bb依家13個月大，之前自己冇research情況下係誠品買過啲中英單字書同好簡單既故事圖書比佢睇，發現佢都幾有興趣，有時會拎比我地要我地讀比佢聽。
但因為我自己本身係working mum，平時係姐姐主力湊佢，但姐姐英文麻麻地，所以想跟廖彩杏書單買書同點讀筆比bb，有冇媽媽有經驗，書單既讀音檔可以邊到搵到？點讀筆有咩牌子推介？可以點讀到書單啲書嗎？
本身對呢啲認識唔多，發現做媽媽要學嘅嘢真係好多，希望各位媽媽們幫忙解答
教育出版社（Robin)有出i-pen, 佢有一本類似幼兒字典咁，有圖畫單字連英粵普發音，亦都有唔同程度既故事書買。
其實BB咁細個，可以買幾本大圖書，圖畫要夠大。父母每日抽15分鐘伴讀就可以了，係一個好好既親子時間，因為可以有互動，有時讀到每一頁，可以叫佢或自己扮下故事入面主角既表情，好開心架。
P.S。我未睇過廖彩杏，我小朋友係睇oxford reading tree大既。
要留意果枝點讀筆可以 support邊D書先好買
個個牌子唔同架
我買過，還可以啦，你可以淘成set書再加支小達人筆就得，佢通常都會幫你入埋落支筆
其實唔需要咁早買點讀筆，我小朋友18個月時買咗，之後都唔常用。到咗小朋友讀N或K，有D幼稚園書係可以自費配點讀筆，為咗配合返學校D書，我又買多枝筆
。如果早知幼稚園都要買，我唔會咁早買點讀筆。
我都用小达人，
買純粹唔想港式英文教壞佢，
又有真人講故事。
小朋友三歲時買，
由朝自己點讀到晚聽故事，
持續左三個幾月，
口音學足ort，
所以點讀筆我覺得好work
個人覺得很有用，我係用廖彩杏書單的書（130本）再加其他點讀書。但個人認為廖彩杏書很好，包括了很多經典外語書，絕對可引起小朋友對英文的興趣。
我小朋友約一歲開始，一歲時主要點兒歌聽，一邊聽，一邊跳舞。兩歲班前，有上一星期一次的英文playgroup 。用到大概三歲半，轉用另一枝leap frog 點讀筆。現時四歲能自己閱讀，就沒有再用點讀筆。
我本身係幼兒導師，教中文，家中係全母語，也不想講半桶水英語，所以廖彩杏在開始階級學習外語絕對很好，趣味性很高。