶過嚟. 我咁多年來都係叫人寄，武漢肺炎之前運費平好多（而家平郵同EMS 差唔多價錢). 咁樣就唔會過分囤積. 最後過期都變成浪費
唔會好重好貴嗎？同埋我知有D國家對寄件入口食物好麻煩。
不過讚成唔好囤積，同埋都好重吓，所以每款大約兩三樽就差唔多，用完就大概時間返香港補貨
我鍾意用相簿，其實女果d相係hard disk有儲，但從來冇整理好，根本揾唔返出嚟，好多女細個d相真係唔捨得掉
4個讚
我都鐘意晒相出來，放相薄
1個讚
第一一定係錢, 其他衫褲都可以買新
1個讚
每一次我都會寄三四種，每種三支。通常夠我用半年以上。因為唔係成日食，其實已經習慣咗呢度嘅味道。嗰啲醬料可能一兩個禮拜先用一次。以前嘅運費都係百幾蚊港幣，而家嘅運費就三百幾。
2個讚
我明白呢個感覺，所以我都係慢慢做。有機會呢一世都做唔完。
謝謝你分享，盡量輕便，大人都唔多野，最多都係小朋友野多
1個讚