而家返緊一份穩定但好chur既工
自己本身唔叻
做到呢份工其實覺得自己好幸運
但係
性格上我唔鐘意同老闆埋堆唔陪玩通頂（人大左愈黎愈唔想硬埋堆）
所以老闆對我就成日單單打打
我又唔夠其他同事咁aggressive同proactive
工作表現係中下，我完全係所有同事之中比下佢
係呢份工我完全冇滿足感同存在感，自信心好低
日日都唔想開電腦開工
成日同自己講為左穩定人工同CV要感恩同捱落去
但因為家庭同COVID我都冇決心quit
點做好
樓主連出2個post, 睇得出你好困擾
1個讚
真係好困擾，尋晚4:30都訓唔著
認真，咁大壓力即係份工唔啱你做，我以前有份工都係咁，但份工人工un，可以quit左無煩惱…你一係改變自己性格，一係就捱落去，到環境好啲就轉工，無幾多choice…
4個讚
起碼佢地無迫你走呀～ 你仲可以係度返放工逗份糧。
1個讚
你有家庭負擔 又擔心COVID
如果你短期內搵唔到新工 應該會仲唔開心
而家份工咁穩定 咪邊做邊搵囉 唔洗即刻quit嘅
2個讚
我上年頭生左小朋友
老公又搵得少
真係好大壓力
佢地暫時冇迫我走
但說話愈黎愈多
好多同事話我陪下老闆玩就有運行
認真問…唔埋堆係咪錯？
先計下手頭上嘅錢，如果唔做捱到幾耐。
又睇你夠唔夠膽，直接同老闆講。
壓力大會好多身體問題出現，得不償失。
2個讚
邊個定對錯？如果我哋話你錯你就真係會做你唔想做嘅「岩」事？
人生，冇能力創造幸福，就唯有選擇冇咁痛苦嘅結果。
3個讚
一路做一路搵，未quit到前：忍！！
2個讚
多謝大家
手頭上既錢係夠夠地
但有左小朋友又要供樓
老公搵得少但又係成日想quit (雖然佢好廢但我都好愛佢geh haha)
個經濟負擔係哂我身上+冇家底
實在冇祼辭既勇氣
而家好多公司freeze headcount, 暫時出面唔會搵到一份唔炒人同medical咁好既工（非政府）。
我真係唔敢同老闆同同事拎出黎傾下
呢到太競爭性
拎出黎講佢地只會覺得我能力更低，連自己情緒都管理唔到。
工作性質我係鐘意既，主要係人事
傾向捱到經濟好返啲再搵
只係想知而家點樣令自己好過啲
做最差嗰個感覺好差
2個讚
你話自己唔叻，工作表現中下，咁其實都認同自己能力低。冇滿足感同存在感，自信心好低，即係心態&情緒問題。
所以就算人哋咁話你都冇錯架，你應該思考下點樣提升工作表現&情緒管理
唔埋堆根本唔係問題，我同老公都係工作從不埋堆嘅人，咪又係咁升職加薪，如果你嘅工作表現冇問題，人哋冇位入你，亦唔怕人講是非。
自信係自己比自己嘅，我都遇過唔少能力差但勁有自信嘅同事
2個讚
我欣賞你呢樣。
愛一個人同佢廢唔廢就冇直接關係嘅，好多女人都鬧自己老公廢，但我反而覺得老公愈廢，自己就愈想保護佢。
加油！
1個讚
廢唔緊要，最緊要對老婆仔女好。
1個讚
如果老公搵得唔多但盡能力照顧你愛你都係好老公丫
樓主，我係你盡頂，調節心態，同時預後備方案，太頂唔順(例如影響健康)就quit
2個讚
你而家最唔鍾意嘅只係一份工 喺你嘅人生嚟講 絕對唔係永久架 過咗去就無事 身邊仲有大把嘢要你畀心機處理 尤其係小朋友
公司嘅是非 一笑置之啦 何必自己激自己
2個讚
你應該入一間公私分明既公司，老闆要人陪係咪計ot先？
1個讚
人就係喜歡是非當人情，齊齊批評人，尤其係女人堆
我都係唔aggressive, 每日只想盡快完成工作可以快d返屋企睇小朋友
唉，唔係個個都係單身有時間可以係公司磨浪費時間，所以我都feel到上司唔太ok我，亦開始處處挑剔，我都頂得好辛苦，但又唔可以貿然辭工
你份工做左幾耐呀？
我都好想做到你咁型丫
有表現我埋唔埋堆都得
你一矢中的講到尾我工作表現唔夠好
我會努力的
1個讚
年半啦已經。想準時返去湊仔真係難。我呢到8成人都仲係未有小朋友。要上位做幾夜玩幾夜都得。我老闆有哂家室仲唔care照樣要同事陪玩陪飲，痴線。
Life stage唔同左我諗我唔可以好似佢地咁搏啦
你有咩打算？情況未咁差都唔使走丫，表現繼續維持就夠了