微波煮食，大家都諗起微波爐，幾十年前產品，爛到3百蚊都有部，無特別。。。 咁諗就錯，今時今日真係學無止境，新瓶新酒，身價飛升百倍，上年miele出左部十萬蚊既 dialog焗爐，冰盒煮魚，吹到大一大，我今日得閒去search下係咩葫蘆賣咩藥。原來miele係用以色列goji既 solid state rf cooking 技術，唔係d 咩自己野。
上年，半導體製造商nxp 已經公佈左佢地既 solid state rf cooking solution, 如果有公版design, 我估2年內，唔同牌子既新世代rf 焗/微波爐會開始上市。
簡單講，新既solid state rf cooking 同 傳統微波爐最大分別 係 產生微波既方法，傳統微波爐用磁控管，幾十年前用到e家，無轉過；新rf係用半導體產生微波，咁講可能都係太抽像，如果以類似既野尼講，就係舊時鎢絲燈膽 轉成 現在LED燈膽 既分別。轉左半導體後，體積大幅減少，微波功率控制可以極精準，可以透過多個發射器，疊加功率，另加多個接收器，可以即時判斷食物吸收左幾多能量，再自動調整功率，電腦輔助煮食。由於新rf技術用915MHz比 舊時2450MHz有更高 既穿透深度，所以會改善現有微波爐外面熱，中間心冷問題。
由於今次m 牌太貴，希望其他廠商既 新rf 產品快d上市，幫助地獄廚魔，唔會再有生肉血淋淋 or 熟到鞋拾拾。哈哈。