你直問我,我做媽媽,一定話係!但旁人眼中,的確讚過無數次!而我真心覺感激菩薩善待我,賜比我 
算8字又係,睇樣又係,總之令我估唔到!出院第3日返屋企,已經途人指住佢讚佢精靈!的確佢班主任話佢把咀講野好叻! 
或者咁講,佢說話技巧仲叻過我!我大人有時仲要倒返轉頭向佢學習對人講野! 
邊個教?無人教!叻真係唔駛教,又無得教!
我咁蠢,教 c 都無用,都係蠢 
唸經一定要迴响,無做迴响等於無唸經!
嗰陣每日定時唸,至於嗰1萬2千次,書仔後面有圓點可以油,每20次,自己油一個圓點 
2個讚
咁真係好感激菩薩賜你一個聰明伶俐的bb
你當時你未有bb已經開始唸？
我現在就每日唸完迴向 不過我就係冇跟迴向文 自己祈求d咩就甘講出尼
1個讚
我守十齋日架
皈依左好多年
不過近年先精勤修行
而家每日都誦阿彌佗經，唸佛號
努力學緊楞嚴咒，學極都唔識，好難
係呀!想有準備就開始唸!加上自己都覺同佛法有緣,隨喜 
你試下可以照講’願以此誦迴响給一切眾生,xxxxx(自己同家人名).求觀世音菩薩賜xxxx(想要乜),謝謝菩薩!’
唸多迴响多,會好順口!
老實講,我樣子都唔差,生得好眉好貌
但我有做過統計,短短幾年,啲人讚佢次數多過我,齋講樣貌,呢樣我都知無得比!上天比既!我最多苦笑吓
題外話,我自己單拖帶佢拎出世紙,居然有外藉人士西裝打扮,裝下 bb 車,讚佢 cute!
佢眼睛比人讚得最多,咁仲有耳口鼻嘛!初頭我睇唔透,唔識睇5官,成日望
有次佢9個月,我去食 buffet,帶埋佢,有個媽媽走埋嚟,話叫我比佢望下個 b,佢篤住阿 b 個鼻,話好少男仔個鼻生得咁靚!
呢位媽媽,如果係你,記得見 post 留言!自從嗰日開始,每日留意佢眼耳口鼻變化,你講得好準!好識睇相 佢個鼻生得好靚,初頭我好擔心架!我真係好佩服你!你真係高手!你教下我點識睇 …9個月都睇到,而家我先睇到… 
耳仔喎,我發現好似佛祖耳仔咁,尤其耳背,一啲都唔似我哋…
真係謝謝菩薩賞賜!隨喜
2個讚
我暫時只識六字大明咒
梵音我唔太識 要努力學下先
1個讚
我見人有用唸佛計數機
好似戒指咁戴向手指，一路唸一路㩒制
不過聽法師講，其實唔洗刻意計次數
如果有睇過佛說阿彌陀經，臨終前念佛號一聲就可以往生極樂，重點係唸果一次有幾誠心
誠心唸一次，比無心唸一萬次強
迴向唔一定要跟迴向偈
求咩都好，最緊要係呢句：
「願以此功德，迴向比十方法界一切眾生」
迴向比眾生功德最不可思議，功德無量
1個讚
如果你信佛,請多多唸經同迴响!你想求乜,就照求!
我識有女仔只求財,佢都話佢單身唔結婚只求財!我問佢點解信菩薩,佢話佢信左10幾年,佢真係發左開大公司做老闆!聽完佢講,都覺奇!
當然信其他教,都有人發達!問題係你信唔信同有無緣!
1個讚
我想幫手印佛經書,但唔知邊度有,如果有 jm 知,借呢個 po,留個言分享下,功德無量
2個讚
哈哈 好‘鄧’你開心 生了個又靚又叻的bb
之後有冇計劃生多個‘端正有相之女’？
其實你最初點接觸到佛學？學校？家人？
1個讚
yesyes 我都有係網上見過
有時我計到就計 如果係街到心中唸 就冇計了
想…但我身體一日比一日差,命中注定子女唔多,一切隨緣好了
我應該都係命中注定同佛有緣,本身有佛骨,初次睇經書,我算領悟力高!識讀識背又明!
加上自細真係無食牛肉,我屋企有人食,得我唔食!記得大學有一次貪得意,第一次食吉野家牛肉飯,食到反胃作嘔!唔知係從小無食定係敏感,嗰次記憶難忘,我就記住無下次!
屋企人無人信,我中小學讀天主教學校!反而有人叫我入教,但無入!
呢 d 係緣啩!有次企係廟門口,見有個婆婆,口裏噏噏下,我行埋去望下佢,佢話佢唸經!佢話佢90歲!佢唸白衣神咒,佢話佢日日唸,跟住塞本經書比我,叫我唸,我哦!打開睇又好易唸,就咁展開左我信佛之旅
2個讚
我有印過幾次
多數都係自己同門師兄加埋啲親友夾份印
同埋都講緣份，唔係成日有人發起
啱啱就印咗梁王寶懺
係大家成就咗一場法事，剩咗啲功德款，就用嚟印經書
1個讚
隨喜
反而我最想唸金剛經,但次次唸完恰眼瞓,唔知點解!我要再專心 d 唸好佢
我近半年習慣咗每日唸，除非真係好多嘢攪，否則每日都唸。
以前唸地藏菩薩本願經，有唸過佛號，六字大明咒，高王觀世音真經。宜家每日唸僧伽吒經。最近又學緊唸楞嚴咒，由於係學梵文版，啲發音對我嚟講係挑戰，又覺得幾得意。
之前我係迴向俾自己先，老師話自己消咗業先，先有能力幫親人唸迴向俾佢哋，由於眾生太多，唸嘅功德係唔夠分架，所以我決定幫咗親人祖先唸，迴向晒俾佢哋，我先會迴向俾眾生。
呢個我係做法，但我知道有好多慈悲心腸嘅人會先為眾生唸，我好敬重呢啲善心人的。
2個讚
因為你一路唸一路消緊業所以有咁嘅反應，係好事，加油！
1個讚
有次我唸大悲咒,真係感覺到有野聽經…
自此唔敢夜晚唸,日頭吟完就算
如果真係驚就唔好夜晚唸，仲有其他時間可以唸嘛。
其實佢哋都係可憐嘅眾生。
1個讚
原來咁好!其實我本身幾鐘意唸梵文金剛錘薩經,唔好問我點唸,我又係怪怪,識唸,仲覺得首經文好好聽
嘩 咁真係好有緣份
由一個萍水相逢的人比本經書你去開始學佛
1個讚