求過來人分享，而家14w成日胃漲胃頂肚脹，食兩啖就食唔落，有時一餐只食到一件紅豆糕。有時食完又會嘔。知道12w前bb自帶營養就算食唔到bb都keep住跟週數成長，但而家14w仲係咁，好擔心，會唔會影響bb?
P.S. 奶都飲唔到，水飲多幾啖都漲住，已經輕左接近4kg
不要太緊張，我都嘔到30幾week，但BB出世都一切正常，仲重3.5kg
唔知，幫手push！
有冇食啲孕婦supplement?葉酸？
有冇試下酸野？
湯飲唔飲到？
多謝分享。你嘔但食唔食到野？我知有啲人係食到，但食完會嘔，我唔係嘔好勁果啲，一日嘔一兩次，嚴重啲就嘔3次，但就完全食唔落野，食兩啖就飽咁。所以真係唔知bb點吸收
我綜合維他命係一時時食，因為有時食左仲唔舒服咁。但葉酸就一定有食。酸野咩野都差唔多，主要係冇野想食，垃圾食物都唔想食。湯就可以飲小小但我都冇精力煲，飲太多又係漲住。唔知幾時先會好
飲到就啪包雞精補充下營養，唔得就食下藍莓開胃
有人話食梳打餅都ok
我食到麵包，梳打餅，不過我見人話要蛋白質先係養胎，我就食唔到蛋白質。只係食麵包，餅類呢啲又好似冇咩營養咁
飲奶/滴雞精/食蛋
我有左細女，頭3個月輕左8kg，之後都嘔到6,7個月先停。總之個陣食得落乜就食乜，想食就食，唔好諗咁多。我個陣最想食係車厘子，餐餐都要有車厘子係到，最緊要放鬆，多啲同bb傾計，叫佢食多啲。最後細女都有7磅出嚟，加油，唔好太擔心，bb 都會努力吸收多啲
1個讚
我嗰陣冇咩嘔，但就成日反胃，所以初頭都冇咩食野，同輕咗幾kg。20零週到就開始摸到食咩會舒服啲 （我有咗後食唔到豬，但就變到鍾意食辣），我覺得放鬆啲，都會有胃口啲。食到餅就食咗先啦，最緊要唔好餓親，營養就下一步啦，加油
我到生嗰陣，食量都冇番到去有bb前，但bb出世都有2.9kg 呀~
1個讚
多謝你, 我會放鬆D, 希望會快D好轉啦 
多謝你分享, 我食既野都冇乜蛋白質, 希望BB都會盡力吸收多D啦.
我會放鬆D, 有時真係因為呢D害喜搞到好折鬱 
唔緊要 ga, 我係一直跌磅到 7 個月，食乜都嘔，BB 都係正常發展，醫生開嘅 supplyment 食到就 OK，最後39w佢出世時 3.2 kg，呢個重量幾好生
多謝你分享下, 幫我打左枝強心針.
綜合維他命我有時都係隔日食, 因為覺得食左胃會唔舒服 @Yb1124
不會，營養c話bb頭三個月唔洗靠媽媽進食而成長，所以頭三個月肥果d其實係肥係個媽度。
如果要谷肥bb就要7-8個月先開始食多d。
唔使咁擔心我一開始都係食唔落野，係咩野都唔想食
練仙咁，又擔心3個月BB陀唔穩果D野，成日都好擔憂，更影響食慾。
但慢慢時間過突然間就有返正常胃口，好神奇
真係咩都無做過就開始食到野，而加我仲重咗好多
del
多謝你分享呀!
我而家已經少左好多作嘔反胃果D, 都自覺係有胃口左, 但唔知點解都係食唔到好多野, 又唔係飽但就係唔想食咁.
希望會一日比一日好啦. 
我都會有擔憂呀, 即使而家已經14w幾但都會有擔心, 特別係有時下腹會吉下吉下咁痛, 成日都驚唔知BB會唔會有咩事…
雖然我無食唔到野~ 不過我係到左20W左右突然好大食!
下腹吉下吉下咁痛我成日都覺得有, 之前睇檢查時醫生話係因為個肚比BB撐大緊, 會有拉扯感覺好正常, 覺得吉下吉下咁痛通常都係心理作用~
原來係咁…因為呢幾日我個下腹成日都冤冤痛之類…有D似m痛…
係咪冇流啡流血就唔駛理架…