我打算先睇一次金剛經佛教動畫 大概了解一下先
1個讚
夜晚同農曆7月,都唔敢再唸大悲咒,嗰次感覺到佢哋係我周圍… 
嗰刻一諗起師傅話我係做緊功德,幫佢哋,唔係害佢哋,係因為我有能力,所以佢哋先可以嚟聽,我先定 d 嚟唸埋佢… 
真係無下次 
1個讚
我見佢話90歲,我身體一般,想學佢長命 d,睇世界,又有心願,就即管試下啦! 
同埋我自細好鐘意觀世音菩薩,個個都唔鐘意,最鐘意係佢,又係唔知點解 
記得幾年前,我隻喵去左彩虹橋,我唸左7749日經同守齋,自己有心幫佢超渡!
無耐之後,有一日,我發現佢報夢話我知,佢去投胎轉世了,當然係做人定做返喵,就唔知啦!
最緊要心誠則靈!
3個讚
你去齋舖或廟,有時會有金剛經書,入面有埋白話文解釋
1個讚
其實真係唔洗驚
地藏經有講到，只要你念一佛名一菩薩名一句一偈大乘經典
就會有緒天神佛護持，唔會比惡事橫事接近你
你都知道，持咒唸經要迴向比一切眾生
所以你一持咒，眾生就嚟聽，聽左佢哋結到佛緣就可以去輪迴轉生
所以持咒迴向功德無量，冇理由你又迴向比人哋又唔人哋嚟攞架嘛
1個讚
無錯呀
曾經有過不快經歷,我陀住 b 拜地藏,就流產左,自此有 d 怕地藏菩薩,亦唔太想唸地藏經,唸地藏經又會唔會又係易引佢哋呢？ 
唸地藏經前，先要知道地藏經講咩
建議你聽 了一法師 主講 地藏菩薩本願經
向YouTube有，聽完就能夠拋開呢啲見解
了一法師講得好淺白，同埋一啲都唔悶
好建議初學佛法者由呢部經聽起
學正宗嘅佛法
3個讚
謝謝你
可能係前生有唸過啊。 
1個讚
你千祈唔好咁諗，只要你唸地藏經，你所在嘅土地鬼神就會日夜護佑你。
1個讚
咁好架!我試下先!
但我成日發夢自己前世定下世啲事,瞓醒唔太記得!夢入面就夢到好似第2個空間既自己,你哋有無人咁?
了一法師，好生鬼有趣。我都好鍾意聽。
我知我成晚不停發夢，但一醒就唔記得啦，只有一兩個特別記得。
1個讚
呢度原來咁多師姐，我抄咗幾年經，但係生咗之後就無時間做了
大家有無買佛珠？成日上網睇108佛珠覺得好靚，不過自己宜家無時間抄經讀經買咗都無用，得個睇字
我上年開始抄/唸心經，簡單，個心又幾舒服，比較定。
今年因緣際會，有人介紹我唸藥師經，因為我學緊中醫，所以覺得也合適呀。感應好強! 有日頭暈作感冒，我一路訓一路唸藥師心咒，睡醒就無事了。
自覺同佛係有緣的， 之前都去過梅村的mindfulness 活動。
想問下師姐，係咪專心唸一部經就好? 成日聽見其他人推介什麼什麼咒好，但暫時無感覺，未想唸住
1個讚
初念經最好專心念一部，因為每部經書都博大精深，唔少佛教徒一生只念一部經，求精而唔求廣。
2個讚
我都prefer係專心唸一個咒，一部經或一個佛號，不過我老師每到一段時間就推介唔同嘅經同咒，所以唔同時期就唸咗唔同。
1個讚
呢個係雜修同專修嘅問題
唔同法師都有唔同答案
我係修念佛法門，專修其實係最好
一心一意念佛號已經可以往生西方極樂
但係佛陀留咗咁多智慧（經書）比我哋
如果有時間點解唔學多啲
聽經聞法先可以修智慧
每部經書都可以學到唔同嘅智慧
我嘅見解係，專修雜修做個平衡
每日我都有固定嘅功課做
我修念佛法門，每日都會念佛號+誦佛說阿彌陀經+往生咒
除咗每日功課之外，會再抽時間，半個鐘-1個鐘左右，去修其他佛學
例如係聽法師講經、學念咒語、誦佛經，但係只會揀一樣學
例如而家學緊楞嚴咒，咁每日做完自己功課，就只會念楞嚴咒，日日如是
直到我覺得楞嚴咒念得純熟，就會學另一樣嘢
下次可能係誦地藏經，咁每日做完自己功課，就誦一卷地藏經
最唔好嘅係，人哋話邊部經好，就樣樣都做吓
今日誦地藏經+藥師咒，聽日就金剛經+普門品
就樣就真係雜行雜修
6個讚
多謝您，答案非常完整，亦解答左我的疑惑