以前係麻麻地。但自從個入到神校英文好好既朋友話其實適當有節制都其實幫到。我細果個小朋友我已經改變佐諗法。
2個讚
我仔而家就嚟5歲，
喺2歲半前冇接觸過youtube或電視嘅卡通，
返pn先有喺學校睇電視（長全日，放學後會有30分鐘卡通時間），
喺屋企都keep住冇比佢睇YouTube,，出街更加唔會用電話睇，習慣左，佢唔會話要睇。
大約3～4歲期間，我先開始比dvd佢睇，每集30分鐘內，每次1集。 有時睇youtube會一齊睇d教學野，例如學數學，學英文。
而家4～5歲都係keep住咁樣，不過睇嘅野多左，有d真係無聊輕鬆嘅笑片，不過會留意住佢睇緊咩，同埋佢知道要做完功課，溫完書先會睇。如果我叫停，佢都肯停嘅。
最重要，唔好比佢出街睇，睇開就會習慣左，我好唔鍾意一家人食飯，個個玩電話，所以大人小朋友都要專心喺餐飯度。呢樣要埋大人配合。
諗長遠d，他日我唔想個仔打住機咁同我食飯，所以呢個習慣要由細培養，同埋係1個禮儀嚟。
3個讚
樓上提到睇電視。我細女係睇電視大嘅，電視節目係Disney channel，都係卡通片嗰啲。 大女就係收費電視嘅英語兒童台，佢睇嘅時間比較少，
大女鍾意睇書，而家到中學有時都睇書。細女就唔鍾意睇。而兩個啲英文都好好
而家兩個都青春期，大咗兩個都一樣，都自己上youtube睇嘢
1個讚
好似無咩人講 Youtube Kids? 廣告少啲同埋啲內容有 filter 過，家長亦可以睇返小朋友睇過乜。
我都唔贊成成日睇，就算睇我都盡量陪著，一來可以揀睇乜，我唔鍾意佢睇啲無對白或者唔識嘅語言或者搗蛋嗰啲，二來想有 interaction，一路睇一路問吓佢啲內容，睇吓佢明唔明。
我個仔知道爸爸怕煩，食親飯就纏住佢，知道爸爸會俾 ipad 佢，有時唔洗阿仔纏爸爸已經主動話「我俾 ipad 你，你唔好煩我」，激死我啦! 主動俾已經唔好，仲要話「唔好煩」，你話個仔點諗先… 教仔難，教人哋個仔仲難呀!
好騎呢
我自己唔鍾意比人諗我係當電話係奶嘴果種父母，但我亦唔會見人食飯播片就去judge人地，香港地太多3姑6婆，郁啲就話你，好討厭！
（不過如果小朋友細我會望多幾眼，見過有個媽咪真係投入食飯傾偈到，連個細路仔喺BB櫈想企高爬出黎都唔知）
2個讚
小朋友細個時候，我哋只會比佢睇display channel, 唔會cctvb, 到左高小，佢哋先開始睇YouTube 片，佢哋會選自己想睇既片，佢哋會將畫面轉到電視上面，所以我會睇到和聽到條片講咩，如果條片有問題就會叫佢skip 左，所以睇係冇問題，但大人要知道佢哋睇咩
1個讚
咁如果一兩歲，又無成日比佢地睇，咁細個其實食餐飯都好多野搞好忙點都係無時間傾計
係而家小朋友都5，6歲以上，大人細路出到街都放鬆下咁囉。
其實比youtube 佢睇都係一種教育, 因為電視, 網絡已經係全人類生活一部份, 反而要個小朋友識控制情緒, 講明比佢睇幾耐, 到時間就要停, 一方面可以要佢學習睇時間, 一方面要佢控制情緒, 當然youtube 內容都要注意你想佢學咩。
2個讚
小朋友5歲，0 YouTube時間
最多間中一齊睇下卡通當family time
依家小朋友返學已經要日日上zoom無得避，除學校需要，唔會再特別安排其他screen time
我自己當然唔會理其他人點教仔，不過一般對教育有理念同有做下功課嘅就會知道screen time一定係越少越好
學校老師comment話我小朋友專注力好好，之前返學由一早去到下午2-3點放學都keep到個專注力，我覺得同無乜screen time有關係
2個讚
真係唔駛太妖魔化電子野,我有朋友嚴格唔俾個女睇電子產品(未返學連電視卡通片都唔睇得),話教壞人會攪到小朋友唔識同人玩,點知佢女而家讀k3,一樣有同人相處既問題
2個讚
我都係,我覺得出街已經係玩,大人同小朋友都唔應該係街玩電話~
我有個極端例子：我第二個小朋友出世後，無左半條命，就開始俾大仔睇youtube。壞處就大家都知，如上面大家講個D，另外有以下半好半壞既結果：
- 係我完全無教佢，讀中文學校既情況下，佢學左native既英文，可以和外國人完全流暢溝通，講野成個鬼仔咁。另一方面佢中文差，於是英文變左佢母語。過左幾年，佢中文完全跟唔上，我被迫要幫佢轉讀國際學校和國際教會。因為佢英文聽講好，雖然讀寫差，都有學校收左。
- 佢睇好多怪野如game youtuber，於是乎我們開始限制佢可以睇既類型。最後佢迷上左科技地理軍事歷史片，變左個geek，滿口冷知識。
我女睇開迪士尼卡通,真係慣左聽英文,而家小學英文堂d老師只會講英文,我女都跟到~
睇你決心啦，但唔用一定係好過用
平時只可睇電視，間唔中會開電腦一齊睇少少，不過都只係一兩星期先一次，只係得5-10分鐘到，電話從來都唔準掂，ipad set晒使用時間，亦會每日check使用時間，發覺上網多左就問點解，解唔到就罰
依家zoom就睇得出，只少佢可以坐定定30分鐘上堂，大把同學仔遊雲/唔知老師講到邊/玩/唱歌/劃screen/舉手/走左去/…
2個讚
agree 我小朋友都一樣
特別上左小學 同其他小朋友一齊補習
都會睇到分別
我小朋友專注力完全無問題
但其他小朋友狂睇youtube
專注力真係爭D
2個讚
我反而覺得無咩關係，我細嗰個小朋友因為跟哥哥，好早開始睇電視，但佢專注力好好，返pn 全日都好專注，哥哥三四歲先開始睇youtube, 反而成日發夢,我覺得同性格大關係啲
5個讚
未做家長時，我都可能會喺心度咁諗隔離枱嘅父母。
我自從做咗爸爸媽媽就明白一個道理，唔好用自己把呎去judge其他家長，我地見到嘅只係一陣間，唔知人地背後發生咩事。可能人地爸爸媽媽返咗成日工已經攰到爆燈，好想好好食餐飯咁。
8個讚
我只會覺得小朋友大左會１８０度大變，呢家細可以控制，到大左可能係兩回事。
所以平衡，唔好０但又唔好過多，接觸過好過無接觸過，由細教導點樣去控制screen time。
我小朋友間唔時會有２０分鐘玩IPAD 或手機，限時到佢會放低繼續煩住大人。
2個讚
其實真係唔關睇電子產品事,我女由細都有睇開電子野(當然唔係長時間啦),佢專注力好高,唔止上堂,佢連玩lego都可以自發坐定半個鍾以上,真係天生性格黎~
2個讚