宜家第23週，不過照超音波嘅時候醫生話BB大小得22週，細左一週。
請問咁早就below average，使唔使宜家就飲滴雞精養番大BB，定睇定啲到28週之後先算？
利申：已經一日兩杯奶加一隻雞蛋，唔知除咗滴雞精，仲有咩野食可以長胎
）
食燕窩，榴連會胎長得好快。
放鬆d,其實bb size 好多時已同遺傳有關。本身父母是身材係點樣？而且出世時的體重等未必同日後有完全的關係。
從順產角度，bb 太大反而辛苦媽媽生。
你同老公都細粒？
我老公有6呎+我平均身高，所以當時仔仔係大一個星期。37週個頭圍已經逼近10cm，醫生叫我催生，唔係驚我生唔出。
我有親戚兩公婆都矮，生咗個細碼B。
食牛會長胎，我嗰時一日二餐去追磅，驚出世唔夠2.5kg 要訓箱仔，最後出世都有2.75 kg
放鬆，唔使擔心
我同老公都唔係高大類型
陀大女時每次照都係細2-3wk，生長線差到要轉介返醫院跟進直到生
努力飲湯、滴雞精，食牛、蛋、牛油果，最後阿女39wk出世有2.7kg
我同老公身型都標準架，同埋20週照結構嘅時候BB都仲係標準，相差3週炸嗎，咁快就細1週
聽你地咁講，好似趁早追一追榜好啲
。
我都係咁上下週數試過落後
唔好太擔心 可以試下牛油果 我個時日日半個 到之後呀b跟番進度 出世仲成8磅有多加油
1個讚
週數係由你最後一次經期推算出黎(即假切你係之後的第一日受孕, 但事實點會係咁), 所以其實唔準係好平常的事.
差一週唔係問題呀
我個女個時差左2-3週
不過係頭圍
總之keep住有生長就得啦
產檢時醫生話大細一週問題都唔大~ 反而我呀媽成日叫我唔好食咁多~ 話BB太大隻好難生!
23週嘅size應該係用預產期計了
係，好平常，好多時都會聽到，通常第一胎時會好緊張，第二胎就會覺得無乜嘢
有聽過個解釋係可能遲排卵，同埋我覺得都係估計出嚟，我同啲朋友都有試過同預計出嚟有差距