活潑坐唔定牙擦妹
懶惰有小聰明
不愛做功課
愛睇書音樂運動
揀邊間好？
目標：
功課不多
性格沉穩點
最好不用外補都足夠考不錯成績
不會教淺考深
開心校園生活
家長間易相處
利申：普通中產家庭
兩間都有 offer？恭喜喔！
最簡單就係港島就 SPCCPS，九龍新界就 DGJS。
你定義嘅「不錯成績」係如何？合格便可，70% 都收貨，分數排名係頭 50%，定係點？呢類名校，有機會攞 80、90% 分數都只係中游，好多家長可能會心理唔平衡，就會走去谷成績、補習。
性格沈穩其實兩間都唔太算係，兩間都係活潑精靈小朋友多。
至於家長間容易相處，呢條答唔到你，每屆每班都有唔同嘅人，就等於問「邊間學校嘅小朋友好相處」。讀邊間都可以遇到難相處嘅人。不過「同學家長」不用多，能夠搵到兩三個已經夠用。
兩間功課都唔係多，對比啲一線官津，兩間都係較為舒服。咁所以就係睇返學距離同女女、自己心儀邊間。
兩間都考到真係叻女！
投spccps
男女校，冇女校咁多8婆野？
（只係個人感覺）
幸福的抉擇
GSIS
可以分享吓育兒心得啊，你囡囡咁叻你點栽培？多謝你
住九龍，本身麻麻單性校。
但Dg女仔又sharp 醒d好似，身邊無乜spcc人。
你哋認識的spcc人會唔會好書蟲feel??
我個人都傾向男女校。但有點擔手讀spcc會唔夠all rounded, 同埋好似無咁有氣場
無錢讀啦，同埋好似更離地
愛閱讀，鼓勵佢同陌生人交流，不過性格都係重要因素，唔係咁易改到
1個讚
我女讀緊spcc, 佢係外校生入. 聽佢講spccps上d同學仔好叻但係唔係書蟲, 好活潑玩得.
兩間都有書蟲同活潑人。我唔覺得兩間學校會 shape 到任何人做文靜/活潑，呢啲好天生。
你嘅擔心有啲奇怪，讀 SPCC 唔會唔 all-rounded，兩間小學都係數一數二，重視全人發展。至於氣場，的確係 DG 氣焰大啲，但唔係個個人都鍾意，SPCC 相對地冇咁高調，但唔代表佢冇「火」。兩間都係好學校。
1個讚
一直以黎聽到係coed 開心d, dgjs壓力大d
2間都學生in general 都中產以上，唔知鬥身家既情況嚴唔嚴重。
really? 因為係連spcc畢業的朋友都話佢哋的畢業生較薯 
我想我女睇落sharp醒，但又唔駛好似Dg咁大氣場請問spcc係咪無咩運動玩？
因為我聽返黎同埋朋友講返，都係話spcc無咩體育（比較渣），但係好投入音樂既。我女運動幾好，入spcc可能多d機會表現，如入Dg應該爭崩頭。唔知spcc有無體育校隊？
活潑坐唔定牙擦妹, 但家長希望孩子性格沉穩點.
就呢一點, spccps吧.
況且, 個人覺得spccps家長比較易相處.
我聽的就相反，Dg少功課、hea讀都得。但should spccps多功課同好多人都勁補習
聽聞學校有好多課外活動比小朋友參加喎！
（朋友個女上年考入小一，聽佢講過）
spccps 功課比 DGJS 多，都唔會多過出面啲谷讀書官津 
。兩間學校都有好多人補習，唔話你聽姐。呢個年代讀屋邨學校都大把人補習，所以補習同學校冇必然關係，係家長自己接唔接受到仔女目前成績。
最明顯嘅分別應該係英文科 DGJS 初小嘅 reader 深過 spccps，spccps 本 reader 叻少少嘅幼稚園小朋友都識讀，工作紙設計亦係 DGJS 比較優勝。不過兩間學校英文都唔會差，佢哋自有自己嘅教學法。
spccps cream of the crop 嘅學校，又係畀錢學校，又標榜全人發展，冇可能冇體育校隊！呢個年代冇校隊先唔正常，只係冇咁高調冇咁 aggressive。女仔有得玩乒乓球、游水、田徑、跳舞、羽毛球、甚至五人足球都有，呢啲係有攞過獎。另外應該係有免費 ECA 體育活動，有 rugby 跳舞同體操（唔知有冇變）。至於難唔難入校隊，咁按常理，學校唔止要揀鍾意玩嘅人，而係適合嘅人，有篩選都唔出奇。總有條隊適合你女女。係你就係你，擋也擋不住。
謝謝你回覆，你很了解spccps.
請問學校學生是否都溫文有禮？有校園欺凌嗎？另外聽完你所講，感覺上spccps好像不用最outstand都有表現同參與機會，你同意嗎？即是我都問過一些用家，感覺學校老師會俾機會不同小朋友帶領/表現，不會只集中在某些叻人。
你啲問題有啲…古怪。點解你會覺得學生會唔溫文有禮？至於校園欺凌，呢樣嘢間間學校屆屆都可以存在，只係你睇唔睇到，可能你嗰屆冇，但下一屆有，呢啲冇得避，不過 SPCCPS 係有篩選學校，個個家庭教養都唔會差，欺凌事件非常零星。現實嗰句，如果真有其事，以 SPCCPS 家長嘅學識，仲唔即刻投訴咩！
因為個個都係拔尖小朋友，個個都叻，咁老師當然畀機會所有小朋友去表現。同上，如果自己仔女被當透明冇表現機會，家長投訴老師會死得好慘。
1個讚