我仔9個月大
加固左兩個月左右，一日一餐固體，奶糊同粥仔錯開咁食
但係食奶糊/粥仔都好，都係頭幾啖乖乖咁張開口好肯食，食左十分鐘左右，開始左擰右擰唔專心，跟住唔肯食、喊叫，食完兩個鐘左右就開始餓要補奶。
而家有試下佢唔肯食、喊叫之後，都要坐多5-10分鐘先抱佢離開high chair, 想訓練下佢耐性，咁樣Work 唔work 呢？但其實都唔知佢係無耐性坐定係唔想食⋯⋯ 
另外，佢而家一餐固體通常都係中午2點幾，如果呢餐加固後，4點幾食奶，7點幾左右再食固體，9點幾食尾奶訓覺，咁樣會唔會對佢腸胃太大負擔呢？
仲有冇其他加固tips呢？請多多指教
9個月大坐得唔耐好正常，同埋一定要補奶，仲未可以用固代奶
我會喺佢開始扭計嘅時候比匙羹呀小玩具佢揸住，可以坐耐少少，大少少就自然唔洗揸都坐到
宜家呢個schedule都可以，到一歲左右bb食固嘅時間要同大人差不多，到時bb lunch要中午食，你可以慢慢同佢提早lunch時間
Tips係唔洗心急，大大吓自然就會習慣食固，宜家對bb嚟講只係練習，媽媽抱住同佢練習嘅心態就ok
加固要減奶量。要定時餵。餓都唔好俾奶。
如果佢知道唔食固體，都會補奶，咁bb就唔肯加固。
第時佢扭零食，情況一樣。正餐唔肯食，就要餓到下一餐。
健康院姑娘教
加固以1個碗嘅份量代替1餐
如果1餐食夠1個碗就唔洗補奶
食唔夠1個碗就要補奶
如果中午餐食夠1碗
下午茶可以唔洗飲奶
比小食、果泥代替
佢啲粥仔入咁有冇加餸？
加啲南瓜/番茄，粥仔甜甜哋會開胃啲
我仔試過食到一個碗都要隔2個鐘左右補60-90ml…所以我拿捏唔到
同埋佢啲粥仔都有落餸，同埋都算稠既
都有比果蓉，但佢都好似唔夠飽咁
小食係咪指星星餅、米餅？
如果係的話，我地都有比佢食
但係佢餓咁點算？
都要隔4個鐘先補奶？
咁幾時先加多餐固體呀？
加固開始咗兩個月左右可以加多一餐，食咗兩個月bb已經習慣用匙羹同吞得好啲，如果你覺得佢未ok就等多陣
第二餐一開始都係食少少，等佢知道呢個時間會食固，之後先慢慢加量
我bb開頭一直食固量少搞到我好擔心，到10~11個月大就食多好多啦
我阿女都係9個月
家下2固加一餐下午茶
中午同晚餐，每餐250g粥仔
我個女要食傑身野
所以好快已經食到粥仔
仲專登唔再打爛俾佢自己練下咀嚼
所以材料只切碎俾佢自己咬下
不過真心婆婆煮得好好味
所以我個女算食得還好
係有時食到尾飽飽地再加埋眼瞓呢
就會扭黎扭去
我地會盡量令佢食埋
如果佢扭得太勁
我地都由佢
下午茶就有時俾teether/乳酪粒佢，有時俾生果蓉
主要因為佢見到我地食野佢就會發癲想一齊食
所以俾少少野食佢過下口
飲奶呢
我就6:00起身泵奶番工嘅
佢如果早過6:00喊醒
我會由佢埋身食到瞓番為止
咁佢番到婆婆度
就會試下俾少少奶佢飲
因為唔知佢埋身食得夠唔夠
如果冇喊醒
就再座5-6安奶佢食
咁有時早間餐下午茶會用奶代替
到夜晚瞓前就俾8安佢食
但有時好似唔夠咁
再俾佢埋身啜下
你阿女食得好好呀⋯⋯
我仔返左健康院見醫生
話佢食得太少固體
而家要食三餐固
但餐餐都食到喊到 
餵果個都餵到驚⋯⋯