近排感覺甲亢有復發跡象，已經係第二次復發…
其實每次病發我都係一食藥就即刻正常返，食藥對我係work既（不過都有食足年半）。咁應該考慮其他治療方法嗎？ 做手術定飲碘水較好？宜家公司有medical，我有啲想做手術一了百了。有無人做過可以俾啲意見？
謝謝
做左手術係咪要終生食藥？
我揀飲碘水，効果好好，無復發又無太低。
當時考慮小朋友細，唔想冒手術險，做手術後又要一直食補充劑。
Ps. 飲左大約10年
1個讚
但聽講得小數人會飲得岩岩好？多數都會慢慢變甲減，不過我都會選飲碘多過做手術
如果你介意傷口外觀，一定係私家整得靚d，識人政府做手術，個疤痕都幾覺眼
飲碘有可能甲低，但如果做手術就一定低（係直頭零）
係！所以我都支持飲碘，無必要去捱一刀
飲碘水同做手術都有機會甲減，醫生通常唔建議太年輕飲碘水因為有輻射
當年飲碘水個個都係阿婆阿伯…
男定女？
如果唔係趕住生仔係碘
手術無話100% 成功
甲狀腺附近有聲帶神經線
割得唔好就麻煩
條頸又有機會留疤（呢個睇你皮膚）