請教賣樓尾數係咪應該成交日當天已轉入賣家銀行先交吉? 定由賣家律師樓開票?
律師樓話成交時間好多時係下午5點,當日未必趕到入票,即係成交當日未到錢, 係咪正常?? 存在彈票風險嗎?
謝謝!
1個讚
係買家一早打錢比自己律師, 成交日由買方律師開律師樓票出嚟, 5點前送到去賣方律師樓
律師樓票彈票機會極極極低 (但又唔可以話無, 因為我見過), 而且律師行每單AT LEAST有一千萬責任保險
2個讚
正解
同埋如果有做按揭，根本d錢唔會經買家手
全部係銀行同律師樓deal
謝謝你既解答 
係咪即成交日當天我收到支票,即使未確定是否入到數,都已經要交樓?
無可能會入唔到數
律師樓唔會幫你入數？
一定係收到數先交樓
樓係當日交收, 但你可以比INSTRUCTION自己律師唔好送份簽好嘅ASSIGNMENT 過去比返買家住, 直至張票過到數, 一般賣方係有3個WORKING DAYS RETURN DULY EXECUTED ASSIGNMENT
張票係律師樓開比你，唔係買家，即係話條數係入咗律師樓度先，係律師樓已代你收咗尾數，再由佢出返支票比你。除非律師樓突然破產，或因某d原因張票兌唔到，如果唔係你實收到數。
2個讚
樓主如果好擔心其實你可以要求你收果份錢買方比銀行本票 
合約一般都有呢個條款: In respect of payment of the balance of purchase price or any part thereof…on the date on which such payment is required to be made hereunder either a cashier order issued by a licensed bank in HK or a cheque drawn by a firm of solicitors in HK…
1個讚
Thank you ! 因為賣樓情序同以前唔同左,有D擔心 
等我依家問問律師樓先
明白
因為交吉左層樓未收到錢,會有D擔心.
律師樓會執笠/被接管，黃馮單嘢已証明所謂責任保險，係唔包的。 過去幾廿年全部人都理解錯了。黃馮受害人仲未有錢攞。
而家應該收本票較安全。
請上google search 黃馮， 好恐怖
1個讚
所以我都話唔可以話完全無風險, 黃馮呢單之外我都見過律師樓票彈票
solicitors’ accounts rules 就喺度, 但仲有害群之馬, 或把關不嚴
唔係點解發展商成交成日要收本票啫
相關新聞：[律師行遭接管 逾千苦主追錢 買樓客640萬凍結]
專業彌償計劃2019年10月作修訂，保額由1,000萬上調至2,000萬元，以應付因專業疏忽所引起的民事索償；部份律師更會額外向坊間保險公司，再購買責任保險，費用按律師行生意額而定。但若涉刑事，如律師盜取客戶款項後失蹤，保險公司不會賠償予客戶。
陸偉雄提醒，苦主當務之急應優先處理自身事務，先向「介入中介人」登記，及聘請新律師處理黃馮律師行未完成的法律案件，及後才考慮民事追討。以涉及樓宇買賣為例，陸指苦主可透過新委任律師，與另一方律師進行磋商，「一般知道純粹係律師樓問題，可酌情延後交易」。
1個讚
又咁, 呢單嘢D客D錢係FREEZE左, 但唔係一定攞唔返嘅, 調查完(可能要2,3年) 係會攞得返, 不過中間呢段時間會好頭痕
咁講可能好衰, 但D人好多時就係貪平搵呢D師爺FIRM, 風險自負囉~